រដ្ឋាភិបាលអូស្ត្រាលីបារម្ភពីការ ធ្លាក់ចុះសិទ្ធិ សេរីភាពនិងប្រជាធិបតេយ្យ
កិច្ចប្រជុំរបស់ថ្នាក់ដឹកនាំពិភពលោកស្ដីពីកិច្ចព្រមព្រៀងសន្តិភាពទីក្រុងប៉ារីស ឆ្នាំ១៩៩១។
ក្រសួងការបរទេស អូស្ត្រាលី ក៏សំដែងក្តីព្រួយបារម្ភជាខ្លាំង ចំពោះការធ្លាក់ចុះនៃសិទ្ធិសេរីភាពនិងប្រជាធិបតេយ្យ ព្រមទាំងការកើនឡើងនៃការគាបសង្កត់ដល់ការបញ្ចេញមតិ និងការប្រមូលផ្តុំគ្នាដោយសន្តិវិធី។ បន្ថែមពីនេះ រដ្ឋាភិបាលកម្ពុជា បានហាមឃាត់មិនឲ្យគណបក្សប្រឆាំងចូលរួម ចាប់ឃាត់ខ្លួនសកម្មជនបរិស្ថាន និងសង្គមដាក់ពន្ធនាគារជាដើម។
រដ្ឋមន្ត្រីក្រសួងការបរទេស និងកិច្ចការនារី អូស្ត្រាលី លោកស្រី ម៉ារីស ភេន (Marise Payne) ក៏បានបញ្ជាក់ផងដែរថា សិទ្ធិនិងសេរីភាពដែលបានចែងក្នុងកិច្ចព្រមព្រៀងទីក្រុងប៉ារីស នៅតែបន្តមានដោយមិនអាចខ្វះបាន ដើម្បីសុខសន្តិភាព និងវឌ្ឍនភាពរបស់ប្រទេសកម្ពុជា រហូតមកដល់បច្ចុប្បន្ន បើទោះបីជាកិច្ចព្រមព្រៀងនេះ មានរយៈពេល៣០ឆ្នាំមកហើយក្តី។
ក្នុងនាមជាមិត្តដ៏យូរអង្វែងរបស់កម្ពុជា រដ្ឋាភិបាលអូស្ត្រាលី លើកទឹកចិត្តដល់រដ្ឋាភិបាលកម្ពុជា ត្រូវឈានទៅរកដំណោះស្រាយនិងកសាងទំនាក់ទំនងឡើងវិញជាមួយគណបក្សសង្គ្រោះជាតិ និងក្រុមអង្គការសង្គមស៊ីវិល ដើម្បីរៀបចំការបោះឆ្នោតក្រុមប្រឹក្សាឃុំសង្កាត់ ឆ្នាំ២០២២ និងការបោះឆ្នោតសកលឆ្នាំ២០២៣ ខាងមុខ។ បន្ថែមពីនេះ រដ្ឋាភិបាលកម្ពុជា ត្រូវគោរពសិទ្ធិសេរីភាពក្នុងការបញ្ចេញមតិ និងការប្រមូលផ្តុំដោយសន្តិវិធី ដើម្បីឲ្យប្រទេសមានភាពរឹងមាំ រីកចម្រើននិងសេរីពហុបក្ស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- កញ្ញា ឈឹម ស៊ីថរ មិនខ្លាចជាប់គុកដោយសារទាមទារឲ្យក្រុមហ៊ុនណាហ្គាវើលដ៍គោរពសិទ្ធិសហជីព
- ទូតអាមេរិកថា ខ្លួនកំពុងតាមដានយ៉ាងយកចិត្តទុកដាក់ ករណីចាប់ខ្លួនកញ្ញា ឈឹម ស៊ីថរ និងកូដករអហិង្សាឯទៀត
- ប្រធានាធិបតីឥណ្ឌូនេស៊ី រំឮកលោក ហ៊ុន សែន ពីជំហរមិនឱ្យមេដឹកនាំរដ្ឋប្រហារយោធាភូមាចូលរួមកិច្ចប្រជុំអាស៊ាន
- ស្នងការនគរបាលរាជធានីភ្នំពេញចាប់ខ្លួនសហជីព និងបុគ្គលិកណាហ្គា វើលដ៍ ៩នាក់
- លោក សម រង្ស៊ី ស្នើទៅក្រុមហ៊ុនជប៉ុនឲ្យជួយបញ្ជាក់ការពិតនៃសារឆ្លើយឆ្លងរវាងលោក ហ៊ុន សែន និងនាងធីសុវណ្ណថា
