ពលរដ្ឋនៅកំពង់ធំស្វែងរកអន្តរាគមន៍ក្នុងរឿងជម្លោះដី
2011.01.18
តំណាងប្រជាពលរដ្ឋឈ្មោះ សោម ផាន បានមានប្រសាសន៍នៅថ្ងៃទី១៨ ខែមករាថា កាលដើមខែមករា ឆ្នាំ២០១១នេះ អាជ្ញាធរខែត្រ និងក្រុមហ៊ុនបានចុះទៅសិក្សាគម្រោងអភិវឌ្ឍន៍ដាំដើមកៅស៊ូ និងបានចុច GPS វាស់វែងកំណត់ផ្ទៃដីដែលធ្វើឲ្យប៉ះពាល់ដីប្រជាពលរដ្ឋចំនួន ១៣០គ្រួសារ ដែលមានផ្ទៃដី ១.១៦១ហិកតារនៅក្នុងឃុំទំរីង ដែលប្រជាពលរដ្ឋបានកាន់កាប់តាំងពីឆ្នាំ១៩៩៥មក ៖ «ប្រជាពលរដ្ឋព្រួយបារម្ភខ្លាចគេឈូសឆាយហ្នឹងណា! ដីភូមិ ដីស្រែចម្ការ»។
មេឃុំទំរីង លោក សៀ សៀន បានឲ្យដឹងថា លោកគ្រាន់តែដឹងថា ក្រុមហ៊ុនម្លប់បៃតង មានគម្រោងធ្វើការអភិវឌ្ឍដាំដើមកៅស៊ូនៅក្នុងឃុំរបស់លោក ប៉ុន្តែក្រុមហ៊ុននេះទទួលបានសិទ្ធិវិនិយោគលើផ្ទៃដីទំហំប៉ុន្មានហិកតារ ឬយ៉ាងណានោះ លោកមិនដឹងនោះទេ ៖ «គេមិនប្រាកដថា គេវាស់យកទេ គេគ្រាន់តែធ្វើការស្រាវជ្រាវលើផលប៉ះពាល់ និងវាយតម្លៃ ហើយគេរាយការណ៍ជូនឯកឧត្ដមអភិបាលខែត្រតែប៉ុណ្ណោះ»។
អនុប្រធានក្រុមការងារពិសេសចុះជួយប្រជាពលរដ្ឋស្រុកសណ្ដាន់ នៃគណបក្សប្រជាជនកម្ពុជា ដែលបានជួយយកពាក្យបណ្ដឹងមកដាក់នៅទីស្ដីការគណៈរដ្ឋមន្ត្រីនោះ បានមានប្រសាសន៍ថា បានជាលោកយកពាក្យបណ្ដឹងសុំអន្តរាគមន៍ពីលោកនាយករដ្ឋមន្ត្រី ហ៊ុន សែន នេះ ដោយសារតែបញ្ហាជម្លោះដីធ្លីកន្លងមកនៅក្នុងខែត្រកំពង់ធំ អាជ្ញាធរខែត្រមិនបានជួយដោះស្រាយឲ្យប្រជាពលរដ្ឋបានសមរម្យនោះឡើយ ៖ «ជាក់ស្ដែងរឿងជាច្រើនមកហើយនៅក្នុងឃុំទំរីងនេះ មិនបានសម្រេចគោលដៅរបស់ប្រជាជនថ្នាក់ក្រោមនេះ មិនបានគិតពីប្រជាជនទេ គេគិតពីផលប្រយោជន៍របស់គេ»។
អភិបាលរងខែត្រកំពង់ធំ លោក អ៊ុត សំអន បានឲ្យដឹងថា លោកមិនទាន់ដឹងនៅឡើយទេអំពីករណីនេះ ប៉ុន្តែលោកអះអាងថា អាជ្ញាធរខែត្របានកំណត់ថា គ្រប់ក្រុមហ៊ុនដែលទទួលសិទ្ធិវិនិយោគដាំដើមកៅស៊ូទាំងអស់នៅខែត្រកំពង់ធំ បើសិនជាការកាប់រានណាមួយប៉ះពាល់លើដីប្រជាពលរដ្ឋ ក្រុមហ៊ុនត្រូវតែទទួលខុសត្រូវចំពោះមុខច្បាប់។
លោក អ៊ុត សំអន មានប្រសាសន៍បន្ថែមថា ៖ «ក្រុមហ៊ុនខ្លះគេសហការដោះស្រាយ (ជម្លោះដី) ជាមួយយើងបានល្អករណីនេះ តែក្រុមហ៊ុនខ្លះគេមិនបានដោះស្រាយបានរលូនទេ»។
លោក អ៊ុត សំអន បានបញ្ជាក់ថា ក្រុមហ៊ុនឯកជនដែលទទួលបានសិទ្ធិវិនិយោគដាំដើមកៅស៊ូនៅខែត្រកំពង់ធំ មានចំនួន ១៥ក្រុមហ៊ុន ក្នុងនោះក្រុមហ៊ុនបរទេសមានចំនួន ៦ក្រុមហ៊ុន ដូចជាក្រុមហ៊ុនមកពីវៀតណាម និងក្រុមហ៊ុនមកពីប្រទេសកូរ៉េ ហើយក្រុមហ៊ុនក្នុងស្រុកមានចំនួន ៩ក្រុមហ៊ុន ដែលក្រុមហ៊ុនទាំងអស់នេះធ្វើការវិនិយោគដាំដើមកៅស៊ូក្នុងស្រុកចំនួន ៤ ដូចជាស្រុកសណ្តាន់ ស្រុកសន្ទុក ស្រុកស្ទោង និងស្រុកប្រាសាទបល្ល័ង្ក។
របាយការណ៍ប្រចាំឆ្នាំ២០១០ របស់សមាគមសិទ្ធិមនុស្សអាដហុក បានសរសេរថា មានប្រជាពលរដ្ឋខ្មែរជាង ៣ម៉ឺនគ្រួសារនៅទូទាំងប្រទេស រងគ្រោះប្រឈមនឹងការបាត់បង់ដីធ្លី ហើយមនុស្សចំនួន ៣០៦នាក់ ត្រូវបានតុលាការចោទប្រកាន់ និង ៥៤នាក់កំពុងបន្តជាប់គុកដល់បច្ចុប្បន្ន ដោយសារទាមទាររឿងជម្លោះដីធ្លីជាមួយក្រុមហ៊ុន និងជាមួយអ្នកមានអំណាច៕
រឿងដែលគេអានច្រើនបំផុត
RFA
- ធនាគារABA មិនព្រមបើកប្រាក់ជាង១ម៉ឺន ៥ពាន់ដុល្លារ ដែលឧបត្ថម្ភដល់បុគ្គលិកណាហ្គាវើលដ៍
- លោក គា សុគន្ធ អ្នកនិពន្ធគំរូក្នុងការឆ្លុះបញ្ចាំងការពិត និងបណ្ដុះស្មារតីស្នេហាជាតិ
- ថៃយល់ព្រមឱ្យកម្ពុជាប្រើពាក្យ «គុនខ្មែរ» ក្នុងព្រឹត្តិការណ៍ស៊ីហ្គេម២០២៣
- «ករណីឧកញ៉ា សៀង ចាន់ហេង ប្រគល់ដីឲ្យប្អូនស្រីនាយករដ្ឋមន្ត្រីបង្ហាញថា អ្នកធំតែងឈ្នះ»
- ក្រុមមន្ត្រីជាន់ខ្ពស់គណបក្សកាន់អំណាចប្រតិកម្មនឹងពលរដ្ឋខ្មែររស់នៅក្រៅប្រទេស ជេរប្រមាថលោក ហ៊ុន ម៉ាណែត តាមបណ្ដាញសង្គម
រឿងដែលគេអានច្រើនបំផុត
ព័ត៌មានថ្មីៗ
- លោក ហ៊ុន សែន បន្តប្រកាសថា នឹងការពារមិនឱ្យមានរដ្ឋប្រហារ ដើម្បីអភិវឌ្ឍប្រទេសឱ្យរីកចំរើន
- លោកខាងលិចចង់ឃើញការបោះឆ្នោតជាតិប្រព្រឹត្តទៅដោយសេរី និងយុត្តិធម៌ ក្រោយការចាប់ខ្លួនលោក ថាច់ សេដ្ឋា
- គណបក្សចំនួន៣ ចូលរួមប្រកួតដណ្ដើមកៅអីក្រុមប្រឹក្សាស្រុកក្រុងទើបបំបែកថ្មី
- ពលរដ្ឋចោទនគរបាលម្នាក់ដែលជាម្ចាស់ហាងពន្លឺជាប់ចិត្តនៅតាខ្មៅថា ប្រើកាំភ្លើងភ្ជង់ក្បាលយុវជន
- លោក រ៉ុង ឈុន នឹងដឹកនាំធ្វើធម្មយាត្រាលើកកម្ពស់សីលធម៌សង្គមនៅសប្តាហ៍ក្រោយ