ក្រសួងមហាផ្ទៃកំណត់មុខសញ្ញាជនសង្ស័យកាត់តរូបភាពប្រមាថព្រះមហាក្សត្រ
2016.12.31
អ្នកនាំពាក្យក្រសួងមហាផ្ទៃលោក ខៀវ សុភ័គ (ស្ដាំ) ថ្លែងនៅក្នុងសន្និសីទសារព័ត៌មាន នាទីស្ដីការក្រសួងមហាផ្ទៃ នៅរសៀលថ្ងៃទី៥ ខែសីហា ឆ្នាំ២០១៦។ RFA/Cheu Sideth
RFA/Cheu Sideth
សមត្ថកិច្ចក្រសួងមហាផ្ទៃ កំណត់មុខសញ្ញាជនសង្ស័យសំណុំរឿងអ្នកកាត់តរូបភាពប្រមាថព្រះមហាក្សត្រ បានហើយ។
អ្នកនាំពាក្យក្រសួងមហាផ្ទៃ លោក ខៀវ សុភ័គ ឲ្យអាស៊ីសេរី ដឹងនៅថ្ងៃទី៣១ ខែធ្នូ ថា ជនសង្ស័យមានពីរក្រុម មួយក្រុមនៅក្នុងស្រុកជាជនជាតិខ្មែរ មានគ្នា ២នាក់ និងម្នាក់ទៀតនៅប្រទេសថៃ ប៉ុន្តែសមត្ថកិច្ចនៅមិនទាន់ដឹងថា ជាពលរដ្ឋខ្មែរ ឬជនជាតិផ្សេងនោះឡើយ។
លោកថា នៅពេលបានកំណត់មុខសញ្ញារួចហើយ នឹងឈានទៅដល់ការចាប់ខ្លួនជនប្រព្រឹត្តដើម្បីយកទៅឲ្យតុលាការផ្ដន្ទាទោស។ លោក ខៀវ សុភ័គ បញ្ជាក់ថា ការស៊ើបអង្កេតនេះ ក្រុមជំនាញផ្នែកនាយកដ្ឋានព័ត៌មានវិទ្យានៃក្រសួងមហាផ្ទៃ ស្រាវជ្រាវរកតែអ្នកប្រើហ្វេសប៊ុក (Facebook) ដែលបង្ហោះរូបភាពដែលគេកាត់តរូបអាក្រាតព្រះកាយព្រះមហាក្សត្រ ចំពោះករណីផ្សេងមិនបានស្រាវជ្រាវទេ៖ «យើងមានហើយមានមុខសញ្ញាខ្លះហើយ មានពីរនៅក្នុងពីរនៅក្រៅ ការប្រមាថព្រះមហាក្សត្រ ជាបទល្មើសមួយដែលចាត់ទុកថាប្រមាថដល់ប្រជាជាតិខ្មែរទាំងមូល»។
កាលពីពេលថ្មីៗនេះ អ្នកប្រើប្រាស់ហ្វេសប៊ុក ម្នាក់ ដែលមានគណនីសរសេរឈ្មោះជាអក្សរថៃ បានបង្ហោះរូបកាត់តមួយសន្លឹកដាក់រូបព្រះភក្ត្ររបស់ព្រះបាទ នរោត្តម សីហមុនី ដែលជារូបភាពអាក្រាតព្រះកាយ។
មាត្រា៧ នៃរដ្ឋធម្មនុញ្ញចែងថា អង្គព្រះមហាក្សត្រមិនអាចនរណារំលោភបំពានបានឡើយ។ ប៉ុន្តែច្បាប់កំពូលមួយនេះ មិនបានចែងពីការដាក់ទោសទណ្ឌនរណាដែលរំលោភបំពានអង្គព្រះមហាក្សត្រឡើយ សូម្បីតែក្រមព្រហ្មទណ្ឌក៏គ្មានមាត្រាណាមួយចែងដាក់ទោសលើបុគ្គលដែលរំលោភបំពានព្រះអង្គនោះដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- មនុស្ស ៤នាក់ស្លាប់ និង ៥នាក់ទៀតរបួសធ្ងន់ ពេលប្រជ្រៀតគ្នាយកអាំងប៉ាវនៅភូមិគ្រឹះលោក សុខ គង់
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
អត្ថបទពេញនិយម
នយោបាយ
- លោក ហ៊ុន ម៉ាណែត បដិសេធមិនពាក់ព័ន្ធនឹងឃាតកម្មលើលោក លិម គិមយ៉ា
- ភរិយា លោក លិម គិមយ៉ា រៀបរាប់ពីសកម្មភាពនៅលើឡានក្រុង មកទីក្រុងបាងកក មុនពេលឃាតកបាញ់សម្លាប់ប្ដី
- អ្នកឃ្លាំមើលថា លោក ហ៊ុន ម៉ាណែត អសមត្ថភាពរកទីផ្សារជូនពលរដ្ឋ ទើបងាកទៅទម្លាក់ការទទួលខុសត្រូវលើបក្សប្រឆាំង
- ពលរដ្ឋខ្មែរនៅប្រទេសជប៉ុនទាមទារយុត្តិធម៌ជូនសពលោក លិម គិមយ៉ា
- មន្ត្រីជាន់ខ្ពស់បក្សប្រឆាំងពន្យល់ពីមូលហេតុដែលរដ្ឋាភិបាលត្រកូលហ៊ុនមិនតវ៉ារឿងកោះគជ់