តុលាការ​កោះ​ហៅ​ដើម​បណ្ដឹង​សួរ​រឿង​ក្រុមហ៊ុន ធី & ភី

តុលាការ​ក្រុង​ភ្នំពេញ នៅ​ថ្ងៃ​២៣ ខែ​មិថុនា ឆ្នាំ​២០១១ បាន​កោះ​ហៅ​កម្មករ​ម្នាក់​ឈ្មោះ ហេង ហាក់ អាយុ ៣២​ឆ្នាំ ដើម្បី​សួរ​ចម្លើយ​ទាក់ទង​នឹង​បណ្ដឹង​ដែល​បាន​ទាមទារ​ឲ្យ​រដ្ឋាភិបាល​បិទ​ក្រុមហ៊ុន​ឈ្មោះ ធី & ភី (T&P) និង​ទាមទារ​សំណង​ជំងឺ​ចិត្ត ដោយសារ​តែ​បាន​ឃុំ​ខ្លួន និង​បិទ​សិទ្ធិ​សេរីភាព​កម្មករ​កន្លង​មក។
ដោយ សុខ សេរី
2011.06.23
Share on WhatsApp
Share on WhatsApp

កម្មករ​ឈ្មោះ ហេង ហាក់ មក​ពី​ខេត្ត​ពោធិ៍សាត់ ដែល​បាន​ចូល​ឆ្លើយ​បំភ្លឺ​ពាក្យ​បណ្ដឹង​បាន​ថ្លែង​ថា លោកស្រី​សុំ​ឲ្យ​តុលាការ​ស្វែង​រក​យុត្តិធម៌ និង​សង​ជំងឺ​ចិត្ត ៖ «ខ្ញុំ​ប្ដឹង​អំពី​ក្រុមហ៊ុន​ពី​បទ​បិទ​សិទ្ធិ​ខ្ញុំ​មិន​ឲ្យ​ខ្ញុំ​ចេញ​ទៅ​ណា​ទៅ​ណី។ ខ្ញុំ​ឲ្យ​ខាង​តុលាការ​គាត់​ផ្ដន្ទាទោស បិទ​ក្រុមហ៊ុន ហើយ​សុំ​ឲ្យ​គាត់​បង់​សង​ជំងឺ​ចិត្ត​ខ្ញុំ»

កម្មករ​រូប​នេះ​បាន​ដាក់​ពាក្យ​បណ្ដឹង​ប្ដឹង​ថៅកែ​ក្រុមហ៊ុន​នាំ​ពលករ​ទៅ​ក្រៅ​ប្រទេស​ឈ្មោះ ធី & ភី នៅ​ជាយ​ក្រុង​ភ្នំពេញ កាល​ពី​ខែ​មីនា កន្លង​ទៅ។

កាល​ពី​ថ្ងៃ​ទី​១ ខែ​មីនា ឆ្នាំ​២០១១ កន្លង​ទៅ កម្មការិនី​ឈ្មោះ ហេង ហាក់ រូប​នេះ បាន​លោត​ចេញ ​ពី​អគារ​របស់​ក្រុមហ៊ុន ធី & ភី កម្ពស់ ២​ជាន់ ដើម្បី​រត់​គេច​ខ្លួន​បណ្ដាល​ឲ្យ​បាក់​ជើង​ទាំង​២។

ការ​លោត​នោះ គឺ​ដោយសារ​តែ​ក្រុមហ៊ុន ធី & ភី បាន​រង​ការ​ចោទ​ថា បាន​បិទ​សិទ្ធិ​សេរីភាព និង​បង្ខាំង​កម្មករ​ជា​ច្រើន​ខែ​មិន​ឲ្យ​ទៅ​លេង​ផ្ទះសម្បែង និង​ជួបជុំ​ជាមួយ​គ្រួសារ​ទេ។ ក្រោយ​មក​នៅ ​ថ្ងៃ​ទី​៦ ខែ​មីនា ឆ្នាំ​២០១១ មាន​កម្មការិនី​ម្នាក់​ទៀត​ឈ្មោះ ស៊ឹង ស៊ីណា បាន​ស្លាប់​នៅ​ក្នុង​ក្រុមហ៊ុន​នោះ ដោយសារ​តែ​គាំង​បេះដូង។

ក្រឡា​បញ្ជី​នៃ​តុលាការ​ក្រុង​ភ្នំពេញ បាន​ឲ្យ​ដឹង​ថា នេះ​ជា​ការ​សាកសួរ គឺ​ខាង​ដើម​បណ្ដឹង។ តុលាការ​បាន​កោះ​ហៅ​ភាគី​ក្រុមហ៊ុន ធី & ភី ជា​ចុង​ចោទ​រួច​ហើយ ដើម្បី​មក​សាកសួរ​ជា​ក្រោយ៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
ក្រុម​មន្ត្រី​ជាន់ខ្ពស់​គណបក្ស​កាន់​អំណាច​ប្រតិកម្ម​នឹង​ពលរដ្ឋ​ខ្មែរ​រស់នៅ​ក្រៅ​ប្រទេស ជេរ​ប្រមាថ​លោក ហ៊ុន ម៉ាណែត តាម​បណ្ដាញ​សង្គម
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។