ពេទ្យកូរ៉េមកពិនិត្យព្យាបាលជំងឺទឹកនោមផ្អែមជូនពលរដ្ឋខ្មែរមិនគិតថ្លៃ
2011.03.19
ប្រធានរដ្ឋបាលមន្ទីរពេទ្យព្រះកុសុមៈ លោក ឯក សុនសត្យា មានប្រសាសន៍ថា កម្មវិធីពិនិត្យ និងព្យាបាលជំងឺទឹកនោមផ្អែមជូនពលរដ្ឋខ្មែរមិនគិតថ្លៃ គឺចាប់ផ្ដើមពីថ្ងៃទី២៥ ដល់ថ្ងៃទី២៧ ខែមីនា ដោយមានគម្រោងទទួលអ្នកជំងឺចន្លោះក្រោម ១.៥០០នាក់ប៉ុណ្ណោះ ព្រោះពេទ្យកូរ៉េមិនមានពេលគ្រប់គ្រាន់។
លោកថ្លែងថា សម្រាប់អ្នកកើតជំងឺទឹកនោមផ្អែមចង់មកឲ្យគ្រូពេទ្យកូរ៉េ ពិនិត្យ និងព្យាបាល ត្រូវទាក់ទងជាមុនមកកាន់មន្ទីរពេទ្យព្រះកុសុមៈ ឲ្យបានមុនថ្ងៃទី២៥ ខែមីនា ឆ្នាំ២០១១នេះ។
សេចក្ដីប្រកាសព័ត៌មានមន្ទីរពេទ្យព្រះកុសុមៈ បានអំពាវនាវឲ្យអ្នកជំងឺទឹកនោមផ្អែមដែលចង់មកព្យាបាលជំងឺ ត្រូវទាក់ទងជាមុនមកលេខទូរស័ព្ទ ០១២ ២៣៤ ៦៦៦, ០១២ ៧៨៩ ១២៤, ០១១ ៩៤២ ៣៦២, ០១២ ៨៤៦ ៨៦៧ និង ០៩៨ ៨៤៩ ៧៧៧។
លោកវេជ្ជបណ្ឌិត សេក សុខឃឿន អនុប្រធានមន្ទីរពេទ្យព្រះកុសុមៈ ហៅមន្ទីរពេទ្យលោកសង្ឃ បានឲ្យអ្នកយកព័ត៌មានវិទ្យុអាស៊ីសេរី ដឹងនៅថ្ងៃទី១៩ ខែមីនា ថា កម្មវិធីពិនិត្យព្យាបាលជំងឺទឹកនោមផ្អែមរយៈពេល ៣ថ្ងៃ ចាប់ពីថ្ងៃទី២៥ ខែមីនា តទៅ ប្រសិនគ្រូពេទ្យកូរ៉េពិនិត្យឃើញពិតជាកើតមានជំងឺទឹកនោមផ្អែមមែននោះ គឺពេទ្យកូរ៉េ នឹងបើកថ្នាំទុកឲ្យអ្នកជំងឺលេបរយៈពេល ១ខែ ដោយមិនគិតថ្លៃ។
លោកវេជ្ជបណ្ឌិតឲ្យដឹងថា ជំងឺទឹកនោមផ្អែមជាប្រភេទជំងឺមានការលំបាកក្នុងការព្យាបាល និងប្រើពេលយូរ ហើយអ្នកជំងឺមិនអាចទទួលទានអាហារតាមចំណង់នោះទេ។
លោក ឯក សុនសត្យា ប្រធានរដ្ឋបាលមន្ទីរពេទ្យព្រះកុសុមៈ បន្តថា សមាគមជំងឺទឹកនោមផ្អែមមកពីកូរ៉េ ក្រៅពីឲ្យក្រុមគ្រូពេទ្យរបស់គេព្យាបាលជំងឺជូនពលរដ្ឋមិនគិតថ្លៃ សមាគមកូរ៉េ ក៏នឹងជួយសាងសង់អគារ ១ខ្នង ទុកសម្រាប់ពិនិត្យព្យាបាលជំងឺទឹកនោមផ្អែម ស្ថិតក្នុងបរិវេណមន្ទីរពេទ្យព្រះកុសុមៈ ចំណាយទឹកប្រាក់ជិត ៣លានដុល្លារអាមេរិកផងដែរ។
មន្ត្រីក្រសួងសុខាភិបាលឲ្យដឹងថា ជំងឺទឹកនោមផ្អែមនៅកម្ពុជា កំពុងមានសញ្ញាគួរឲ្យព្រួយបារម្ភ ព្រោះតាមការកត់សម្គាល់ប៉ុន្មានឆ្នាំចុងក្រោយនេះ មានអ្នកជំងឺទឹកនោមផ្អែមចំនួនកាន់តែច្រើនឡើងៗ បានមករកសេវាព្យាបាលជំងឺនេះ។ យ៉ាងនេះក្ដី ប្រភពមិនបានបញ្ជាក់ថា ក្នុង១ឆ្នាំៗមានអ្នកជំងឺទឹកនោមផ្អែមចំនួនប៉ុន្មាននាក់បានមករកសេវាព្យាបាលជំងឺនៅមន្ទីរពេទ្យរដ្ឋនោះទេ។
របាយការណ៍មន្ទីរពេទ្យព្រះកុសុមៈ កាលពីឆ្នាំ២០០៤ បានរកឃើញថា ប្រទេសកម្ពុជា មានអ្នកជំងឺទឹកនោមផ្អែមចំនួនជាង ២សែន៥ម៉ឺននាក់បានកើតជំងឺនេះ។ ប៉ុន្តែអង្គការសុខភាពពិភពលោកបានប៉ាន់ប្រមាណថា កម្ពុជាអាចមានអ្នកជំងឺទឹកនោមផ្អែមកើនលើសពីនេះ គឺអាចកើនដល់ជាង ៦០ម៉ឺននាក់៕
អត្ថបទពេញនិយម
RFA
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- ពិធីមង្គលការរបស់ពលករខ្មែរនៅប្រទេសថៃ
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- អ្នកឃ្លាំមើល ថា លោក ហ៊ុន សែន ទំនងលែងទុកចិត្តអ្នកណាក្រៅពីកូនរបស់ខ្លួនហើយ
- លោក ស ខេង ចង់ឱ្យមានការធ្វើតេស្ដរកគ្រឿងញៀនលើពលរដ្ឋចាប់ពីអាយុ១៣ឆ្នាំដល់ក្រោម៤៥ឆ្នាំ
អត្ថបទពេញនិយម
ព័ត៌មានថ្មីៗ
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- លោក ហ៊ុន សែន មិនគាំទ្រដីកាតុលាការ ICC ដើម្បីចាប់ខ្លួនមេដឹកនាំរុស្ស៊ី
- អ្នកជំនាញថា ចិនមិនអាចជំនួសទីផ្សារសហភាពអឺរ៉ុប និងអាមេរិកក្នុងការទទួលទិញទំនិញកម្ពុជា
- មន្ត្រីសិទ្ធិមនុស្សថា ការចាប់ខ្លួនអ្នកគាំទ្រលោក កឹម សុខា ពីរនាក់ជាការបំបិទសិទ្ធិបញ្ចេញមតិ