មជ្ឈដ្ឋាន​ទូទៅ​បន្ត​ទាមទារ​ឲ្យ​ស៊ើបអង្កេត​សារ​គំរាម​សម្លាប់​ដែល​សង្ស័យ​ថា​ជា​របស់​លោក ហេង សួរ

ដោយ មួង ណារ៉េត
2018-10-27
អ៊ីម៉ែល
មតិ
Share
បោះពុម្ព
មន្ត្រី​នាំ​ពាក្យ​នៃ​ក្រសួង​ការងារ​ និង​បណ្ដុះបណ្ដាល​វិជ្ជាជីវៈ លោក ហេង សួរ ក្នុង​កម្មវិធី​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​យប់​ថ្ងៃ​ទី​១៨ ខែ​វិច្ឆិកា ឆ្នាំ​២០១៤។
មន្ត្រី​នាំ​ពាក្យ​នៃ​ក្រសួង​ការងារ​ និង​បណ្ដុះបណ្ដាល​វិជ្ជាជីវៈ លោក ហេង សួរ ក្នុង​កម្មវិធី​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​យប់​ថ្ងៃ​ទី​១៨ ខែ​វិច្ឆិកា ឆ្នាំ​២០១៤។
Photo: RFA

មជ្ឈដ្ឋាន​ទូទៅ នៅតែ​ទាមទារ​ឲ្យ​អាជ្ញាធរ​របប​លោក ហ៊ុន សែន ស៊ើបអង្កេត​ករណី​សារ​គំរាម​សម្លាប់ ដែល​សង្ស័យ​ថា ជា​សំឡេង របស់​មន្ត្រី​នាំ​ពាក្យ​ក្រសួង​ការងារ គឺ​លោក ហេង សួរ។ ពួកគាត់​ចាត់​ទុក ការ​មិន​ព្រម​បើក​ការស៊ើបអង្កេត គឺជា​ការ​បង្ហាញ​ថា រឿង​នេះ ជា​រឿង​ពិត ហើយ​វប្បធម៌​និទ្ទណ្ឌភាព កាន់តែ​រីក​រាលដាល​ខ្លាំង​នៅ​កម្ពុជា។

ទាំង​មន្ត្រី​តំណាង​សហជីព​កម្មករ អ្នកវិភាគ​បញ្ហា​សង្គម និង​នយោបាយ និង​មន្ត្រី​បក្ស​ប្រឆាំង សុទ្ធតែ​សម្ដែង​ការ​ងឿងឆ្ងល់ និង​សង្ស័យ​អំពី​សុចរិត​ភាព​របស់​អាជ្ញាធរ​របប​លោក ហ៊ុន សែន ដែល​មិន​ព្រម​ចាត់ការ​ស៊ើបអង្កេត ករណី​បែក​ធ្លាយ​សារ​សំឡេង ដែល​សង្ស័យ​ថា ជា​សំឡេង​របស់​អ្នកនាំពាក្យ​ក្រសួង​ការងារ​លោក ហេង សួរ នោះ។

ក្នុង​ស្ថានភាព ដែល​សហភាព​អឺរ៉ុប កំពុងតែ​ដាក់​សម្ពាធ​ខ្លាំង លើ​របប​លោក ហ៊ុន សែន ឲ្យ​ស្តារ​សិទ្ធិមនុស្ស និង​ប្រជាធិបតេយ្យ​ឡើងវិញ ដើម្បី​ជា​ថ្នូរ​នឹង​ការ​មិន​ដក​ការ​អនុគ្រោះ​ពន្ធ ប្រធាន​សហភាព​សជីព​កម្ពុជា​លោក រ៉ុង ឈុន កាន់តែ​ព្រួយបារម្ភ​ខ្លាំង ថា​ភាព​ព្រងើយកន្តើយ​របស់​អាជ្ញាធរ ដែល​មិន​អើពើ​ក្នុង​ការ​ស៊ើបអង្កេត​សារ​សំឡេង ដែល​ពាក់ព័ន្ធ​នឹង​មន្ត្រី​ក្រសួង​ការងារ​បែបនេះ នឹង​រឹតតែ​ធ្វើ​ឲ្យ​ស្ថានភាព​រំលោភ​សិទ្ធិ​មនុស្ស កាន់តែ​អាក្រក់៖ «ខាង​សហគមន៍​អឺរ៉ុប គេ​ចង់​ឲ្យ​មានការ​គោរព​សិទ្ធិ​កម្មករ និង​គោរព​សិទ្ធិ​ពលករ និង​ប្រជាធិបតេយ្យ សេរីភាព​សហជីព ក៏ដូចជា​ឲ្យ​សហជីព​មាន​សិទ្ធិ ក្នុង​ការ​ការពារ ដល់​កម្មករ​កម្មការិនី។ អាហ្នឹង​វា​កាន់តែ​ធ្វើ​ឲ្យ​ប្រឈម​កាន់តែ​ខ្លាំង​ហើយ ចំពោះ​បញ្ហា​ការណ៍​ដែល​គេ​ដក​ប្រព័ន្ធ​អនុគ្រោះ​ពន្ធ»

កាល​ដើមខែ​តុលា​នេះ មាន​ខ្សែអាត់​សំឡេង​មួយ មាន​រយៈពេល​ជាង ១​នាទី បាន​បែក​ធ្លាយ និង​ត្រូវ​អ្នក​ប្រើប្រាស់​បណ្ដាញ​សង្គម​ហ្វេសប៊ុក ចែកចាយ​ព្រោងព្រាត ដែល​គេ​សង្ស័យ​ថា ជា​សំឡេង​របស់​អ្នកនាំពាក្យ​ក្រសួង​ការងារ លោក ហេង សួរ និយាយ​ពី​ការរៀបចំ​ផែនការ​ជួល​ក្រុម​ជនពាល ឲ្យ​បង្ក​អំពើ​ហិង្សា និង​បង្កើត​ជា​ព្រឹត្តិការណ៍​គ្រោះថ្នាក់​ចរាចរណ៍​ជាដើម ដើម្បី​ធ្វើ​បាប​ក្រុម​ប្រឆាំង​នៅ​ក្រៅ​ប្រទេស និង​នៅ​ក្នុង​ប្រទេស​កម្ពុជា។

ការ​ខឹង​សម្បារ​រហូត ដល់​ចេញ​សារ​ព្រមាន អំពី​ការ​បង្ក្រាប និង​ប្រមាថ​ដល់​ជីវិត​បែបនេះ គឺ​សំដៅ​ទៅលើ​ព្រឹត្តិការណ៍ តវ៉ា​ប្រឆាំង​លោក ហ៊ុន សែន នៅ​ទីក្រុង​តូក្យូ​ប្រទេស​ជប៉ុន ដែល​បាតុករ​ខ្លះ បាន​យក​ជើង​ជាន់​រូបលោក ហ៊ុន សែន៖ «ការណ៍​ដែល​វា​យក​រូប មក​ជាន់​បែបនេះ គឺជា​ការប្រមាថ។ អ៊ីចឹង យើង​មិន​អាច​លើកលែងទោស ឲ្យ​អា​ពួក​ដែល​វា​ហ៊ាន​ប្រមាថ​មេដឹកនាំ​យើង​ទេ។ ពិនិត្យមើល​! មិន​ដឹង​ថា យើង​នៅ​ហ្នឹង មាន​ស្គាល់​បណ្ដាញ​ខាង​ណា​! ត្រូវ​ចាប់​ផ្ដើម​ធ្វើ​ដូច​នៅ​កូរ៉េ អ៊ីចឹង គឺ​រក​ពួក​ជើងកាង​មួយ​ចំនួន ..​មើល​មុខ​សញ្ញា​ណា​ដែល​ចាំបាច់ យក​ជើងកាង​ទៅ​វ៉ៃ​វា​ទៅ ហើយ​ជើងកាង​ត្រឡប់​មកវិញ​យើង​ចិញ្ចឹម។ ធ្វើ​ម៉េច​ឲ្យ​អា​មួយ​ហ្នឹង​វា​ប្រកាច់ប្រកិន​នៅ​នោះ​ចុះ។ ពួក​អា​ជើងកាង​គេ​មិនដែល​ចាប់​ដាក់គុក​នៅ​ស្រុក​គេ​ទេ គេ​ចាប់​តែ​បន្តិច​គេ​ប្រលែង​មក​អោយ​ជាប់គុក​ស្រុក​យើង​ហើយ​ចាំ​ពេល​មក​ដល់​ស្រុក​យើង​ចាំ​យើង​ចិញ្ចឹម។ រឿង​នេះ​មិន​អាច​លេងសើច​បានទេ ច្រើនដង ហើយ ..​លើក​មុន​យើង​មិន​នេះ​ទេ ប៉ុន្តែ​លើក​នេះ ទៅ​គឺ​នៅ​ចំពោះ​មុខ ហើយ​គេ​ហ៊ាន​ជាន់​បែបនេះ គឺ​យើង​មិន​អាច​លើកលែង​អោយ​វា​បានទេ។ ហើយ​បង​ស្រេង ថ្ងៃមុន​ថា អោយ​មុខសញ្ញា​អ្នក​ដែល ជា​សកម្មជន​ពួកវា​មក​ហ្នឹង​ណា ..​ឥឡូវនេះ គឺ​យើង​ត្រូវ​ធ្វើ​កិច្ចការ​នេះ​បន្តិច។ អានេះ​មក​អោយ​វា គ្រោះថ្នាក់​ចរាចរណ៍​នៅ​ស្រុក​ខ្មែរ​នឹង​ទៅ»

អាស៊ីសេរី នៅតែ​មិន​អាច​សុំ​ការ​បំភ្លឺ​ពី​លោក ហេង សួរ បាន​នៅឡើយ​រហូត​មក​ដល់​ពេល​នេះ ទោះ​បាន​ព្យាយាម​ច្រើនដង ដោយសារ​លោក​មិន​លើក​ទូរស័ព្ទ។ ប៉ុន្ត កាលពី​ថ្ងៃទី១២ ខែ​តុលា ភ្លាមៗ​ក្រោយ​ការ​បែក​ធ្លាយ​សារ​សំឡេង​នេះ លោក​បាន​សរសេរ​លើ​ហ្វេសប៊ុក ដោយ​មិន​បាន​ប្រកែក​ថា សំឡេង​នោះ មិនមែន​ជា​សំឡេង​គាត់​នោះ​ឡើយ។ ទោះជា​យ៉ាង​នេះ​ក្តី លោក​ថា ក្រុម​ប្រឆាំង​ប្រឌិត​ក្លែងក្លាយ ដើម្បី​ផ្សព្វផ្សាយ​បរិហារ​ដល់​រូបលោក។

កន្លងមក​របប​លោក ហ៊ុន សែន រង​ការសង្ស័យ ថា​ជា​អ្នក​នៅ​ពីក្រោយ នៃ​ការជួល​ជើងកាង ឬ ជន​អន្ធពាល ដូចជា​ក្មេង​ហិតកាវ ឬ អ្នក​ញៀន​គ្រឿងញៀន ឬ ជួល​ពួក​បាតដៃ​ទី​បី ដើម្បី​ធ្វើបាប​ក្រុម​អ្នក​តវ៉ា​ប្រឆាំង​នឹង​របប​នេះ។

អង្គរក្ស​លោក ហ៊ុន សែន រួមមាន លោក សុត វណ្ណនី ចាយ សារិទ្ធ និង ម៉ៅ ហឿន ដែល​បាន​វាយដំ​តំណាងរាស្ត្រ​គណបក្ស​សង្គ្រោះ​ជាតិ ពីរ​រូប​គឺ​លោក គង់ សភា និង លោក ញ៉យ ចំរើន យ៉ាង​ដំណំ នៅ​ក្បែរ​រដ្ឋសភា កាលពី​ខែ​តុលា ឆ្នាំ​២០១៥ ត្រូវ​បាន​ដំឡើង​ឋានៈ ក្រោយ​តុលាការ​ព្យួរទោស និង ដោះលែង​ឲ្យ​មាន​សេរីភាព​ឡើងវិញ កាលពី​ដើម​ខែ​វិច្ឆិកា ឆ្នាំ​២០១៦។ ជន​ដៃដល់​ជាច្រើន​ទៀត ដែល​ព្រួត​គ្នា​វាយ​តំណាងរាស្ត្រ​ទាំងពីរ រួចខ្លួន​រហូតដល់​សព្វ​ថ្ងៃ។

អ្នកវិភាគ​នយោបាយ និង​សង្គម​លោក គឹម សុខ ប្រដូច​របប​សព្វថ្ងៃ ទៅ​នឹង​របប​ខ្មែរក្រហម ដែល​ជ្រក​ក្រោម​ស្លាក​ប្រជាធិបតេយ្យ​ក្លែងក្លាយ ដោយសារតែ​វប្បធម៌​និទ្ទណ្ឌភាព និង​ការ​បែក​ធ្លាយ​នៃ​គម្រោង​ធ្វើ​បាប​អ្នកប្រឆាំង៖ «នោះ​មានន័យថា គេ​ពាក់អាវ​ប្រជាធិបតេយ្យ ពាក់​មួយ​ប្រជាធិបតេយ្យ ដើម្បី​បំភាន់​ប្រជារាស្ត្រ និង​ពិភពលោក ក៏ប៉ុន្តែ នៅ​ពីក្រោយ​ហ្នឹង គេ​ប្រើ​ចុង​កាណុង គេ​ប្រើ​ល្បិចកល​សម្ងាត់ ដូចដែល​យើង​ឮ​អំពី​ការ​ចេញ​ខ្សែអាត់​សំឡេង​ហ្នឹង ដើម្បី​បង្ក្រាប​ប្រជារាស្ត្រ ក្នុង​ហេតុផល​នៅ​បន្ត​អំណាច។ ចំណុច​សំខាន់​របស់​គេ គឺ​ប្រយោជន៍​ផ្ទាល់ខ្លួន និង​អំណាច​របស់​គេ​តែ​ប៉ុណ្ណឹង»

លោក គឹម សុខ នៅតែ​អះអាង​ថា ក្រោម​ការដឹកនាំ​របស់​លោក ហ៊ុន សែន មាន​ប្រព័ន្ធ​មួយ ក្រោម​ការគ្រប់គ្រង​របស់​របប​បច្ចុប្បន្ន​នេះ ដែល​បណ្ដោយ​ឲ្យ​មានការ​សម្លាប់​មនុស្ស ហើយ​រក​ឃាតក​មិនដែល​ឃើញ។ ក្នុង​ន័យ​នេះ លោក​បញ្ជាក់​ថា របប​នេះ​មិន​អើពើ ខ្វះ​ការ​យកចិត្តទុកដាក់ ឬ​គ្មាន​សមត្ថភាព​ក្នុង​រក​ឃាតក​ឲ្យ​ឃើញ៖ «រដ្ឋាភិបាល​បច្ចុប្បន្ន ដែល​កំពុង​គ្រប់គ្រង​ប្រទេស នៅ​ពេល​មាន​ប្រព័ន្ធ​ហ្នឹង​មួយ​ហើយ សម្លាប់​តាំង​ពី​ដើម​មក មនុស្ស​ច្រើន​ណាស់ តាំងពី​បោក​គ្រាប់បែក​ករណី​លោក សម រង្ស៊ី ៣០ មីនា លោក ធន់ ប៊ុនលី អ្នកស្រី ពិសិដ្ឋ ពិលីកា កញ្ញា ទូច ស៊ុននិច មក​លោក ជា វិជ្ជា លោក​បណ្ឌិត កែម ឡី លោក ឈុត វុទ្ធី ព្រះអង្គ សំ ប៊ុនធឿន ច្រើន​មែន​! ប៉ុន្តែ តើ​រក​ឃាតក​ឃើញ​ទេ​? ខ្ញុំ​អា​ហ្នឹង​វា​មាន​ប្រព័ន្ធ​មួយ​សម្លាប់​មនុស្ស»

ទោះបីជា​ប្រភព​នៃ​អ្នក​បញ្ចេញ​ខ្សែអាត់​សំឡេង មិនទាន់​ត្រូវ​បាន​បង្ហាញ​យ៉ាង​ណា​ក្តី លោក គឹម សុខ កោត​សរសើរ​ពី​ភាព​ក្លាហាន នៃ​អ្នក​ដែល​ហ៊ាន​បញ្ចេញ​ខ្សែអាត់​នោះ។ លោក គឹម សុខ ថា​ព្រលឹង​ជាតិ​ខ្មែរ មិន​សាបសូន្យ​ទេ ដរាបណា នៅ​មាន​មនុស្ស​ដែល​មាន​មនសិការ ស្នេហា​ជាតិ ចង់​បកអាក្រាត​អំពើ​អាក្រក់ របស់​របប​ដឹកនាំ​បច្ចុប្បន្ន៖ «អ្នក​បញ្ចេញ​ខ្សែអាត់​សំឡេង គាត់​ដឹង។ គាត់​ដឹង​ថា គាត់​អាច​ប្រឈម​នឹង​គ្រោះថ្នាក់​ប៉ុនណា។ ប៉ុន្តែ គាត់​នៅតែ​ហ៊ាន​បញ្ចេញ ដើម្បី​ឲ្យ​ប្រជារាស្ត្រ និង មនុស្ស​ខ្មែរ និង​ពិភពលោក​ដឹង ថា​របប​បច្ចុប្បន្ន​អាក្រក់​ប៉ុនណា។ នោះ​មានន័យថា គាត់​នៅ​គិត​ជាតិ​ខ្លាំង​ណាស់។ បាន​ន័យ​ថា ខ្មែរ​នៅ​គ្រប់​ទីកន្លែង ទោះបីជា​ខំ​ដើម្បី​ជាតិ កម្រិត​ណា ក៏​នៅតែ​គិត​ជាតិ»

ក្រោយ​បែក​ធ្លាយ​សារ​សំឡេង​គំរាម​នេះ តំណាង​យុវជន និង​ពលករ​ខ្មែរ​ទាំង​នៅ​ប្រទេស ជប៉ុន កូរ៉េ និង ថៃ សុទ្ធតែ​ប្រតិកម្ម​ខ្លាំង​ៗ ដោយ​ថ្កោលទោស និង​ទាមទារ​ឲ្យ​របប​លោក ហ៊ុន សែន បើក​ការ​ស៊ើបអង្កេត​ជាបន្ទាន់ និង​ដោយ​ឯករាជ្យ​មួយ។ តំណាង​ពលករ និង​សកម្មជន​បក្ស​ប្រឆាំង​នៅ​ប្រទេស​ជប៉ុន លោក ហៃ វណ្ណា បាន​ដាក់​ពាក្យ​ប្ដឹង​ខ្សែអាត់​សំឡេង​ដែល​គេ​សង្ស័យ​ថា ជា​សំឡេង​លោក ហេង សួរ នេះ​ដែរ ទៅ​ប៉ូលិស​ជប៉ុន។ លោក ហៃ វណ្ណា ជឿជាក់​ថា បច្ចេកវិទ្យា​ទំនើប អាច​ផ្គូរ​ផ្គង​សំឡេង​នេះ ទៅ​នឹង​សំឡេង​របស់​លោក ហេង សួរ ដែល​ធ្លាប់​និយាយ​ទៅកាន់​ប្រព័ន្ធ​ផ្សព្វផ្សាយ នា​ពេល​កន្លងមក៖ «ធ្វើ​កោសល្យវិច័យ​ទៅលើ​សំឡេង​ហ្នឹង​! ប្រសិនបើ​សំឡេង​ហ្នឹង​ជា​សំឡេង​ពិត នោះ​ជនសង្ស័យ ហេង សួរ នឹង​ត្រូវ​ប៉ូលិស​ជប៉ុន​ចាប់​សួរ។ ដូច្នេះ លោក ហេង សួរ ប្រសិនបើ​គាត់ មាន​វត្ត​មាននៅ​លើទឹក​ដី​ជប៉ុន មិន​ថា​គាត់​ជា​មន្ត្រីរាជការ​កម្រិត​ណា​ទេ ក្នុង​ករណី​គាត់​ចង់​សម្លាប់​មនុស្ស​បែបនេះ គាត់​មិន​អាច​រត់​រួច​ពី​សំណាញ់​ច្បាប់​របស់​ប្រទេស​ជប៉ុន​បានទេ»

កន្លងមក​របប​លោក ហ៊ុន សែន រង​ការរិះគន់​យ៉ាង​ខ្លាំង ថា​អនុវត្ត​ស្តង់ដារ​ពីរ ពោល​គឺ​បើ​មាន​ករណី​គំរាម​សម្លាប់​មន្ត្រី ឬ​សកម្មជន​បក្ស​កាន់អំណាច នោះ​អាជ្ញាធរ​ចាត់ការ​យ៉ាង​ប្រញាប់ប្រញាល់។ ផ្ទុយទៅវិញ បើ​រឿង​នេះ​កើតឡើង​ចំពោះ​មន្ត្រី ឬ​សកម្មជន​បក្ស​ប្រឆាំង គឺ​គ្មាន​ចំណាត់​ការ​អ្វី​ទាំងអស់។

ក្នុង​ករណី​នេះ អនុប្រធាន​គណបក្ស​សង្គ្រោះជាតិ​លោក អេង ឆៃអ៊ាង មិន​ភ្ញាក់​ផ្អើល​ទេ។ លោក​ថា ខ្សែអាត់​សំឡេង ច្បាស់​ជា​សំឡេង​ពិត​របស់​លោក ហេង សួរ មែនហើយ ទើប​អាជ្ញាធរ មិន​ហ៊ាន​បើក​ការស៊ើបអង្កេត ព្រោះ​ខ្លាច​បែក​ការណ៍​សម្ងាត់ អំពី​គម្រោង​ធ្វើបាប ឬ សម្លាប់​មនុស្ស​បក្ស​ប្រឆាំង​នេះ៖ «ប្រសិនបើ​ករណី​ហ្នឹង ជា​ករណី​ក្លែងក្លាយ ករណី​ក្លែងបន្លំ ច្បាស់​ជា​អាជ្ញាធរ​នៃ​របប​លោក ហ៊ុន សែន ច្បាស់​ជា​ស៊ើបអង្កេត។ ប៉ុន្តែ​អាហ្នឹង​ជា​ការ​ពិត បាន​ជា​អាជ្ញាធរ​នៃ​ពួក​លោក ហ៊ុន សែន អត់​ធ្វើការ​ស៊ើបអង្កេត។ រឿង​ហ្នឹង​ជា​រឿង​បទឧក្រិដ្ឋ។ ការ​គំរាម ការប្រមាថ​ជីវិត​មនុស្ស ទោះបី​រឿង​ហ្នឹង​មិនទាន់​ប្រព្រឹត្ត​ក៏ដោយ ក៏​ការ​និយាយ​ហ្នឹង​គឺជា​គម្រោង​រៀបចំ​ជាក់លាក់»

លោក អេង ឆៃអ៊ាង បន្ថែម​ថា លោក​គ្មាន​ទំនុក​ចិត្ត លើ​អាជ្ញាធរ​របប​លោក ហ៊ុន សែន ក្នុង​ការ​ចាត់ការ​រឿង​ធំ​នេះ​ទេ។ ដូច្នេះ​លោក​គាំទ្រ និង​លើកទឹកចិត្ត​ឲ្យ​ពលរដ្ឋ​ខ្មែរ ដែល​តំណាង​ពលករ​ខ្មែរ​ក្រៅ​ប្រទេស ដាក់ពាក្យ​ប្តឹង​ទៅ​អាជ្ញាធរ​នៅ​ក្នុង​ប្រទេស ដែល​ខ្លួន​កំពុង​ស្នាក់នៅ​នោះ ដើម្បី​រក​យុត្តិធម៌ និង​ដាក់​សម្ពាធ​ឲ្យ​របប​លោក ហ៊ុន សែន បើក​ការស៊ើបអង្កេត​ពិតប្រាកដ​មួយ ឲ្យ​ដឹង​ស​ខ្មៅ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

tmil Hun Sen's mob-mafia flourishing from China/Viet commie SAMKOK ideologies...

If,anyone who didn't know junior comrade "Heng sour"Hun Sen's left-wing man unlike they didn't know who is"Hun Sen",Hun=Heng=Sen=Sour=ringleader=serial killer"=mob mafia Bosses".This evidence is showed 100% enough to the court"ICC"to testimony and every crimes or murderers committed are from these Mafia Boss's clandestine.In 4 decades ruled,Cambodia-Cambodians is the home base for dictator Hun Sen's running Mafia govm't,and it seems sent junior comrade Heng Sour to explored all crimes they committed.Comrade Heng Sour's office is to run Mob mafia network across the country,include land grabs activity.The Mafia govm't has morphed from a red guard of our natural liberties into hierarchical system of cronies that dispenses limit of FREEDOMS and DEMOCRACY only exchange for following its tight-fist rules.Mafia racketeering and extortion-junior comrade Heng Sour is at the heart of every mafia enterprise"Hun's Sen's mafia clandestine"is a racketeering operation with his big Boss"HS",in which businesses and private citizens lives are forced to pay the Mafia bloodshed"no one VS their rule",potential harm includes both that the Mob inflicts and that from outside sources such as serial killers,gangs,hired hit-man,or swindlers.See many pple wind up mysteriously dead unsolved mysteries by without anyone held for accountable"the ultimate way to earn power over other".People is to threaten not just their livelihood,but also their lives,and the lives of those they loved.Everyone knows that the Mafia presence means frequent,mysterious deaths by Big Boss Hun Sen and cronies unsolved mystery.Hun Sen,Heng Sour and other cronies mafia mobsters is bringing down Cambodia's economy to its knees"facing economic sanctions,IPU,EBA and other.Hun Sen's mafia govm't struggling economic sanctions and permanent state of underdevelopment across the country is allowing violent mafia groups to flourish,as locals struggle with spiraling debt and youth unemployment"face catastrophic ahead".

Oct 28, 2018 02:01 PM

គេហទំព័រ​ទាំងមូល