អ្នកស្រី អ៊ុង សានស៊ូជី បានជួបមេដឹកនាំកំពូលៗ កម្ពុជា ក្នុងដំណើរទស្សនកិច្ចផ្លូវការលើកដំបូងបង្អស់របស់អ្នកស្រី
2019.05.01
អ្នកស្រី អ៊ុង សានស៊ូជី ទីប្រឹក្សារដ្ឋ និងជារដ្ឋមន្ត្រីក្រសួងការបរទេសនៃសហភាពមីយ៉ាន់ម៉ា (Myanmar) និងលោក ហ៊ុន សែន ក្នុងជំនួបពង្រឹងទំនាក់ទំនងប្រទេសទាំងពីរ នៅថ្ងៃទី៣០ ខែមេសា ឆ្នាំ២០១៩។
រូប៖ ហ្វេសប៊ុក Samdech Hun Sen, Cambodian Prime Minister
ទីប្រឹក្សារដ្ឋ និងជារដ្ឋមន្ត្រីក្រសួងការបរទេសនៃសហភាពមីយ៉ាន់ម៉ា (Myanmar) អ្នកស្រី អ៊ុង សានស៊ូជី (Aung San Suu Kyi) នៅថ្ងៃទី៣០ ខែមេសា បានជួបពិភាក្សាការងារជាមួយ ថ្នាក់ដឹកនាំកំពូល ៣រូបដាច់ដោយឡែកពីគ្នា។
ក្នុងគណនីហ្វេសប៊ុកផ្លូវការរបស់លោក ហ៊ុន សែន ឲ្យដឹងថា ក្នុងជំនួបពិភាក្សាការងារនេះ អ្នកស្រី អ៊ុង សានស៊ូជី និងលោក ហ៊ុន សែន ប្តេជ្ញាពង្រឹង និងពង្រីកទំនាក់ទំនងប្រទេសទាំងពីរឲ្យកាន់តែរីកចំរើនខ្លាំង ក្នុងវិស័យវប្បធម៌ សាសនា អប់រំ និងវិស័យសេដ្ឋកិច្ច។ ចំណែកវិស័យវប្បធម៌វិញ ក្នុងខួបលើកទី ៦៥ឆ្នាំ នៃទំនាក់ទំនងប្រទេសទាំងពីរ នៅឆ្នាំ២០២០ ខាងមុខ កម្ពុជា និងមីយ៉ាន់ម៉ា គ្រោងរៀបចំសកម្មភាពរួមមួយចំនួន ដើម្បីជំរុញវិស័យទេសចរណ៍ ជាពិសេសនៅខេត្តសៀមរាប និងខេត្តបាហ្គាន ដែលសំបូរទៅដោយប្រាសាទបុរាណ។
ដោយឡែកពាក់ព័ន្ធនឹងវិស័យសេដ្ឋកិច្ចវិញ ប្រទេសទាំងពីរ នឹងបង្កើនទំហំពាណិជ្ជកម្មពីបច្ចុប្បន្ន ដែលមានប្រមាណ ១០លានដុល្លារអាមេរិក ពិនិត្យលើបញ្ហាពន្ធត្រួតគ្នា និងបង្កើនវិស័យផ្សេងៗ ទៀត។
កាសែតក្នុងស្រុកចុះផ្សាយថា ក្រោយពីបានដាក់កម្រងផ្កានៅវិមានឯករាជ្យ និងគោរពវិញ្ញាណក្ខន្ធព្រះបរមរតនកោដ្ឋ អ្នកស្រីបានជួបពិភាក្សាទ្វេភាគីជាមួយលោក នាយករដ្ឋមន្ត្រី ហ៊ុន សែន ប្រធានព្រឹទ្ធសភាលោក សាយ ឈុំ និងប្រធានរដ្ឋសភា លោក ហេង សំរិន។ អ្នកស្រី ក៏បានចូលបង្គំគាល់ព្រះមហាក្សត្រ ព្រះបាទ នរោត្តម សីហមុនី និងសម្ដេចម៉ែ មុនីនាថ សីហនុ នៅក្នុងព្រះបរមរាជវាំង ផងដែរ។
ដំណើរទស្សនកិច្ច ៣ថ្ងៃរបស់អ្នកស្រីនេះ គឺដើម្បីពង្រឹង និងពង្រីកបន្ថែមទៀតនូវចំណងមិត្តភាព និងកិច្ចសហប្រតិបត្តិការទ្វេភាគីលើគ្រប់វិស័យ ទាំងក្នុងក្របខ័ណ្ឌអាស៊ាន និងពហុភាគី។
អ្នកស្រីអញ្ជើញទៅទស្សនាប្រាសាទមួយចំនួន នៅខេត្តសៀមរាប មុននឹងចាកចេញពីកម្ពុជានៅថ្ងៃទី១ ឧសភា។ នេះជាដំណើរទស្សនកិច្ចផ្លូវការលើកដំបូងបង្អស់របស់អ្នកស្រី អ៊ុង សានសូជី មកកាន់កម្ពុជា បន្ទាប់ពីអ្នកស្រីបានក្លាយជាទីប្រឹក្សារដ្ឋ ដែលជាតំណែងស្រដៀងនឹងនាយករដ្ឋមន្ត្រី និងបន្ទាប់ពីប្រទេសមីយ៉ាន់ម៉ា ឬភូមា បានបិទបញ្ចប់សករាជនៃរបបយោធាផ្ដាច់ការ កាលពីឆ្នាំ២០១៦ កន្លងទៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលករខ្មែរមួយចំនួនធ្វើការនៅប្រទេសថៃប្រកាសស្វាគមន៍អមដំណើរលោក សម រង្ស៊ី វិលចូលស្រុកវិញ
- លោក ហ៊ុន សែន អះអាងថា សេដ្ឋកិច្ចកម្ពុជាលែងត្រូវការប្រព័ន្ធអនុគ្រោះពន្ធEBA ពីអឺរ៉ុបហើយ
- ពលរដ្ឋបង្ខំចិត្តចាកចេញពីតំបន់អង្គរ ប្រឈមនឹងជីវភាពខ្វះខាត និងបាត់បង់មុខរបរ
- ម្ចាស់អាជីវកម្មទាំងខ្នាតតូច និងខ្នាតធំកំពុងជួបវិបត្តិបង្វិលសាច់ប្រាក់មិនទាន់
- ពលរដ្ឋខ្មែរកម្ពុជាក្រោមនៅវៀតណាមរងការហាមឃាត់ និងប្រើហិង្សាពេលប្រារព្ធពិធីរំឭកការបាត់បង់ទឹកដី
អត្ថបទពេញនិយម
នយោបាយ
- អ្នកវិភាគថា លោក ហ៊ុន សែន នឹងក្លាយជាបងធំផ្ដាច់ការនៅតំបន់អាស៊ាន
- លោក ហ៊ុន សែន ស្នើចៅហ្វាយចាស់វៀតណាមឱ្យចាប់លោក សម រង្ស៊ី បើមេបក្សប្រឆាំងរូបនេះប្រើទឹកដីវៀតណាមចូលមកកម្ពុជា
- បក្សកាន់អំណាចច្រានចោលការលើកឡើងរបស់ប្រមុខអ.ស.បអំពីការបោះឆ្នោតនៅកម្ពុជា
- លោក ហ៊ុន សែន បញ្ជាឲ្យរដ្ឋមន្ត្រីក្រសួងយុត្តិធម៌កុំដោះលែងសកម្មជនសិទ្ធិមនុស្សកញ្ញា សេង ធារី
- ពលរដ្ឋមួយចំនួន នឹងមិនទៅបោះឆ្នោត ដោយសារគ្មានគណបក្ស ដែលខ្លួនគាំទ្រ