អ្នកស្រាវជ្រាវប្រវត្តិសាស្ត្រខ្មែរក្រហម លោក ឆាំង យុ ថ្លែងថា ប្រវត្តិសាស្ត្រនៅតែចារទុកថា លោក នួន ជា ជាមេដឹកនាំប្រល័យពូជសាសន៍នៅក្នុងរបបខ្មែរក្រហម ទោះជាលោកមិនសារភាពកាលពីនៅរស់ក្ដី។
អតីតមេដឹកនាំខ្មែរក្រហម បានស្លាប់ជាបន្តបន្ទាប់ នៅខណៈសាលាក្ដីខ្មែរក្រហម នៅមិនទាន់បានបញ្ចប់បេសកកម្មស្វែងរកការពិតរបស់ខ្លួននៅឡើយ។ ករណីចុងក្រោយ គឺ លោក នួន ជា អតីតបងធំទី២ និងជាប្រធានរដ្ឋសភានៃរបបកម្ពុជាប្រជាធិបតេយ្យ ឬរបបខ្មែរក្រហម។ អ្នកស្រាវជ្រាវអំពីប្រវត្តិសាស្ត្រខ្មែរក្រហម លើកឡើងថា បើទោះជាលោក នួន ជា មិនបានផ្ដល់ការពិត ទង្វើពិតរបស់ខ្លួនក៏ដោយ ក៏មានឯកសារ និងសាក្សីរស់ជាច្រើន បង្ហាញថា លោក នួន គឺជាមេដឹកនាំមួយរូបក្នុងចំណោមមេដឹកនាំដទៃទៀត ដែលបានសម្លាប់មនុស្សនៅក្នុងរបបគ្រប់គ្រងរបស់ខ្លួន។
តើលោក នួន ជា ជាមនុស្សប្រភេទណា ហើយលោកត្រូវទទួលខុសត្រូវយ៉ាងណាខ្លះ ចំពោះមុខប្រវត្តិសាស្ត្រកម្ពុជា?
សូមលោកអ្នកនាងចុចស្ដាប់សំឡេងបទសម្ភាសន៍រវាងលោក ទីន ហ្សាការីយ៉ា និងលោក ឆាំង យុ ប្រធានមជ្ឈមណ្ឌលឯកសារកម្ពុជា អំពីបញ្ហានេះ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។