កម្ពុជា​រក​ឃើញ​អ្នក​ឆ្លង​ជំងឺ​កូវីដ១៩​ម្នាក់​ទៀត ជា​បុរស​ខ្មែរ​មក​ពី​ប្រទេស​ជប៉ុន

ដោយ អាស៊ីសេរី
2020-11-22
Share
ឱ វណ្ណឌីន 022720 វេជ្ជបណ្ឌិត ឱ វណ្ណឌីន អ្នក​នាំ​ពាក្យ​ក្រសួង​សុខាភិបាល
រូប៖ ហ្វេសប៊ុក​​​ក្រសួង​សុខាភិបាល

កម្ពុជា​រក​ឃើញ​អ្នក​ឆ្លង​ជំងឺ​កូវីដ​-១៩​ម្នាក់ទៀត ជា​បុរស​ជនជា​តិខ្មែរ​អាយុ​២៧​ឆ្នាំ រស់នៅ​ស្រុក​កំពង់ត្របែក ខេត្ត​ព្រៃវែង ។ បុរស​រូប​នេះ​បាន​ធ្វើ​ដំណើរ​មកពី​ប្រទេស​ជប៉ុន បន្ត​ជើង​ហោះហើរ​ទៅ​ប្រទេស​កូរ៉េខាងត្បូង ហើយ​មកដល់​កម្ពុជា កាលពី​ថ្ងៃ​ទី​២៦ ខែ​តុលា ហើយ​បាន​ធ្វើ​តេស្ត​ជា​លើក​ទី​៤ នៅ​ថ្ងៃ​ទី​១៣ នៃ​ការ​ធ្វើ​ចត្តាឡីស័ក ទើប​រក​ឃើញ​វិជ្ជមាន​ជំងឺ​កូវីដ-១៩​។ បច្ចុប្បន្ន អ្នកជំងឺ​រូប​នេះ កំពុង​ដាក់​ឲ្យ​សម្រាក​ព្យាបាល​នៅ​មណ្ឌល​សុខភាព​ចាក់អង្រែ រាជធានី​ភ្នំពេញ។

ក្រសួង​សុខាភិបាល ប្រកាស​នៅ​ថ្ងៃ​ទី​២២ ខែ​វិច្ឆិកា ថា តាម​ជើង​ហោះហើរ​ខាងលើ​នេះ មាន​អ្នកដំណើរ​សរុប​ចំនួន ៣៩​នាក់ ហើយ​បាន​ធ្វើ​តេស្ត​លើក​ទី​១ កាលពី​ថ្ងៃ​ទី​២៧ ខែ​តុលា មាន​បុរស​ជនជាតិ​ខ្មែរ ២​នាក់ វិជ្ជមាន​កូវីដ​-១៩ ប៉ុន្តែ​បច្ចុប្បន្ន​នេះ មាន​ម្នាក់​កំពុង​សម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូ​វៀត រីឯ​ម្នាក់ទៀត​ជា​សះស្បើយ​រួចហើយ​។ ចំណែក នៅ​សល់​ជាង ៣០​នាក់​ទៀត ត្រូវ​បាន​ដាក់​ឱ្យ​ធ្វើ​ចត្តាឡឺស័ក​បន្ត​ទៀត។

គិត​ត្រឹម​ថ្ងៃ​ទី​២២ ខែ​វិច្ឆិកា កម្ពុជា​រក​ឃើញ​អ្នក​ឆ្លង​ជំងឺ​កូ​វីដ សរុប​ចំនួន​៣០៦​នាក់ ក្នុង​នោះ​ព្យាបាល​ជាសះស្បើយ​ចំនួន​២៩៥​នាក់ និង​កំពុង​សម្រាក​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូវៀត ចំនួន​៨​នាក់ និង​សម្រាក​នៅ​មណ្ឌល​សុខភាព​ចាក់​អង្រែ រាជធានី​ភ្នំពេញ​ចំនួន ៣​នាក់៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។