ក្លឹបយុវជនរួបរួមនៃយុវជនកម្ពុជាផ្សព្វផ្សាយឲ្យយុវជនលើកកម្ពស់ស្ត្រីក្លាយជាអ្នកដឹកនាំ
2016.02.20
យុវជនប្រមាណ ១០០នាក់ ជួបប្រជុំគ្នាស្វែងយល់អំពីបញ្ហាស្ត្រីនិងភាពជាអ្នកដឹកនាំ។
អ្នកសម្របសម្រួលក្លឹបរួបរួមនៃយុវជនកម្ពុជា លោក ព្រីង ឃុន ថ្លែងនៅថ្ងៃទី២០ កុម្ភៈ ថា យុវជនមកពីសាកលវិទ្យាល័យចំនួន៥ បានជួបជុំគ្នានៅក្នុងវេទិកាយុវជនជជែកពិភាក្សាអំពីប្រធានបទ ស្ត្រីនិងភាពជាអ្នកដឹកនាំ។ យុវជនដដែលបន្តថា វេទិកានេះធ្វើឡើងដើម្បីផ្សព្វផ្សាយឲ្យយុវជនផ្លាស់ប្ដូរផ្នត់គំនិតរបស់ខ្លួន និងសង្គមឲ្យងាកមកគិតថា ស្ត្រីមានសមត្ថភាពពេញលេញអាចក្លាយជាអ្នកដឹកនាំ៖ «ទាក់ទងនឹងទឹកចិត្តរបស់យើងផ្ទាល់ គឺឃើញថា គម្លាតក៏ដូចជា ការចាត់ទុកស្ត្រីនៅក្នុងប្រទេសកម្ពុជា នៅមានកម្រិត។ មានន័យថា សង្គមនៅតែគិតថា ពួកគាត់មិនអាចធ្វើអ្វីបានដូចបុរសជាបញ្ហាមួយដែលធ្វើឲ្យសង្គមរបស់យើងមិនអាចវិវឌ្ឍទៅមុខបានជឿនលឿនដូចគេកើត»។
ក្រៅអំពីការរៀបចំវេទិកាយុវជនជជែកពិភាក្សានេះ ក្លឹបរួបរួមនៃយុវជនកម្ពុជា នឹងរៀបចំកម្មវិធី២ ផ្សេងទៀតដែលទាក់ទងនឹងការលើកកម្ពស់ស្ត្រី។ គេគ្រោងរៀបចំកម្មវិធីប្រកួតរូបថតស្ត្រី ក្រោមប្រធានបទចលនារបស់ស្ត្រីកម្ពុជា ក្នុងសតវត្សទី២១ នៅថ្ងៃទី២ ខែមីនា ដោយភ្ជាប់ទៅនឹងទិវានារីអន្តរជាតិ៨ មីនា តែម្ដង។ ចំណែកកម្មវិធីមួយទៀតដែលគ្រោងធ្វើដែរនោះ គឺជ្រុងមួយនៃស្ត្រីដែលស្ត្រីនឹងចែករំលែកបទពិសោធន៍របស់ខ្លួនទៅយុវជន អំពីបញ្ហាសិទ្ធិមនុស្ស ការអប់រំ ស្ត្រីនិងបច្ចេកវិទ្យា និងស្ត្រីជាអ្នកដឹកនាំនៅថ្ងៃទី៥ ខែមីនា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ក្រសួងមហាផ្ទៃបញ្ជាក់ថា កូនមន្ត្រីជាន់ខ្ពស់ ដែលបើកឡានបុកមនុស្សស្លាប់ពីរនាក់ នៅអូស្ត្រាលីនោះ គឺឈ្មោះ ឌឿន ឧត្ដមសេនីយ៍
- ក្រុមប្រឹក្សាអភិវឌ្ឍន៍កម្ពុជាគ្រោងធ្វើបេសកកម្មដើរគោះទ្វាររកវិនិយោគិននៅអាមេរិកជាថ្មី
- លោក ហ៊ុន សែន បង្កើនការគំរាមកំហែងឆ្លងដែនលើអ្នករិះគន់
- លោក ហ៊ុន ម៉ាណែត ប្រតិកម្មអ្នករិះគន់ព្រឹត្តិការណ៍ Gumball 3000
- សមត្ថកិច្ចម៉ាឡេស៊ីចាប់ពលករខ្មែរម្នាក់ពាក់ព័ន្ធរិះគន់រដ្ឋាភិបាលកម្ពុជា
អត្ថបទពេញនិយម
សិទ្ធិមនុស្ស
- អ្នកឃ្លាំមើលថា រដ្ឋមន្ត្រីការបរទេសកម្ពុជា និយាយភូតកុហកពិភពលោកថាកម្ពុជាគោរពសិទ្ធិមនុស្ស និងនីតិរដ្ឋ
- សមត្ថកិច្ចចាប់ខ្លួនអ្នកសារព័ត៌មានឯករាជ្យ ដែលធ្លាប់បានពានពីសហរដ្ឋអាមេរិក គឺលោក ម៉ិច ដារ៉ា
- ជនជាតិឥណ្ឌា ៦៧នាក់ទៀត ត្រូវបានសង្គ្រោះចេញពីកន្លែងឆបោកតាមអនឡាញនៅកម្ពុជា
- អង្គការអន្តរជាតិថា រដ្ឋាភិបាលបានបរាជ័យ ចំពោះការធានារបស់ខ្លួនលើកកម្ពស់សិទ្ធិមនុស្ស
- សមត្ថកិច្ចម៉ាឡេស៊ីបញ្ជូនពលករខ្មែរម្នាក់ដែលរិះគន់រដ្ឋាភិបាលលោក ហ៊ុន ម៉ាណែត មកកម្ពុជា