អ្នក​ភូមិ​បឹងកក់​៧​គ្រួសារ​ទាមទារ​ឱ្យ​សាលា​ក្រុង​ផ្ទេរ​សិទ្ធិ​ដោះស្រាយ​ដីធ្លី​ទៅ​ក្រសួង​ដែន​ដី​ជា​ថ្មី

ដោយ រាជ វិញ្ញូ
2017-05-25
អ៊ីម៉ែល
មតិ
Share
បោះពុម្ព
ពលរដ្ឋ​មាន​បញ្ហា​ដីធ្លី​មក​ពី​ភូមិ១ ក្នុង​តំបន់​បឹងកក់ និង​បុរីកីឡា នាំ​គ្នា​តវ៉ា​នៅ​ខាង​មុខ​សាលា​រាជធានី​ភ្នំពេញ នៅ​ថ្ងៃ​ទី​២៥ ខែ​២៥ ឆ្នាំ​២០១៧។ RFA/Rach Vingur
ពលរដ្ឋ​មាន​បញ្ហា​ដីធ្លី​មក​ពី​ភូមិ១ ក្នុង​តំបន់​បឹងកក់ និង​បុរីកីឡា នាំ​គ្នា​តវ៉ា​នៅ​ខាង​មុខ​សាលា​រាជធានី​ភ្នំពេញ នៅ​ថ្ងៃ​ទី​២៥ ខែ​២៥ ឆ្នាំ​២០១៧។ RFA/Rach Vingur
RFA/Rach Vingur

នៅ​ព្រឹក​ថ្ងៃ​ទី​២៥ ខែ​ឧសភា ពលរដ្ឋ​រង​គ្រោះ​ដីធ្លី​ប្រហែល ២០​នាក់ មក​ពី​តំបន់​បុរីកីឡា និង​បឹងកក់ បាន​លើក​គ្នា​ទៅ​គាំទ្រ​ពលរដ្ឋ​ទាំង ៧​គ្រួសារ នៅ​ភូមិ​១ ក្នុង​តំបន់​បឹងកក់ ដែល​ទាមទារ​ជា​ថ្មី​ឱ្យ​អភិបាល​រាជធានី​ភ្នំពេញ លោក ប៉ា សុជាតិវង្ស ប្រគល់​សិទ្ធិ​ដោះស្រាយ​បញ្ហា​ដីធ្លី​របស់​ពួកគេ​ទាំង​ទៅ​ឱ្យ​រដ្ឋមន្ត្រី​ក្រសួង​ដែនដី លោក ជា សុផារ៉ា ជា​អ្នក​ដោះស្រាយ​ជំនួស។

ពលរដ្ឋ​នៅ​ក្នុង​ភូមិ​១ លោកស្រី លី ចាន់ណារី បញ្ជាក់​ថា ពលរដ្ឋ​ទាំង ៧​គ្រួសារ​ដែល​មិន​ព្រម​ទទួល​យក​សំណង​ពី​សាលាក្រុង បាន​យក​ញត្តិ​សុំ​ផ្ទេរ​សិទ្ធិ​ដោះស្រាយ​ដីធ្លី​មួយ​ច្បាប់​ទៅ​ដាក់​នៅ​ឯ​ក្រសួង​មហាផ្ទៃ កាល​ពី​ថ្ងៃ​ទី​១៩ ខែ​មេសា ហើយ​ក្រសួង​មហាផ្ទៃ បាន​ចេញ​លិខិត​តប​មួយ​ច្បាប់​មក​ឱ្យ​ពួកគាត់ ដើម្បី​យក​លិខិត​នោះ​មក​ប្រគល់​ឱ្យ​សាលា​រាជធានី​ភ្នំពេញ​វិញ៖ «នៅ​ក្នុង​លិខិត​ក្រសួង​មហាផ្ទៃ គ្រាន់តែ​ឱ្យ​សុំ​កិច្ច​អន្តរាគមន៍​​ពី​សាលា​រាជធានី​ភ្នំពេញ ប៉ុណ្ណោះ ព្រោះ​ក្រសួង​អះអាង​ថា ជា​ដែន​សមត្ថកិច្ច​របស់​សាលា​រាជធានី​ភ្នំពេញ ហើយ​មិន​បាន​ដោះស្រាយ​ឱ្យ​ពួក​ឡើយ»

​លោកស្រី​បន្ត​ថា នៅ​ឆ្នាំ​២០១០ ផ្ទះសម្បែង​ពលរដ្ឋ​នៅ​ភូមិ​១ ក្នុង​តំបន់​បឹងកក់ ចំនួន ១៣​គ្រួសារ ត្រូវ​បាន​សាលា​រាជធានី​ភ្នំពេញ និង​ក្រុមហ៊ុន​ស៊ូកាគូ បូម​ខ្សាច់​ពន្លិច ហើយ​ក្រោយ​មក​មាន​តែ ៦​គ្រួសារ​ប៉ុណ្ណោះ ទទួល​បាន​ដី​មក​វិញ​ចំនួន ៥៣% រី​ឯ ៧​គ្រួសារ​ទៀត​ដែល​សេសសល់ បែរ​ជា​សាលាក្រុង​សម្រេច​ដោះស្រាយ​ដោយ​ប្រគល់​ដី​ក្នុង​តំបន់​បឹងកក់ ឱ្យ​ពួកគាត់​វិញ មិន​បាន​ដល់ ១០% ឡើយ។

បន្ទាប់ពី​មន្ត្រី​រដ្ឋបាល​សាលាក្រុង​សម្រេច​ទទួល​យក​លិខិត​របស់​ក្រសួង​មហាផ្ទៃ តាមរយៈ​ក្រុម​ពលរដ្ឋ​ទាំង​នេះ គឺ​មិន​បាន​កំណត់​ពេល​ណា ថា​នឹង​ឆ្លើយ​តប​ទៅ​កាន់​ពលរដ្ឋ​វិញ​នៅ​ឡើយ​ទេ ដោយ​គ្រាន់តែ​បញ្ជាក់​ថា នឹង​បញ្ជូន​លិខិត​នោះ​ទៅ​លោក ប៉ា សុជាតិវង្ស ដែល​អភិបាល​រាជធានី​ភ្នំពេញ ដើម្បី​ពិនិត្យ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល