រលក​នៃ​ការ​ធ្វើ​ទុក្ខបុកម្នេញ​បក្ស​ប្រឆាំង​នៅ​ទូទាំង​ប្រទេស​បាន​ចាប់ផ្ដើម​នៅ​តាម​មូលដ្ឋាន

ដោយ យន់ សាមៀន
2018-12-26
អ៊ីម៉ែល
មតិ
Share
បោះពុម្ព
សកម្មជនគណបក្ស​សង្គ្រោះជាតិ ដែល​ប្រកាស​គាំទ្រ​គណបក្ស​នេះ​ពី​មូលដ្ឋាន។ រូបភាព​បង្ហាញពីវីដេអូដែល​បង្ហោះលើហ្វេសប៊ុក​លោក សម រង្ស៊ី។
សកម្មជនគណបក្ស​សង្គ្រោះជាតិ ដែល​ប្រកាស​គាំទ្រ​គណបក្ស​នេះ​ពី​មូលដ្ឋាន។ រូបភាព​បង្ហាញពីវីដេអូដែល​បង្ហោះលើហ្វេសប៊ុក​លោក សម រង្ស៊ី។
Screenshot

រលក​នៃ​ការ​ធ្វើទុក្ខបុកម្នេញ​មន្ត្រី​គណបក្ស​សង្គ្រោះជាតិ នៅ​ទូទាំង​ប្រទេស​បាន​ចាប់ផ្ដើម​នៅ​តាម​មូលដ្ឋាន។ លោក សម រង្ស៊ី ប្រធាន​ស្ដីទី​គណបក្ស​សង្គ្រោះជាតិ កាលពី​ថ្ងៃ​ទី​២៥ ធ្នូ បាន​បង្ហោះ​លិខិត​របស់​សមត្ថកិច្ច​ស្រុក​ស្អាង ខេត្ត​កណ្ដាល ដែល​បាន​បង្ខំ​ឲ្យ​មន្ត្រី​គណបក្ស​សង្គ្រោះជាតិ​ម្នាក់ ឈប់​បង្ហោះ​វីដេអូ​ស្តី​អំពី​ការ​គាំទ្រ លោក សម រង្ស៊ី ធ្វើជា​ប្រធាន​ស្តីទី​គណបក្ស​ដោយ​ចោទ​ថា វីដេអូ​នោះ អាច​បង្ក​ឲ្យ​មាន​បញ្ហា​អសន្តិសុខ​សង្គម។ លោក សម រង្ស៊ី អះអាង​ថា ការ​ធ្វើទុក្ខបុកម្នេញ​នេះ ក្រោយ​ពេល​ដែល លោក​បាន​បង្ហោះ​វីដេអូ​របស់​សកម្មជន​គណបក្ស​សង្គ្រោះជាតិ ដែល​បាន​ជួបជុំ​បង្ហាញ​ការ​សាមគ្គី​គ្នា គាំទ្រ​លោក៖ «យើងខ្ញុំ​ទាំងអស់​គ្នា​ជា​អតីត​នាយ​ប្រតិបត្តិ​ស្រុក​ស្អាង។ ពួកគាត់​មកពី​១៦​ឃុំ​នៅ​ស្រុក​ស្អាង​។ ពួកយើង​ទាំងអស់​គ្នា​សូម​ថ្លែង​អរគុណ​ចំពោះ​ឯកឧត្ដម​ប្រធាន​ស្តីទី សម រង្ស៊ី ដែល​បាន​វិល​ត្រឡប់​មក​ដឹកនាំ​គណបក្ស​សង្គ្រោះជាតិ​វិញ។ ទន្ទឹម​នេះ យើង​សូម​ប្រកាស​ថា យើង​គាំទ្រ​ឯកឧត្ដម សម រង្ស៊ី ជា​ប្រធាន​ស្តីទី​ដើម្បី​ដឹកនាំ​គណបក្ស​សង្គ្រោះជាតិ​ឲ្យ​បាន​រុងរឿង​ទៅមុខ​ជាពិសេស​ទាមទារ​ដោះលែង​ឯកឧត្ដម កឹម សុខា ឲ្យ​មាន​សេរីភាព»

អាស៊ីសេរី​មិនទាន់​អាច​ទាក់ទង​មន្ត្រី​ស្រុក​ស្អាង​ដើម្បី​ការសាកសួរ ចំពោះ​ការ​បង្ខំ​ឲ្យ​សមាជិក​គណបក្សប្រឆាំង​ធ្វើ​កិច្ចសន្យា​ឈប់​ថ្លែង​សារ​នយោបាយ​គាំទ្រ​គណបក្ស​សង្គ្រោះ​ជាតិ​បានទេ កាលពី​ថ្ងៃ​ទី២៥ ខែ​ធ្នូ​។ ប៉ុន្តែ​ក្នុង​លិខិតសន្យា​នេះ ក៏បាន​ព្រមាន​មន្ត្រី​គណបក្ស​សង្គ្រោះ​ជាតិ​ថា បើសិន​ពួកគេ​បន្ត​បង្ហោះ​វីដេអូ​គាំទ្រ​បក្ស​ប្រឆាំង​ទៀត ពួកគេ​នឹង​ត្រូវ​ទទួលខុស​ត្រូវ​ចំពោះ​មុខ​ច្បាប់​។ ចាប់តាំង​ពី លោក សម រង្ស៊ី ត្រូវ​បាន​ជ្រើសរើស​ជា​ប្រធាន​ស្ដីទី​គណបក្ស​សង្គ្រោះ​ជាតិ កាលពីដើម​ខែ​ធ្នូ​មក សមត្ថកិច្ច​នៅ​តាម​មូលដ្ឋាន​ជាច្រើន​ខេត្ត បាន​កោះហៅ​មន្ត្រី​គណបក្ស​សង្គ្រោះ​ជាតិ​ទៅ​សាកសួរ និង​បញ្ចុះបញ្ចូល​ឲ្យ​ចុះចូល​ជាមួយ​គណបក្ស​បក្ស​ប្រជាជន​កម្ពុជា និង​បង្ខំ​ឲ្យ​ឈប់​គាំទ្រ​គណបក្ស​សង្គ្រោះជាតិ​ជាដើម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល