អ្នកវិភាគ៖ បេសកកម្មរបស់ក្រុមប្រឹក្សាពិគ្រោះយោបល់ដើម្បីបញ្ឆោតពលរដ្ឋនិងអន្តរជាតិ
2019.03.05
តំណាងគណបក្ស១៦ ចូលជួបប្រជុំជាមួយលោក ហ៊ុន សែន នាទីស្ដីការគណៈរដ្ឋមន្ត្រី កាលពីថ្ងៃទី២១ ខែសីហា ឆ្នាំ២០១៨។
Photo courtesy of Hun Sen Facebook page
អ្នកវិភាគនយោបាយគ្មានជំនឿថា បេសកកម្មរបស់ក្រុមប្រឹក្សាពិគ្រោះ និងផ្ដល់យោបល់ របស់របបក្រុងភ្នំពេញបង្កើតឡើងនោះ គឺជាការបោកបញ្ឆោតពលរដ្ឋម្ចាស់ឆ្នោត និងសហគមន៍អន្តរជាតិ ដើម្បីឱ្យដើរតួនាទីជំនួសគណបក្សប្រឆាំង តែតាមការពិតគ្មានបានជួយដោះអ្វីទាំងអស់រឿងវិបត្តិក្នុងសង្គមដែលកំពុងជួបប្រទះ។
អ្នកវិភាគនយោបាយលោក គឹម សុខ មានប្រសាសន៍ប្រាប់វិទ្យុអាស៊ីសេរី នៅថ្ងៃទី៥ មិនា ថា រយៈពេល ៦ខែ ចាប់តាំងពីក្រុមប្រឹក្សាពិគ្រោះ និងផ្ដល់យោបល់ដែលរបបក្រុងភ្នំពេញបានបង្កើតឡើង ក្រោយពីការបោះឆ្នោតឆ្នាំ២០១៨មក គ្មានបានជួយដោះស្រាយបញ្ហាដែលប្រជាពលរដ្ឋកំពុងប្រឈមនោះទេ។ បើទោះបីក្រសួងមហាផ្ទៃចេញលិខិតអន្តរាគមន៍ក៏ដោយ។
លោក គឹម សុខ បានបញ្ជាក់ថា របបក្រុងភ្នំពេញគ្រាន់តែចង់បានរូបភាពទេ បើទោះបីជាគ្មានគណបក្សប្រឆាំងក៏ដោយ ក៏របបនេះមានគណបក្សតូចៗដើម្បីតាមឃ្លាំមើលដំណើរការរបស់រដ្ឋាភិបាលតែតាមធាតុពិត ប្រសិទ្ធភាពនៃការដោះស្រាយសង្គម និងបញ្ហាវិវាទដីធ្លី នៅតែមិនអាចរកច្រកចេញបាននៅឡើយ៖ «ក្រឡានយោបាយរបស់គាត់ចុងក្រោយហ្នឹងទាល់ច្រកមែនទែនរកវិធីអ្វីមកដោះស្រាយអត់ចេញទេ ដើម្បីដោះសម្ពាធពីសហគមន៍អន្តរជាតិ ហើយដើម្បីទាក់ទាញសមានចិត្តពីប្រជាពលរដ្ឋឱ្យគាំទ្រគាត់ ឬនៅខាងគាត់ភាគច្រើន។ ដូច្នេះក្នុងស្ថានភាពបែបហ្នឹងគាត់ត្រូវរកវិធីដើម្បីបាំងកំហុស ហើយវិធីបាំងកំហុសហ្នឹងមានតែវិធីការប្រើប្រាស់ឧបករណ៍ដែលមាន»។
អ្នកនាំពាក្យរបបក្រុងភ្នំពេញ លោក ផៃ ស៊ីផាន បញ្ជាក់ថា ក្រុមអ្នកវិភាគគ្រាន់តែមាននិន្នាការប្រឆាំង ពីព្រោះក្នុងរយៈពេល៦ខែកន្លងទៅនេះ ឧត្ដមក្រុមប្រឹក្សាពិគ្រោះ និងពិគ្រោះយោបល់បានធ្វើកិច្ចការងារច្រើនណាស់ក្នុងការសហការជាមួយរដ្ឋាភិបាល៖ «អ្នកវិភាគហ្នឹងគ្រាន់តែមាននិន្នាការជាអវិជ្ជមាននៅក្នុងការងារដើម្បីចូលរួមនៅក្នុងការដោះស្រាយ»។
ប្រធានគណបក្សសំបុកឃ្មុំ សង្គមប្រជាធិបតេយ្យ លោក ម៉ម សូណង់ដូ និងជាសមាជិកក្រុមប្រឹក្សាពិគ្រោះ និងផ្ដល់យោបល់ បញ្ជាក់ថា ក្នុងរយៈពេល៦ខែកន្លងទៅនេះ យើងបានបំពេញការងារយ៉ាងច្រើនដែលជាឱកាសមួយសម្រាប់ជួយកែទម្រង់រដ្ឋាភិបាល៖ «ទាក់ទងរឿងស.ជ.ណ របស់ក្រសួងមហាផ្ទៃហ្នឹង គឺជាផ្លូវមួយបើកឱ្យឧត្ដមក្រុមប្រឹក្សាពិគ្រោះ និងផ្តល់យោបល់ធ្វើការងារកាន់តែបានច្រើនឡើង ហើយមានប្រសិទ្ធភាពឡើងហើយយើងអាចចូលស៊ីជម្រៅ ធ្វើកំណត់ហេតុស្វែងដឹងពីភាពអសកម្ម»។
ក្រសួងមហាផ្ទៃរបស់របបក្រុងភ្នំពេញកាលពីថ្ងៃទី៤ មិនា បានប្រាប់ដល់អាជ្ញាធរគ្រប់ខេត្តក្រុងទាំងអស់ឱ្យផ្ទល់ការសហការដល់ការចុះបំពេញបេសកកម្មការងាររបស់ក្រុមប្រឹក្សាពិគ្រោះ និងផ្តល់យោបល់។
ក្រុមប្រឹក្សាពិគ្រោះនិងផ្តល់យោបល់នេះបង្កើតឡើងដោយរបបឯកបក្សនៃរបបក្រុងភ្នំពេញក្រោយពីការបោះឆ្នោតឆ្នាំ២០១៨ ដោយមានគណបក្សនយោបាយចំនួន១៥ បានចូលរួម។ អ្នកវិភាគនយោបាយលោក គឹម សុខ បញ្ជាក់ថា ក្រុមប្រឹក្សានេះមិនអាចកែទម្រង់អ្វីបានទេ បើសូម្បីតែគណបក្សប្រឆាំងកន្លងមកដែលមានសមាជិកសភារហូតដល់ ៥៥នាក់នៅក្នុងរដ្ឋសភាមិនអាចកែប្រែបានផង ចុះទម្រាំគណបក្សតូចទាំង១៥ ដែលគ្មានអាសនៈក្នុងរដ្ឋសភាសោះ តើអាចជួយអ្វីបានខ្លះដល់ពលរដ្ឋ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ថេង សាវឿន និងសហការីសរសេរលិខិតសុំទោសលោក ហ៊ុន សែនដើម្បីរួចពីការឃុំខ្លួន
- ហេតុអ្វីលោក ឡេង ណាវ៉ាត្រា និងអតិថិជនមិនប្រើប្រាស់តុលាការដោះស្រាយវិវាទបែរជាវាយប្រហារគ្នាតាមបណ្ដាញសង្គម?
- លោក ហ៊ុន សែន ផ្ដល់មរតកនយោបាយកំសាកដល់លោក ហ៊ុន ម៉ាណែត ជាបន្តបន្ទាប់
- កម្មករត្រូវបានបង្ខំឱ្យទៅស្ដាប់លោក ហ៊ុន សែន និយាយ
- អាមេរិកនិងប្រទេសប្រជាធិបតេយ្យធំៗព្រមានកម្ពុជាក្រោយផាត់ភ្លើងទៀនចេញពីការបោះឆ្នោត
អត្ថបទពេញនិយម
នយោបាយ
- លោក ហ៊ុន សែន រងការរិះគន់រឿងជេរប្រមាថសកម្មជនសិទ្ធិមនុស្សកញ្ញា សេង ធារី
- លោក រ៉ុង ឈុន អំពាវនាវដល់អ្នកគាំទ្រគណបក្សភ្លើងទៀន កុំឱ្យតក់ស្លុត ឬរាថយ ទោះជាក្រុមប្រឹក្សាធម្មនុញ្ញមិនឱ្យគណបក្សនេះចូលរួមការបោះឆ្នោតខាងមុខ
- លោក ហ៊ុន សែន ប្រកាសបន្តដឹកនាំនយោបាយដដែល ទោះលោកមិនធ្វើជានាយករដ្ឋមន្ត្រីនៅពេលខាងមុខក្ដី
- គណបក្សភ្លើងទៀន គ្រោងប្រមូលផ្ដុំសមាជិកបក្ស ១ម៉ឺននាក់ តស៊ូមតិនៅទីលានប្រជាធិបតេយ្យ
- ប្រព័ន្ធផ្សព្វផ្សាយលោក ហ៊ុន សែន ថា លោក សម រង្ស៊ី ត្រូវបានបណ្ដេញចេញពីម៉ាឡេស៊ី គឺជាការប្រឌិត