អ្នកនាំពាក្យ​គណបក្ស​ប្រជាជន​កម្ពុជា​ ហៅ​អ្នកធ្វើ​បាតុកម្ម​ប្រឆាំង​ថ្ងៃ​ ៧​ មករា ​ថា​ជា​ជន​អគតិ

ដោយ ថន ថារ៉ូ
2019-01-05
អ៊ីម៉ែល
មតិ
Share
បោះពុម្ព
អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ថ្លែង​ក្នុង​កិច្ច​សម្ភាសន៍ នា​ទី​ស្នាក់​ការ​កណ្ដាល គណបក្ស​ប្រជាជន​កម្ពុជា កាល​ពី​ថ្ងៃ​ទី៣០ ខែ​កក្កដា ឆ្នាំ​២០១៨។
អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន ថ្លែង​ក្នុង​កិច្ច​សម្ភាសន៍ នា​ទី​ស្នាក់​ការ​កណ្ដាល គណបក្ស​ប្រជាជន​កម្ពុជា កាល​ពី​ថ្ងៃ​ទី៣០ ខែ​កក្កដា ឆ្នាំ​២០១៨។
AFP

អ្នកនាំពាក្យ​គណបក្ស​ប្រជាជន​កម្ពុជា​ចាត់​ទុក​ក្រុម​អ្នក​ធ្វើ​បាតុកម្ម​ប្រឆាំង​ថ្ងៃ​៧ មករា នៅ​ប្រទេស​អូស្ត្រាលី​ថា ជា​ជន​អគតិ។ អ្នកវិភាគ​ចាត់​ទុក​សម្ដី​អ្នកនាំពាក្យ​បក្ស​កាន់អំណាច​ដែល​និយាយ​បែប​នេះ ជា​ការ​ប្រមាថ​ពលរដ្ឋ​ម្ចាស់​ឆ្នោត និង​ជា​ប្រមាថ​ជាតិខ្មែរ។

អ្នកវិភាគ​នយោបាយ​លោក គឹម សុខ ដែល​កំពុង​រស់នៅ​ប្រទេស​ហ្វាំងឡង់ (Finland) គេច​ពី​តាម ចាប់ខ្លួន​របស់​របប​លោក ហ៊ុន សែន ចាត់​ទុក​សម្ដី​របស់ លោក សុខ ឥសាន ដែល​ប្រមាថ​បាតុករ​ប្រឆាំង​ថ្ងៃ ៧​មករា ទៅវិញ​ទេ ដែល​ជា​សំដី​ជន​អគតិ​ព្រោះ​លោក​បាន​ជេរ​ប្រមាថ ជាតិ​សាសន៍​ខ្លួនឯង​ដើម្បី​បម្រើ​ប្រយោជន៍​ប្រទេស​វៀតណាម។ លោក​បន្ត​ទៀត​ថា មិនមែន​តែ​ពលរដ្ឋ​ដែល​សិទ្ធិ​សេរីភាព​ពេញលេញ​នៅ​ក្រៅ​ទេ​ប្រទេស​ទេ​ដែល​ដឹង​ថា ថ្ងៃ​៧​មករា ជា​ការ​បើក​ទំព័រ​ប្រវត្តិសាស្ត្រ​ឲ្យ​កងទ័ព​វៀតណាម​ចូល​លុកលុយ ឈ្លានពាន​កម្ពុជា គ្រប់គ្រង និង​សម្លាប់​ពលរដ្ឋ​ខ្មែរ សូម្បីតែ​សហគមន៍​អន្តរជាតិ​ក៏​បាន​ចារ​ទុក​ក្នុង​ប្រវត្តិសាស្ត្រ​ថា​ថ្ងៃ៧ មករា ជា​ថ្ងៃ​វៀតណាម​ឈ្លានពាន​កម្ពុជា​ដែរ៖ «លោក ហ៊ុន សែន និង​ក្រុម​លោក ហ៊ុន សែន គឺ​លោក សុខ ឥសាន ហៅ​ពលរដ្ឋ​ឯង​ថា​អគតិ​នោះ​មានន័យថា​គាត់​ជេរ​ជាតិ​ឯង​អគតិ បើ​សិន​ជាតិ​ឯង​អគតិ​បើ​អ៊ីចឹង​ខ្លួនឯង​ជា​ជន​អគតិ​លក់​មនសិការ​បម្រើ​ប្រយោជន៍​ពួក​អគតិ​វៀតណាម»

ការ​លើកឡើង​របស់​លោក គឹម សុខ បែបនេះ ក្រោយ​ពេល​អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន សរសេរ​នៅ​លើ​ប្រព័ន្ធ​តេឡេក្រាម​របស់​លោក នៅ​ថ្ងៃ​ទី​៥ មករា ជា​ថ្ងៃ ដែល​សហគមន៍​ខ្មែរ​នៅ​អូស្ត្រាលី​កំពុង​ធ្វើ​បាតុកម្ម​ប្រឆាំង​ថ្ងៃ​៧ មករា។ អ្នកនាំពាក្យ​រូប​នេះ លើកឡើង​ថា មក​ដល់ពេលនេះ​មាន​រយ​:​ពេល ៤០​ឆ្នាំ​ហើយ នៃ​ការ​អបអរ ថ្ងៃ​៧​មករា ឯ​សកម្មភាព​ធ្វើបាតុកម្ម​ប្រឆាំង​នឹង​ថ្ងៃ​៧ មករា ក៏​បាន​ប្រព្រឹត្ត ទៅ​ប្រមាណ ៤០​ដង ដូចគ្នា​ដែរ។

លោក សុខ ឥសាន បន្ត​ទៀត​ថា បាតុកម្ម​នៅ​បរទេស​គ្មាន​ឥទ្ធិពល​ដល់​ពលរដ្ឋ​ខ្មែរ​នៅ​ក្នុង​ស្រុក​នោះ​ទេ។

ប៉ុន្តែ អ្នកវិភាគ​នយោបាយ លោក គឹម សុខ យល់ថា មិនមែន​ពលរដ្ឋ​ក្នុង​ស្រុក​ទាំងអស់​គាំទ្រ​ថ្ងៃ​ ៧​ មករា​នោះ​ទេ ប៉ុន្តែ​ដោយសារ​ពួកគេ​គ្មាន​សិទ្ធិ​សេរីភាព​ពេញ​លេញ​ដើម្បី​បញ្ចេញ​មតិ​ប្រឆាំង​ថ្ងៃ​ ៧ ​មករា​ប៉ុណ្ណោះ។ លោក​បន្ត​ថា បើ​របប​ក្រុងភ្នំពេញ​ក្លាហាន ហ៊ាន​បើក​សិទ្ធិ​សេរីភាព​ឲ្យ​ពលរដ្ឋ​ក្នុង​ស្រុក​នោះ ពួកគេ​នឹង​បង្ហាញ​ឆន្ទៈ​ធ្វើ​បាតុកម្ម​ប្រឆាំង ថ្ងៃ​៧ មករា ទូទាំង​ប្រទេស៖ «ពលរដ្ឋ​ខ្មែរ​គាត់​បាន​រៀនសូត្រ​ចេះ​ដឹង​ថា ទង្វើ​វៀតណាម​ជា​ការ​ប្រើប្រាស់​ព្រលឹង​និង​ប្រជាពលរដ្ឋ​ខ្មែរ​ដែល​រង​ទុក្ខ​សោក​​ធ្វើជា​ដើមទុន ​ដើម្បី​ឈ្លានពាន​ប្រទេស​កម្ពុជា»

គណបក្ស​ប្រជាជន​កម្ពុជា​គ្រោង​ប្រារព្ធ​អបអរ ថ្ងៃ​៧​មករា​នេះ ដូចដែល​បក្ស​នេះ​បាន​ធ្វើ​ជា​រៀងរាល់ ឆ្នាំ​ដដែល។ ថ្ងៃ​ ៧ មករា ឆ្នាំ​ខាងមុខនេះ របប​ក្រុងភ្នំពេញ​នឹង​រៀបចំ​យ៉ាង​ទូលំទូលាយ នៅ​ពហុកីឡាដ្ឋាន​ជាតិ​អូឡាំពិក​ដែល​ពួកគេ​រៀបចំ ឲ្យ​មាន​មនុស្ស​ចូលរួម​ច្រើន​ម៉ឺន​នាក់ ហើយ​ពេលនេះ​ពួកគេ​កំពុង​ហាត់​សម​នៃ​ការ​ប្រារព្ធ​ពិធី​នេះ៖ «មិនមែន​តែ​លោក គឹម សុខ ទេ ដែល​អះអាង​ថ្ងៃ ៧​មករា ជា​ថ្ងៃ​វៀតណាម​ឈ្លានពាន​កម្ពុជា អ្នកវិភាគ​ផ្សេងទៀត​ក៏​យល់​ដូច្នោះ​ដែរ»

អ្នកវិភាគ​នយោបាយ​ជើងចាស់ លោក​បណ្ឌិត ឡៅ ម៉ុងហៃ លើកឡើង​ថាបើ​ផ្អែក​តាម​ប្រវត្តិសាស្ត្រ បញ្ជាក់​ថា កងទ័ព​វៀតណាម​បាន​ចូល​មក​ឈ្លាន​ពាន​កម្ពុជា តាំង​ពី​ថ្ងៃ​ទី២៥ ខែ​ធ្នូ ឆ្នាំ​១៩៧៨ មក​ម្ល៉េះ ហើយ​ថ្ងៃ​៧ មករា ឆ្នាំ​១៩៧៩ ជា​ថ្ងៃ​កងទ័ព​វៀតណាម​បង្កើត​រដ្ឋាភិបាល សាធារណរដ្ឋ​​ប្រជាមានិត​​កម្ពុជា ក៏ប៉ុន្តែ​អន្តរជាតិ​មិន​បាន​ទទួលស្គាល់​ជា​រដ្ឋាភិបាល​ស្រប​ច្បាប់​តំណាង​ឲ្យ​កម្ពុជា​នោះ​ទេ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

den

ពី PHNOM PENH

Labang KIM SOK PRAHY survive and got educated and enable to curse cruely the person who have involved to battle the blood dursted khmer rouge out of Cambodia. SOK PRAHY is did not know how USA abandoned Cambodia people into tiger mouth during 1975 , you are extremism thinking and you are not able to life in peace life because of your extremism.

Jan 06, 2019 10:15 PM

អ្នក​អាន​អនាមិក

ឌុចដូចអេីុយ ថាម៉េចក៏ថាទៅ ប្រយ័ត្នដល់ពេលលែងបានថា រួចស្រែកថាគេប្រេីអោយថាទេបងប្អូន។

Jan 06, 2019 07:00 PM

justice is justice....fact is the fact and he...

The khmer history will judge this horrible man by what he has been said and done to the pple and country and is not by whatever he wants to says...justice would be deserve at the end of the story"he can run...but he can hid..."

Jan 06, 2019 02:39 PM

អ្នក​អាន​អនាមិក

Nothing But just another Traitor.
But actually he is not a traitor since he is Youn, like his mother Monique, as well as his Grandfather Sim Va, who the one that murdered all real Khmer Royal families's members.
RFA should publish these kind of Comments to let all Nationalist Khmers and Democrate and Khmer people know what is the people who they believe to be KHMER are NOT
RFA also should do research on the second SON of Sihanouk and Monique death, the Brother of this Guy "Sihanomy" since he always called Sihanouk and Monique, his own parents "TRAITORS"

Jan 05, 2019 11:59 PM

Hun Dynasry

ពី Tuol Krosank

Those who support Jan 07 are just either Traitors to Cambodia and Cambodians People, including this traitor Sok Eysann, or Youn Dogs as their Boss Hun Sen said in the past that he is YOUN Dog and Traitor to Cambodia

Jan 05, 2019 11:45 PM

មើល​មតិ​ទាំង​អស់.

គេហទំព័រ​ទាំងមូល