ប៉ូលិស​ខេត្ត​បន្ទាយមានជ័យ បង្ខំ​ឲ្យ​ប្រធាន​បក្ស​ប្រឆាំង​ថ្នាក់​ស្រុក​ម្នាក់ ធ្វើ​កិច្ចសន្យា​ឈប់​ប្រមូល​ផ្ដុំ​គ្នា​ថ្លែង​សារ​នយោបាយ

ដោយ មាន ឫទ្ធិ
2019-01-04
អ៊ីម៉ែល
មតិ
Share
បោះពុម្ព
លោក ទួត វាសនា អតីត​ប្រធាន​គណៈកម្មាធិការ​ប្រតិបត្តិ​គណបក្ស សង្គ្រោះ​ជាតិ ស្រុក​មង្គល​បុរី ត្រូវ​ប៉ូលិស​កោះ​ហៅ​​ឲ្យ​​ផ្ដិត​ស្នាម​មេដៃ​ធ្វើ​កិច្ច​សន្យា នៅ​​ថ្ងៃ​​ទី៤ ខែ​មករា ឆ្នាំ​២០១៩ រឿង​គាំទ្រ​លោក សម រង្ស៊ី ចូល​ស្រុក​វិញ។
លោក ទួត វាសនា អតីត​ប្រធាន​គណៈកម្មាធិការ​ប្រតិបត្តិ​គណបក្ស សង្គ្រោះ​ជាតិ ស្រុក​មង្គល​បុរី ត្រូវ​ប៉ូលិស​កោះ​ហៅ​​ឲ្យ​​ផ្ដិត​ស្នាម​មេដៃ​ធ្វើ​កិច្ច​សន្យា នៅ​​ថ្ងៃ​​ទី៤ ខែ​មករា ឆ្នាំ​២០១៩ រឿង​គាំទ្រ​លោក សម រង្ស៊ី ចូល​ស្រុក​វិញ។
រូបថត៖ ហ្វេសប៊ុក ជាតិ ខេមរា

ប្រធាន​គណបក្ស​ប្រឆាំង​ប្រចាំ​ស្រុក​មង្គលបូរី ខេត្ត​បន្ទាយមានជ័យ ​បាន​ចូល​ខ្លួន​ទៅ​បំភ្លឺ​តាម​ការ​កោះ​ហៅ​របស់​អធិការ​នគរបាល​ស្រុក​មង្គលបូរី កាល​ពី​ព្រឹក​ថ្ងៃ​ទី៤ មករា។ មន្ត្រី​បក្ស​ប្រឆាំង​រូប​នេះ​​អះអាង​ថា​ អធិការ​នគរបាល​ស្រុក​មង្គលបូរី​បាន​បង្ខំឲ្យ​រូប​គាត់​ឲ្យ​​ផ្ដិត​ស្នាម​មេដៃ​ធ្វើ​កិច្ច​សន្យា​ឲ្យ​ឈប់​ប្រមូល​ផ្ដុំ​សមាជិក​ថ្លែង​សារ​គាំទ្រ​លោក សម រង្ស៊ី ប្រធាន​ស្ដីទី​គណបក្ស សង្គ្រោះ​ជាតិ វិល​ចូល​ស្រុក​បន្ត​ទៀត។ មន្ត្រី​សង្គម​ស៊ីវិល​ហៅ​ទង្វើ​នេះ​ថា ជា​ការ​គំរាមកំហែង​បំភ័យ​ប្រជាពលរដ្ឋ​ដោយ​ខុស​ច្បាប់។

មន្ត្រី​គណបក្ស​ប្រឆាំង​ស្រុក​មង្គលបូរី​ លោក ទួត វាសនា ថ្លែង​ប្រាប់​អាស៊ី​សេរី​នៅ​រសៀល​ថ្ងៃ​ទី៤ មករា​ថ្លែង​ថា ការ​បង្ខិតបង្ខំ​របស់​ប៉ូលិស​ខេត្ត​នេះ ជា​ការ​ដាក់​គំនាប​​បំបិទ​សេរីភាព​មក​លើ​ពួក​គាត់​កាន់​តែ​ខ្លាំង ដោយសារ​ខ្លាច​គណបក្ស សង្គ្រោះ​ជាតិ រស់​ឡើង​វិញ។

លោក​ថា អធិការ​នគរបាល​ស្រុក​មង្គលបុរី​លោក ស៊ិន ណារ៉ាក់ បាន​បង្ខំ​រូប​លោក​ឲ្យ​ផិត​ស្នាម​មេដៃ​ធ្វើ​កិច្ចសន្យា​ក្នុង​លក្ខខ័ណ្ឌ​ចំនួន ៣ចំណុច រួម​មាន ឲ្យ​ឈប់​ប្រមូល​ផ្ដុំ​គ្នា​គាំទ្រ​លោក សម រង្ស៊ី វិល​ចូល​ស្រុក ឈប់​ប្រមូល​ផ្ដុំ​មនុស្ស​គាំទ្រ​គណបក្ស សង្គ្រោះ​ជាតិ ព្រោះ​គណបក្ស​នេះ​ត្រូវ​បាន​រំលាយ​ហើយ និង​ចុង​ក្រោយ​មិន​ឲ្យ​ធ្វើ​សកម្មភាព​ទាំង​ឡាយ​ណា​ដែល​ផ្ទុយ​ពី​ច្បាប់​កំណត់។

ប្រធាន​គណបក្ស​ស្រុក​មង្គលបុរី​រូប​នេះ​បន្ថែម​ទៀត​ថា ករណី​ប៉ូលិស​ហៅ​រូប​លោក​ឲ្យ​ធ្វើ​កិច្ច​សន្យា​នេះ ដោយសារ​កាល​ពី​ដើម​ខែ​ធ្នូ​កន្លង​ទៅ ពួក​គាត់​មាន​គ្នា ៩​នាក់ បាន​ជួប​ជុំ​គ្នា​ពង្រឹង​សាមគ្គីភាព ដោយ​បាន​ថ្លែង​គាំទ្រ​លោក សម រង្ស៊ី ធ្វើ​ជា​ប្រធាន​ស្ដីទី​គណបក្ស សង្គ្រោះ​ជាតិ ដើម្បី​រួម​កម្លាំង​សមាជិក​ស្ដារ​ប្រជាធិបតេយ្យ​នៅ​កម្ពុជា​ឲ្យ​រស់​ឡើង​វិញ៖ «ខ្ញុំ​មិន​ពេញ​ចិត្ត​នឹង​កិច្ចសន្យា​របស់​ប៉ូលិស​នេះ​ទេ​ ព្រោះ​ហាក់​បី​ដូច​ជា​ការ​ចង់​ជើង​មិន​ខ្ញុំ​ដើរ​ទៅ​ណា​រួច​ ប្រៀប​ដូច​ចង​គោ​ឲ្យ​នៅ​ស៊ី​ស្មៅ​មួយ​កន្លែង​អីចឹង​ដែរ។ ខ្ញុំ​ចាត់​ទុក​បញ្ហា​នេះ​ជា​ការ​គំរាម​ផ្នែក​នយោបាយ​ និង​បិទ​សិទ្ធិ​សេរីភាព​របស់​ប្រជាពលរដ្ឋ​ធ្វើ​យើង​មិន​ហ៊ាន​បញ្ចេញ​មតិ ដែល​អាជ្ញាធរ​ថា​ជា​ច្បាប់​ទម្លាប់​ ប៉ុន្តែ​ច្បាប់​ដែល​អាជ្ញាធរ​និយាយ​នេះ អ្វី​ដែល​ត្រូវ​ គេ​ថា​ខុស​ច្បាប់ ហើយ​អ្វី​ដែល​ខុស​គេ​ថា​ល្អ​ នេះ​ជា​ទម្លាប់​របស់​អាជ្ញាធរ»

ឆ្លើយ​តប​នឹង​បញ្ហា​នេះ​ អធិការ​នគរបាល​ស្រុក​មង្គលបូរី លោក ស៊ិន ណារ៉ាក់ មាន​ប្រសាសន៍​យ៉ាង​ខ្លី​ថា ករណី​នេះ​ជា​រឿង​សម្ងាត់​ ដូច្នេះ​លោក​មិន​អាច​ផ្ដល់​សម្ភាសន៍​ឲ្យ​អ្នក​យក​ព័ត៌មាន​វិទ្យុ​អាស៊ី​សេរី​បាន​ទេ៖ «បាទ​ខ្ញុំ​មិន​អាច​ឆ្លើយ​បាន​តាម​ទូរស័ព្ទ​ព្រោះ​វា​មាន​ការងារ​លាក់​ការ​មួយ​ ព្រោះ​ខ្ញុំ​មិន​អាច​ផ្ដល់​ព័ត៌មាន​ឲ្យ​បាន​ទេ ពីព្រោះ​មាន​ក្រុម​អ្នក​ផ្ដល់​ព័ត៌មាន​ផ្សេង​​ បើ​ខ្ញុំ​ឆ្លើយ​ទៅ​វា​ខុស​នឹង​ក្រិត ក្រម​សម្រាប់​អ្នក​បំភ្លឺ​ជុំវិញ​បញ្ហា​ចម្ងល់​នេះ»

ប៉ុន្តែ​មន្ត្រី​សម្របសម្រួល​សមាគម​ការពារ​សិទ្ធិមនុស្ស អាដហុក (Adhoc) ប្រចាំ​ខេត្ត​បន្ទាយមានជ័យ​លោក ស៊ុំ ច័ន្ទគា ​លើក​ឡើង​ថា ការ​ជុំ​ជួប​គ្នា​ថ្លែង​សារ​គាំទ្រ​គណបក្ស​នយោបាយ​នេះ គ្រាន់​តែ​ជា​ការ​បញ្ចេញ​មតិ​របស់​ពលរដ្ឋ​ដែល​មាន​ចែង​ក្នុង​រដ្ឋធម្មនុញ្ញ ដូច្នេះ​មិន​ខុស​ច្បាប់​នោះ​ទេ។ លោក​អះអាង​ថា សមត្ថកិច្ច​​​ដែល​បាន​គំរាមកំហែង​និង​​​រារាំង និង​បង្ខំ​ឲ្យ​ពលរដ្ឋ​​ធ្វើ​កិច្ច​សន្យា​ពាក់ព័ន្ធ​នឹង​រឿង​នេះ​ទៅ​វិញ​ទេ ជា​អ្នក​ខុស​ច្បាប់ និង​ត្រូវ​ទទួល​ទោស​ចំពោះ​មុខ​ច្បាប់ ព្រោះ​ជា​ការ​គំរាម​កំហែង​បិទ​សិទ្ធ​សេរីភាព​ការ​បញ្ចេញ​របស់​ពលរដ្ឋ៖ «ដូច្នេះ​មិន​មែន​ចាត់​ទុក​ថា ជា​ការ​ជួប​ជុំ​ផ្ដួល​រំលំ​រដ្ឋាភិបាល ឬ​ធ្វើ​ឲ្យ​ប៉ះពាល់​ដល់​សន្តិសុខ​ជាតិ​ទេ។ អ្នក​ដែល​ថា​រឿង​នេះ​ជា​ការ​ផ្ដួល​រំលំ​រដ្ឋាភិបាល គឺ​ជា​ការ​រឹតត្បិត​ពេល​ហើយ ហើយ​ការ​ធ្វើ​ដូច្នេះ​ប្រទេស ដែល​កាន់​ប្រជាធិបតេយ្យ គេ​មិន​ដែល​ធ្វើ​បែប​នេះ​ទេ ព្រោះ​មាន​តែ​ប្រទេស​កាន់​របប​កុម្មុយនិស្ត និង​របប​ផ្ដាច់ការ​ទេ ដែល​គេ​ធ្វើ​ដូច្នោះ»

ទោះ​ជា​យ៉ាង​ណា​លោក ទួត វាសនា និង​មន្ត្រី​ប្រឆាំង​ខេត្ត​បន្ទាយមានជ័យ​លោក ជាតិ ខេមរា អះអាង​ថា បើ​ទោះ​បី​ជា​សមត្ថកិច្ច​មាន​ការ​គំរាម​កំហែង​មក​លើ​ពួក​គាត់​យ៉ាង​ក្ដី ក៏​ពួក​គាត់​នៅ​តែ​រឹងមាំ ហើយ​ពួក​គាត់​ក៏​គ្រោង​ជួប​ជុំ​គ្នា​ទ្រង់ទ្រាយ​ធំ​ជា​ថ្មី ដើម្បី​ពង្រឹង​សាមគ្គីភាព​របស់​សមាជិក​គណបក្ស​ខ្លួន​រួម​គ្នា​គាំទ្រ​លោក សម រង្ស៊ី វិល​ចូល​ស្រុក​វិញ​ក្នុង​ពេល​ឆាប់ៗ ខាង​មុខ ព្រោះ​របប​លោក ហ៊ុន សែន បាន​រំលាយ​ប្រជាធិបតេយ្យ​នៅ​កម្ពុជា​ ដោយ​ការ​គណបក្ស​របស់​ពួក​គាត់​ចោល​អស់​ជាង ១ឆ្នាំ​ហើយ​​ ដើម្បី​បាន​បន្ត​អំណាច​របស់​ខ្លួន​ទៅ​មុខ​ទៀត។ ដូច្នេះ ពួក​គាត់​មិន​អាច​នៅ​សំងំ​ស្ងៀម​បន្ត​ទៀត​នោះ​ឡើយ។ ករណី​លោក ទួត វាសនា មិនមែន​ជា​ករណី​ដោយ​ឡែក​ទេ សមត្ថកិច្ច​របស់​របប​លោក ហ៊ុន សែន គ្រប់​ខេត្ត​ទូទាំង​ប្រទេស បាន​ចាប់​ផ្ដើម​យុទ្ធនាការ​គំរាម​កំហែង​មន្ត្រី​បក្ស​ប្រឆាំង​កុំ​ឲ្យ​ចេញ​មុខ​មក​គាំទ្រ​លោក សម រង្ស៊ី ក្រោយ​ពេល​លោក សម រង្ស៊ី បាន​ប្រកាស​ថា នឹង​វិល​ត្រឡប់​មក​កម្ពុជា​ដើម្បី​ស្ដារ​លទ្ធិប្រជាធិបតេយ្យ​ឡើង​វិញ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (7)
Share

អ្នក​អាន​អនាមិក

ពី FRANCE

​​​ យើងគ្រាន់តែសូមរំលឹកថា​ ប្រការ ៤១​ នៃរដ្ឋធម្មនុញ្ញព្រះរាជាណាចក្រកម្ពុជាបានចែងថា​ ប្រជាពលរដ្ឋខ្មែរមានសេរីភាពខាងការបញ្ចេញមតិរបស់ខ្លួន សេរីភាពខាងសារព៌តមាន សេរីភាពខាងការបោះពុម្ភផ្សាយ សេរីភាពខាងការប្រជុំ ។ ដូច្នេះគួរតែលោក ស៊ិន ណារ៉ាក់ ដែលជាមន្ត្រីសមត្ថកិច្ចមានឋានន្តរស័ក្ដិខ្ពស់ មើលសារឡើងវិញនូវរដ្ឋធម្មនុញ្ញ ដែលជាច្បាប់កំពូលរបស់មាតុភូមិយើង​ ៕

Jan 05, 2019 09:09 PM

អ្នក​អាន​អនាមិក

ពី FRANCE

​​​ យើងគ្រាន់តែសូមរំលឹកថា​ ប្រការ ៤១​ នៃរដ្ឋធម្មនុញ្ញព្រះរាជាណាចក្រកម្ពុជាបានចែងថា​ ប្រជាពលរដ្ឋខ្មែរមានសេរីភាពខាងការបញ្ចេញមតិរបស់ខ្លួន សេរីភាពខាងសារព៌តមាន សេរីភាពខាងការបោះពុម្ភផ្សាយ សេរីភាពខាងការប្រជុំ ។ ដូច្នេះគួរតែលោក ស៊ិន ណារ៉ាក់ ដែលជាមន្ត្រីសមត្ថកិច្ចមានឋានន្តរស័ក្ដិខ្ពស់ មើលសារឡើងវិញនូវរដ្ឋធម្មនុញ្ញ ដែលជាច្បាប់កំពូលរបស់មាតុភូមិយើង​ ៕

Jan 05, 2019 09:07 PM

អ្នក​អាន​អនាមិក

ពី FRANCE

​​​ យើងគ្រាន់តែសូមរំលឹកថា​ ប្រការ ៤១​ នៃរដ្ឋធម្មនុញ្ញព្រះរាជាណាចក្រកម្ពុជាបានចែងថា​ ប្រជាពលរដ្ឋខ្មែរមានសេរីភាពខាងការបញ្ចេញមតិរបស់ខ្លួន សេរីភាពខាងសារព៌តមាន សេរីភាពខាងការបោះពុម្ភផ្សាយ សេរីភាពខាងការប្រជុំ ។ ដូច្នេះគួរតែលោក ស៊ិន ណារ៉ាក់ ដែលជាមន្ត្រីសមត្ថកិច្ចមានឋានន្តរស័ក្ដិខ្ពស់ មើលសារឡើងវិញនូវរដ្ឋធម្មនុញ្ញ ដែលជាច្បាប់កំពូលរបស់មាតុភូមិយើង​ ៕

Jan 05, 2019 09:07 PM

អ្នក​អាន​អនាមិក

ពី FRANCE

​​​ យើងគ្រាន់តែសូមរំលឹកថា​ ប្រការ ៤១​ នៃរដ្ឋធម្មនុញ្ញព្រះរាជាណាចក្រកម្ពុជាបានចែងថា​ ប្រជាពលរដ្ឋខ្មែរមានសេរីភាពខាងការបញ្ចេញមតិរបស់ខ្លួន សេរីភាពខាងសារព៌តមាន សេរីភាពខាងការបោះពុម្ភផ្សាយ សេរីភាពខាងការប្រជុំ ។ ដូច្នេះគួរតែលោក ស៊ិន ណារ៉ាក់ ដែលជាមន្ត្រីសមត្ថកិច្ចមានឋានន្តរស័ក្ដិខ្ពស់ មើលសារឡើងវិញនូវរដ្ឋធម្មនុញ្ញ ដែលជាច្បាប់កំពូលរបស់មាតុភូមិយើង​ ៕

Jan 05, 2019 09:07 PM

អ្នក​អាន​អនាមិក

ពី FRANCE

​​​ យើងគ្រាន់តែសូមរំលឹកថា​ ប្រការ ៤១​ នៃរដ្ឋធម្មនុញ្ញព្រះរាជាណាចក្រកម្ពុជាបានចែងថា​ ប្រជាពលរដ្ឋខ្មែរមានសេរីភាពខាងការបញ្ចេញមតិរបស់ខ្លួន សេរីភាពខាងសារព៌តមាន សេរីភាពខាងការបោះពុម្ភផ្សាយ សេរីភាពខាងការប្រជុំ ។ ដូច្នេះគួរតែលោក ស៊ិន ណារ៉ាក់ ដែលជាមន្ត្រីសមត្ថកិច្ចមានឋានន្តរស័ក្ដិខ្ពស់ មើលសារឡើងវិញនូវរដ្ឋធម្មនុញ្ញ ដែលជាច្បាប់កំពូលរបស់មាតុភូមិយើង​ ៕

Jan 05, 2019 09:06 PM

មើល​មតិ​ទាំង​អស់.

គេហទំព័រ​ទាំងមូល