គណបក្សប្រជាជនកម្ពុជា កំណត់យកថ្ងៃទី១៨ ខែកុម្ភៈ ជាថ្ងៃចរចាជាថ្មី បន្ទាប់ពីបង្ក្រាបបាតុកម្មរួចមក។ ផែនការនេះ ធ្វើឡើងបន្ទាប់ពីគណបក្សសង្គ្រោះជាតិ បានចេញសេចក្តីថ្លែងការណ៍ស្នើឲ្យមានការចរចារវាងខ្មែរ និងខ្មែរ ដោយស្នើឲ្យមានកិច្ចចរចានយោបាយឡើងវិញ កាលពីថ្ងៃទី១៤ ខែកុម្ភៈ។
មន្ត្រីជាន់ខ្ពស់គណបក្សកាន់អំណាច អះអាងថា គណបក្សប្រជាជនកម្ពុជា មានបំណងពិតប្រាកដក្នុងការកែទម្រង់ការបោះឆ្នោត ដើម្បីឲ្យគ្រប់ភាគីទទួលបាន។
គណបក្សប្រជាជនកម្ពុជា កំណត់យកថ្ងៃអង្គារ ទី១៨ ខែកុម្ភៈ វេលាម៉ោង ៩ព្រឹក ជាថ្ងៃបើកការចរចាជាមួយបក្សប្រឆាំង ស្វែងរកដំណោះស្រាយនយោបាយ។ ការចរចានេះនឹងធ្វើឡើងនៅព្រឹទ្ធសភា ហើយគណបក្សកាន់អំណាចបានត្រៀមមន្ត្រីជាន់ខ្ពស់ចំនួន ៣រូប ដើម្បីបើកការចរចា។ មន្ត្រីទាំងបីនាក់នោះរួមមាន រដ្ឋលេខាធិការក្រសួងមហាផ្ទៃ លោក ព្រំ សុខា រដ្ឋលេខាធិការក្រសួងយុត្តិធម៌ លោក កើត រិទ្ធិ និងរដ្ឋលេខាធិការក្រសួងមហាផ្ទៃ លោក សក់ សេដ្ឋា។
ប្រធានក្រុមការងារចរចាផ្នែកបច្ចេកទេស និងជាសមាជិកគណៈកម្មាធិការកណ្ដាលគណបក្សប្រជាជនកម្ពុជា លោក ព្រំ សុខា ឲ្យដឹងថា ការកំណត់ថ្ងៃចរចាជាថ្មីនេះ ជាចេតនាពិតប្រាកដរបស់គណបក្សកាន់អំណាច ក្នុងការស្វែងរកដំណោះស្រាយបញ្ហានយោបាយ។ លោកបន្តថា បញ្ហាសំខាន់បំផុត ដើម្បីបុព្វហេតុជាតិ គឺជាការអង្គុយចុះពិភាក្សាចរចាគ្នាដោយសន្តិវិធី។ ហើយការចរចារវាងក្រុមការងារបច្ចេកទេសនេះ ជាការទម្លាយផ្លូវមួយទៀត ដើម្បីឲ្យមេដឹកនាំកំពូលៗទាំងពីរបក្សរួមគ្នា ស្វែងរកដំណោះស្រាយបញ្ហាធំៗរបស់ជាតិតែម្តង។
លោក ព្រំ សុខា៖ «ដំណោះស្រាយដោយសន្តិវិធីតាមរយៈការចរចា ជាវិធីដ៏ល្អបំផុតតែមួយគត់សម្រាប់ដោះស្រាយបញ្ហា បើជួបមានលទ្ធផល យើងនឹងបន្តទៀត ហើយច្បាស់ណាស់ថា ចុងក្រោយនឹងមានការជួបគ្នារវាងថ្នាក់ដឹកនាំកំពូល»។
ទន្ទឹមនឹងនេះ ប្រធានក្រុមការងារគណបក្សសង្គ្រោះជាតិ លោក សុន ឆ័យ មានប្រសាសន៍ថា គណបក្សសង្គ្រោះជាតិ បានត្រៀមក្រុមការងារសម្រាប់ចរចាលំដាប់ថ្នាក់បច្ចេកទេសនេះរួចហើយ។ សមាសភាពចរចាមាន លោក សុន ឆ័យ លោក គួយ ប៊ុនរឿន និងលោក យ៉ែម បុញ្ញឫទ្ធិ។ លោកបញ្ជាក់ថា នេះជាការជួបគ្នាជាថ្មី ដើម្បីអនុវត្តកិច្ចព្រមព្រៀងចាស់ ដែលបានឯកភាពគ្នាលើការកែទម្រង់ការបោះឆ្នោត កាលពីខែកញ្ញា ឆ្នាំ២០១៣។ លោកបន្ថែមថា គណបក្សសង្គ្រោះជាតិ នៅតែប្រកាន់យកផលប្រយោជន៍ជាតិជាធំ៖ «បញ្ហាបោះឆ្នោតឡើងវិញ ជារឿងដោយឡែក ទុកឲ្យថ្នាក់ដឹកនាំកំពូលជជែកគ្នាទៅ ជាជំហររបស់បក្សទាំងពីរ គឺចរចាគ្នាដោះស្រាយបញ្ហាដែលបានព្រមព្រៀងគ្នារួចហើយ»។
ទាក់ទងនឹងបញ្ហានេះ សកលវិទ្យាធិការសាកលវិទ្យាល័យ ខេមរៈ លោកបណ្ឌិត សុខ ទូច ថ្លែងគាំទ្រជំនួបចរចាជាថ្មីនេះ។ ប៉ុន្តែ លោកគិតថា គណបក្សទាំងពីរគួរណាស់តែដាក់របៀបវារៈឲ្យបានច្រើន ដើម្បីឈានទៅបញ្ចប់ជម្លោះនយោបាយ និងរួមគ្នាដោះស្រាយបញ្ហាជាតិប្រកបដោយការទទួលខុសត្រូវ។
ជំនួបចរចាលើកចុងក្រោយបង្អស់របស់គណបក្សទាំងពីរ គ្រោងធ្វើឡើងនៅថ្ងៃទី៣ ខែមករា ឆ្នាំ២០១៤។ ប៉ុន្តែ ជំនួបនេះត្រូវបានគណបក្សប្រឆាំងប្រកាសរំសាយចោលវិញ ដោយសារអាជ្ញាធររដ្ឋាភិបាលបានចាប់ខ្លួនសកម្មជនសិទ្ធិមនុស្ស លោក វន់ ពៅ លោក ថេង សាវឿន លោក ចាន់ ពុទ្ធិស័ក និងមនុស្សមួយចំនួនទៀតក្នុងបាតុកម្មទាមទារដំឡើងប្រាក់ខែនៅកំបូល។ ដើម្បីឆ្លើយតបនឹងការរំសាយកិច្ចចរចានេះ អាជ្ញាធររដ្ឋាភិបាលក៏បានបន្តបង្ក្រាបការតវ៉ានៅផ្លូវវ៉េងស្រេង និងឈានទៅបោសសម្អាតបាតុករនៅទីលានប្រជាធិបតេយ្យ ព្រមទាំងដាក់បម្រាមយ៉ាងតឹងរ៉ឹង ចំពោះរាល់ការជួបជុំទាំងឡាយ។
ថ្នាក់ដឹកនាំគណបក្សប្រឆាំងធ្លាប់ប្រកាសថា ជំនួបចរចាបរាជ័យ ដោយសារបក្សកាន់អំណាចមិនព្រមឲ្យមានការស៊ើបអង្កេតភាពមិនប្រក្រតីឡើងវិញ។ ប៉ុន្តែ លោក ហ៊ុន សែន បានថ្លែងម្តងជាពីរដងថា ការចរចាមិនត្រូវរ៉ូវគ្នាមកពីភាគីបក្សប្រឆាំងចង់បានតុល្យភាពក្នុងសភា និងតំណែងប្រធានរដ្ឋសភា ដែលគណបក្សកាន់អំណាចក្ដោបក្ដាប់អស់ ៣អាណត្តិហើយនោះ។ បច្ចុប្បន្ននេះ គណបក្សប្រឆាំងកំពុងប្រមូលភស្តុតាងសម្រាប់ប្ដឹង លោក ហ៊ុន សែន ទៅកាន់តុលាការឧក្រិដ្ឋកម្មអន្តរជាតិ ខណៈដែលបក្សកាន់អំណាចកំពុងតែឃុំខ្លួនសកម្មជនសិទ្ធិមនុស្ស និងកម្មករចំនួន ២១នាក់ ក្នុងពន្ធនាគារ៕
YIM SOVANN AND PRUM SOKHA NEGOTIATE 6 MONTHS, KEM SOKHA AND SAR KHENG 6 MONTHS THEN HUN SEN AND SAM RAINGY LAST FOR A NEXT 3 YEAR A NEW ELECTION WILL COMING UP.
Feb 17, 2014 12:14 AM
If any initiative to get the 14 million people out of chaos that good. The case all related to power of the rule if CCP gives some concession to CNRP the negotiation will finished very short if not CNRP gonna call out to protest again because they need some power for their supporters who still jobless at their headquarter as local and imported.
Feb 16, 2014 03:34 PM
សុំបក្សសង្រ្គោះជាតិយកសេចក្ដីព្រៀងនៃយន្ដការកែទម្រង់លម្អិត
ទៅចរចារឲ្យល្អិតល្អន់រួចយកមកបកស្រាយជូនដល់សាធារណមតិ
ភ្លាមៗបន្ទាប់ពីការប្រជុំ និងបើកកិច្ចពិក្សាដល់អ្នកសារព័ត៌មានឲ្យ
បានទូលំទូលាយដើម្បីសាធារណមតិជាតិ អន្ដរជាតិតាមឲ្យទាន់សភាពការនយោបាយ ។ ខ្ញុំយល់ថាគណបក្សប្រជាជននៅតែបន្ដ
ដំណើររបបផ្ដាច់ការដដែលបន្ទាប់ពីពង្រឹងកម្លាំងយោធារួចហើយ ។
Feb 16, 2014 07:16 AM
If both polittical members has still in mind as the brokers, the situation were not so far from the the situation between 1993 to 1997. By the remark, CPP has strictly control their CPP's members. CPP organized their activist supporters to all ministries, provincials, districts, communes and villages. The dangerous for others Political party is the total armed forces supporters. How about results of the the meeting if its will be made? The recent 4 stars of military promoted by the government means CPP win to everything in a field of political, economic, social and foreign affairs. CCP were cleaver, if CCP lost CPP will 100% died or will be in jail. CPP love and respect Ho Chi Minh then Khmer. King Sihamony was always ignore as the father King between 1975 to 1979. The Khmer kept the King for cheating Khmer people.
Feb 16, 2014 02:26 AM
Doesn't matter how many 4 star generals or how many guns they have, its the people that counts. Knowledge is power. It looks like the CNRP is doing that.
Feb 16, 2014 10:24 AM
