លោក ហេង សំរិន ជំរុញឲ្យឡាវជួយពន្លឿនដោះស្រាយបញ្ចប់បោះបង្គោលព្រំដែន
2017.02.22
ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ លោក ប៊ុនញ៉ាំង វរៈជិត (BOUNNHANG VORACHITH ) (ឆ្វេង) ជួបប្រធានរដ្ឋសភាកម្ពុជា លោក ហេង សំរិន នៅរសៀលថ្ងៃទី២២ ខែកុម្ភៈ ឆ្នាំ២០១៧។ Photo courtesy of nac.org.kh
Photo courtesy of nac.org.kh
ប្រធានរដ្ឋសភាកម្ពុជា ជំរុញឲ្យភាគីឡាវ ជួយពន្លឿនដោះស្រាយបញ្ចប់ការបោះបង្គោលកំណត់ខ្សែបន្ទាត់ព្រំដែនរវាងប្រទេសទាំងពីរ។ ប្រធានសភា លោក ហេង សំរិន បានថ្លែងបែបនេះទៅកាន់ប្រធានរដ្ឋនៃសាធារណរដ្ឋប្រជាធិបតេយ្យប្រជាមានិតឡាវ លោក ប៊ុនញ៉ាំង វរៈជិត (BOUNNHANG VORACHITH ) នៅរសៀលថ្ងៃទី២២ ខែកុម្ភៈ នៅពេលដែលលោកមកបំពេញទស្សនកិច្ចផ្លូវរដ្ឋនៅកម្ពុជា។
ព័ត៌មានដែលផ្សព្វផ្សាយលើគេហទំព័ររដ្ឋសភា ឲ្យដឹងថា លោក ហេង សំរិន លើកឡើងថា អ្វីដែលថ្នាក់ដឹកនាំជំនាន់នេះត្រូវធ្វើ គឺខិតខំធ្វើយ៉ាងណាពិនិត្យរួមគ្នា ដើម្បីជំរុញដោះស្រាយបញ្ចប់ឲ្យបានឆាប់ការបោះបង្គោលកំណត់ខ្សែបន្ទាត់ព្រំដែនរវាងប្រទេសទាំងពីរ ដើម្បីប្រែក្លាយជាព្រំដែនមិត្តភាព សន្តិភាព សហប្រតិបត្តិការ និងអភិវឌ្ឍសម្រាប់កូនចៅជំនាន់ក្រោយ។
ក្នុងពេលថ្មីៗនេះ ប្រទេសឡាវ បានបញ្ជូនកងកម្លាំងយោធាប្រដាប់អាវុធមករារាំងកងកម្លាំងវិស្វកម្មរបស់កម្ពុជា ឲ្យផ្អាកការស្ថាបនាផ្លូវតាមបណ្ដោយព្រំដែននៅចំណុចអូរតាក់ឡាវ នៃឃុំថ្មកែវ ស្រុកសៀមប៉ាង ខែត្រស្ទឹងត្រែង ដោយលើកហេតុផលថា តំបន់នោះរដ្ឋាភិបាលនៃប្រទេសទាំងពីរមិនទាន់ឯកភាពគ្នាជាផ្លូវការបោះបង្គោលព្រំដែននៅឡើយ។
ក្នុងដំណើរទស្សនកិច្ចនៅកម្ពុជា លោក ប៊ុនញ៉ាំង វរៈជិត (Bounnhang Vorachith) បានចូលក្រាបបង្គំគាល់ព្រះករុណាព្រះបាទសម្ដេច ព្រះបរមនាថ នរោត្តម សីហមុនី ជួបពិភាក្សាការងារជាមួយប្រធានព្រឹទ្ធសភា លោក សាយ ឈុំ និងលោកនាយករដ្ឋមន្ត្រី ហ៊ុន សែន ដើម្បីលើកកម្ពស់ចំណងមិត្តភាព និងពង្រឹងកិច្ចសហប្រតិបត្តិការលើគ្រប់វិស័យរវាងប្រទេស និងប្រជាជននៃប្រទេសទាំងពីរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- ខ្មាន់កាំភ្លើងមិនទាន់ហ៊ានលាតត្រដាងមេខ្លោងនៅពីក្រោយ ព្រោះបារម្ភពីសុវត្ថិភាពគ្រួសារ
- ខ្មាន់កាំភ្លើងបង្ហាញអត្តសញ្ញាណអ្នកបញ្ជាឱ្យបាញ់សម្លាប់លោក លិម គិមយ៉ា ក្រោយពេលតុលាការចេញដីកាចាប់ខ្លួនលោក លី រតនរស្មី
អត្ថបទពេញនិយម
នយោបាយ
- ភាពស្ងប់ស្ងាត់លើករណីឃាតកម្មលោក លិម គិមយ៉ា «បង្ហាញពីភាពគ្មានទំនួលខុសត្រូវរបស់រដ្ឋាភិបាល»
- មន្ត្រីបក្សកាន់អំណាចព្យាយាមលាងជម្រះលោក ហ៊ុន សែន ពាក់ព័ន្ធឃាតកម្មលើលោក លិម គិមយ៉ា
- តុលាការថៃចេញដីកាចាប់ខ្លួនជនសង្ស័យជនជាតិខ្មែរគឺលោក លី រតនរស្មី ករណីឃាតកម្មលើលោក លិម គិមយ៉ា
- អាជ្ញាធរត្រៀមបញ្ជូនអតីតឧកញ៉ា ហេង សិទ្ធី មកកម្ពុជា ក្រោយចាប់ខ្លួនបាននៅរុស្ស៊ី
- តំណាងជនភៀសខ្លួននៅថៃចោទលោក ហ៊ុន សែន ថា ជាអ្នកបញ្ជាឱ្យសម្លាប់លោក លិម គិមយ៉ា