គ.ជ.ប ដំណើរការ​មជ្ឈមណ្ឌល​ផ្ដល់​ព័ត៌មាន​ចុះ​ឈ្មោះ​បោះឆ្នោត​នៅ​ផ្សារ​អ៊ីអន

ដោយ ប្រាជ្ញ ចេវ
2017-08-30
អ៊ីម៉ែល
មតិ
Share
បោះពុម្ព
អ្នក​នាំ​ពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) លោក​បណ្ឌិត ហង្ស ពុទ្ធា ថ្លែង​នៅ​ផ្សារ​ទំនើប​អ៊ីអន (AEON Mall) នៅ​ព្រឹក​ថ្ងៃ​ទី​៣០ ខែ​សីហា ឆ្នាំ​២០១៧។
អ្នក​នាំ​ពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត (គ.ជ.ប) លោក​បណ្ឌិត ហង្ស ពុទ្ធា ថ្លែង​នៅ​ផ្សារ​ទំនើប​អ៊ីអន (AEON Mall) នៅ​ព្រឹក​ថ្ងៃ​ទី​៣០ ខែ​សីហា ឆ្នាំ​២០១៧។
RFA

គណៈកម្មាធិការ​ជាតិ​រៀបចំ​ការ​បោះឆ្នោត ហៅ​កាត់​ថា គ..ប បើក​ដំណើរការ​មជ្ឈមណ្ឌល​ផ្ដល់​ព័ត៌មាន​ការ​ចុះ​ឈ្មោះ​បោះឆ្នោត​នៅ​ផ្សារ​ទំនើប​អ៊ីអន (AEON Mall) របស់​ជប៉ុន នៅ​ព្រឹក​ថ្ងៃ​ទី​៣០ ខែ​សីហា នេះ ដើម្បី​អាច​ឲ្យ​ពលរដ្ឋ​ពិនិត្យ និង​សាកសួរ​ព័ត៌មាន​ពី​ការ​ចុះ​ឈ្មោះ​បោះឆ្នោត។ សង្គម​ស៊ីវិល​ធ្វើ​ការ​ទាក់ទង​ការ​បោះឆ្នោត ស្វាគមន៍​ការ​ដាក់​ដំណើរការ​មជ្ឈមណ្ឌល តែ​ទាមទារ​ឲ្យ គ..ប រក​ទីប្រជុំជន​ផ្សេង​ទៀត​ធ្វើ​ជា​កន្លែង​ផ្តល់​ព័ត៌មាន​នៃ​ការ​ចុះ​ឈ្មោះ​បោះឆ្នោត​នេះ។

ការ​បើក​ដំណើរការ​មជ្ឈមណ្ឌល​ផ្ដល់​ព័ត៌មាន​ការ​ចុះ​ឈ្មោះ​បោះឆ្នោត​នៅ​ផ្សារ​ទំនើប​អ៊ីអន ដែល​មាន​ឯកសារ ឧបករណ៍​កុំព្យូទ័រ​ភ្ជាប់​អ៊ីនធឺណិត និង​មាន​មន្ត្រី​ជំនាញ​ផ្តល់​ព័ត៌មាន​ផង​នោះ ត្រូវ​ស្ថាប័ន​ពាក់ព័ន្ធ​រំពឹង​ថា ទីតាំង​នេះ​នឹង​ផ្តល់​ព័ត៌មាន​ដែល​អាច​ឲ្យ​ពលរដ្ឋ​យល់​ដឹង​ពី​ការ​ចុះ​ឈ្មោះ​បោះឆ្នោត និង​ស្វែងរក​ឈ្មោះ​របស់​ខ្លួន​នៅ​ក្នុង​បញ្ជី​បោះឆ្នោត បើ​សិន​ពួក​គេ​បាន​ចុះ​ឈ្មោះ​រួច​ហើយ។

អ្នក​នាំ​ពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត (..) លោក​បណ្ឌិត ហង្ស ពុទ្ធា ប្រាប់​ក្រុម​អ្នក​កាសែត​ថា មជ្ឈមណ្ឌល​នេះ​បង្ហាញ​ពី​បច្ចុប្បន្នភាព​នៃ​បញ្ជី​បោះឆ្នោត​ដែល​មាន​ទាំង​ឈ្មោះ​ដែល គ..ប លុប​ចោល និង​ឈ្មោះ​ដែល​បាន​ចុះ​បញ្ជី​រួច​ហើយ ព្រម​ទាំង​ការ​បង្ហាញ​លក្ខខណ្ឌ​នៃ​ការ​ចុះ​ឈ្មោះ​បោះឆ្នោត។ មន្ត្រី គ..ប រូប​នេះ​ស្នើ​ទៅ​ពលរដ្ឋ​ដែល​បាន​មក​ផ្សារ​អ៊ីអន គួរ​មក​ពិនិត្យ​ឈ្មោះ​របស់​ខ្លួន សាកសួរ​ព័ត៌មាន​ពី​ការ​ចុះ​ឈ្មោះ​នៅ​មជ្ឈមណ្ឌល​ផ្ដល់​ព័ត៌មាន​ការ​ចុះ​ឈ្មោះ​បោះឆ្នោត៖ «សុំ​ឲ្យ​បង​ប្អូន​ដែល​អញ្ជើញ​មក​បាន​ចំណេះ​ដឹង​ហើយ មេត្តា​ផ្សព្វផ្សាយ​បន្ថែម​ទៀត ដើម្បី​ឲ្យ​ការ​បោះឆ្នោត​នៅ​កម្ពុជា មាន​ការ​ចូលរួម​កាន់​តែ​ច្រើន​ថែម​ទៀត»

លោក ហង្ស ពុទ្ធា ប្រាប់​ទៀត​ថា ទីតាំង​នេះ​មិន​មែន​ជា​ការិយាល័យ​ចុះ​ឈ្មោះ​បោះឆ្នោត​ទេ ព្រោះ​ច្បាប់​បោះឆ្នោត​កំណត់​ថា ការិយាល័យ​ចុះ​ឈ្មោះ​បោះឆ្នោត គឺ​នៅ​តាម​ឃុំ-សង្កាត់​ដែល​ពលរដ្ឋ​ត្រូវ​បោះឆ្នោត។ មជ្ឈមណ្ឌល​ផ្ដល់​ព័ត៌មាន​ការ​ចុះ​ឈ្មោះ​បោះឆ្នោត ដែល គ..ប សហការ​បើក​ជាមួយ​ទីភ្នាក់ងារ​សហប្រតិបត្តិការ​អន្តរជាតិ​ជប៉ុន ហៅ​កាត់​ថា ចៃកា (JICA) បើក​ឲ្យ​ដំណើរការ​ពី​ថ្ងៃ​ទី​៣០ ខែ​សីហា រហូត​ដល់​ថ្ងៃ​ទី​៥ ខែ​វិច្ឆិកា ឆ្នាំ​២០១៧។

គណៈកម្មាធិការ​ជាតិ​រៀបចំ​ការ​បោះឆ្នោត (..) ឲ្យ​ដឹង​កាល​ពី​ថ្ងៃ​ទី​១៥ ខែ​សីហា ថា ប្រជាពលរដ្ឋ​ទើប​គ្រប់​អាយុ និង​មិន​ទាន់​បាន​ចុះ​ឈ្មោះ​បោះឆ្នោត​នៅ​ឆ្នាំ​២០១៦ ដែល​ត្រូវ​ចុះ​ឈ្មោះ​បោះឆ្នោត​ថ្មី​មាន​ចំនួន​សរុប​ជាង ១​លាន ៤​សែន​នាក់។

នាយក​ប្រតិបត្តិ​គណៈកម្មាធិការ​អព្យាក្រឹត និង​យុត្តិធម៌​ដើម្បី​ការ​បោះឆ្នោត​ដោយ​សេរី និង​ត្រឹមត្រូវ​នៅ​កម្ពុជា (NICFEC) លោក សំ គន្ធាមី យល់​ថា មជ្ឈមណ្ឌល​នេះ​ផ្តល់​ភាព​ងាយស្រួល​ដល់​ពលរដ្ឋ​ក្នុង​ការ​រៀបចំ​ឯកសារ​ដើម្បី​អាច​ចុះ​ឈ្មោះ​បោះឆ្នោត។ ជាង​នេះ​ទៅ​ទៀត លោក​យល់​ថា គ..ប គួរ​រៀបចំ​ទីតាំង​ប្រជុំជន​ផ្សេង ដើម្បី​ដាក់​ដំណើរការ​មជ្ឈមណ្ឌល​ផ្ដល់​ព័ត៌មាន​ការ​ចុះ​ឈ្មោះ​បោះឆ្នោត៖ «គួរ​តែ​ផ្តល់​កន្លែង​មួយ ឬ​ពីរ​ទៀត​ដែល​ជា​កន្លែង​មាន​ប្រជាពលរដ្ឋ​ច្រើន គាត់​នឹង​ទទួល​ព័ត៌មាន​កាន់​តែ​ច្រើន និង​ជា​ការ​លើក​ទឹក​ចិត្ត​ឲ្យ​គាត់​ទៅ​ចុះ​ឈ្មោះ​បោះឆ្នោត»

ចំណែក​អ្នក​នាំ​ពាក្យ​គណៈកម្មាធិការ​ជាតិ​រៀបចំ​ការ​បោះឆ្នោត លោក​បណ្ឌិត ហង្ស ពុទ្ធា ប្រាប់​ថា គ..ប មាន​គោល​បំណង​រៀបចំ​ការ​ផ្សព្វផ្សាយ​ការ​ចុះ​ឈ្មោះ​នៅ​តាម​សាកលវិទ្យាល័យ​ជាង ១០០​ទូទាំង​ប្រទេស ដែល​នៅ​ពេល​នេះ គ..ប កំពុង​ជជែក​ជាមួយ​អង្គការ​ដៃគូ។

គណៈកម្មាធិការ​ជាតិ​រៀបចំ​ការ​បោះឆ្នោត (..) នឹង​រៀបចំ​ការ​ចុះ​ឈ្មោះ​បោះឆ្នោត​នៅ​តាម​សាលា​ឃុំ-សង្កាត់ និង​នៅ​តាម​ទីតាំង​មួយ​ចំនួន​ក្នុង​ឃុំ-សង្កាត់​មាន​រយៈពេល ៧០​ថ្ងៃ គឺ​គិត​ពី​ថ្ងៃ​ទី​១ ខែ​កញ្ញា ឆ្នាំ​២០១៧ នេះ​រហូត​ដល់​ថ្ងៃ​ទី​៩ ខែ​វិច្ឆិកា ឆ្នាំ​២០១៧៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

អ្នក​អាន​អនាមិក

ពី FRANCE



យើងយល់ថាបើ គជប​ ដំណើេការមជ្ឈមណ្ឌលផ្ដល់
ពត៌មានចុះឈ្មោះបោះឆ្នោតនៅផ្សារអ៊ីអន គួរតែ គជប
បើកមជ្ឈមណ្ឌលនេះមួយដែរ នៅស្ថានឯកអគ្គរាជទូតខ្មែរ
នៅទីក្រុងបាងកក ៕

Aug 30, 2017 04:58 PM

គេហទំព័រ​ទាំងមូល