លោក ហ៊ុន សែន ផ្ដល់តំណែងខ្ពស់ដល់យុវជនសង្គមម្នាក់ទៀតដែលសុំចូលបក្សកាន់អំណាច
2023.05.04
អគ្គលេខាធិការសហព័ន្ធនិស្សិតបញ្ញវន្តកម្ពុជាលោក គៀន ពន្លក។
រូប៖ ពីហ្វេសប៊ុក
លោក ហ៊ុន សែន បានផ្ដល់តួនាទីខ្ពស់ដល់យុវជនម្នាក់ទៀតដែលធ្លាប់រិះគន់ការដឹកនាំរបស់លោក ឱ្យបម្រើការនៅក្នុងរាជរដ្ឋាភិបាល បន្ទាប់ពីយុវជនរូបនោះសុំចុះចូលគណបក្សកាន់អំណាច។
អគ្គលេខាធិការសហព័ន្ធនិស្សិតបញ្ញវន្តកម្ពុជាលោក គៀន ពន្លក ត្រូវបានតែងតាំងជាទីប្រឹក្សាអមក្រសួងរៀបចំដែនដី នគរូបនីយកម្ម និងសំណង់ មានឋានៈស្មើអគ្គនាយករង តាមអនុក្រឹត្យរបស់លោក ហ៊ុន សែន ចុះថ្ងៃទី២ឧសភា បន្ទាប់ពីលោក គៀន ពន្លក ជាយុវជនសង្គមស៊ីវិលធ្លាប់រិះគន់ការដឹកនាំរបស់លោក ហ៊ុន សែន បានធ្វើវីដេអូដើម្បីអរគុណនិងកោតសរសើរការដឹកនាំរបស់លោក ហ៊ុន សែន។
នៅថ្ងៃទី៣ ឧសភា លោក ហ៊ុន សែន ក៏បានប្រកាសទទួលយកការសុំចុះចូលអ្នកនយោបាយប្រឆាំងម្នាក់ទៀត គឺលោក អៀ ចាន់ណា អនុប្រធានក្រុមការងារគណបក្សភ្លើងទៀន ប្រចាំខេត្តតាកែវ និងជាអតីតជំនួយការលោក កឹម សុខា បន្ទាប់ពីអ្នកនយោបាយរូបនេះ បានដោះលែងឱ្យនៅក្រៅឃុំបន្ទាប់ពីសរសេរលិខិតសុំទោសលោក ហ៊ុន សែន កាលពីថ្ងៃទី១ ឧសភា។
ប្រព័ន្ធតេឡេក្រាមរបស់លោក ហ៊ុន សែន បានបង្ហោះវីដេអូ និងលិខិតសុំចុះចូលរបស់លោក អៀ ចាន់ណា និងបានប្រកាសទទួលស្គាល់លោក អៀ ចាន់ណា ជាសមាជិកគណបក្សប្រជាជនកម្ពុជា។ ខណៈការបោះឆ្នោតជាតិក្នុងខែកក្កដា កាន់តែកៀកមកដល់ លោក ហ៊ុន សែន បានប្រកាសបើកយុទ្ធនាការទទួលយកការសុំចុះចូល ជាថ្នូរផ្ដល់តំណែង និងតួនាទីខ្ពស់ក្នុងជួររដ្ឋាភិបាល។
មន្ត្រីគណបក្សប្រឆាំងធ្លាប់បានលើកឡើងថា ពួកគេមិនភ្ញាក់ផ្អើលនឹងការបើកយុទ្ធនាការទទួលយកការចុះចូលរបស់លោក ហ៊ុន សែន ដែលតែងយកមកប្រើនៅមុខរដូវកាលបោះឆ្នោតឡើយ ព្រោះពួកគេថា នឹងមិនអាចក្លាយជានុយអូសទាញអ្នកនយោបាយសំខាន់ៗ ជាថ្នាក់ដឹកនាំគណបក្សភ្លើងទៀន ដែលជាអ្នកស្រលាញ់យុត្តិធម៌ និងលទ្ធិប្រជាធិបតេយ្យពិតប្រាកដនោះទេ។ រីឯអ្នកតាមដានស្ថានការនយោបាយយល់ឃើញថា អ្នកចុះចូលជាមួយគណបក្សកាន់អំណាចភាគច្រើន ទទួលបានតំណែងខ្យល់ ហើយតំណែងនេះ នឹងអាចរបូតទៅវិញ នៅក្រោយការបោះឆ្នោត ហើយពួកគេនឹងបាត់ឈ្មោះពីឆាកនយោបាយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សភាអឺរ៉ុប ជំរុញឱ្យសើរើប្រព័ន្ធអនុគ្រោះពន្ធ EBA នៅសល់៨០% និងដាក់ទណ្ឌកម្មជាក់លាក់លើរដ្ឋាភិបាលកម្ពុជា
- UNHCR អំពាវនាវដល់កម្ពុជា និងថៃ ឱ្យគោរពតាមច្បាប់ស្ដីពីការមិនចាប់បញ្ជូនជនភៀសខ្លួនត្រឡប់ទៅឱ្យរងទុក្ខបុកម្នេញនៅប្រទេសកំណើត
- លោក ហ៊ុន សែន ស្នើមេដឹកនាំចិនឱ្យផ្ដល់ជំនួយ និងប្រាក់កម្ចីបន្ថែម ក្នុងគ្រាដែលកម្ពុជាអាចប្រឈមនឹងទណ្ឌកម្មសេដ្ឋកិច្ចពីសំណាក់សហភាពអឺរ៉ុប
- ពលរដ្ឋខ្មែរនៅកូរ៉េគ្រោងធ្វើបាតុកម្មជំរុញឱ្យរដ្ឋាភិបាលប្ដឹងទាមទារកោះគជ់ទៅតុលាការអន្តរជាតិ
- លោក ហ៊ុន សែន ប្ដេជ្ញាបន្តប្រកាន់ជំហរគោលនយោបាយចិនតែមួយ និងថា ប្រទេសចិនបានជួយនយោបាយកម្ពុជាឱ្យមានឯករាជ្យ
អត្ថបទពេញនិយម
នយោបាយ
- អ្នកឃ្លាំមើលចាត់ទុកដំណើរទស្សនកិច្ចលោក ហ៊ុន សែន ទៅចិន គឺជាការពង្រឹងអំណាច និងស្វែងរកកម្ចីពីចិនបន្ថែម
- បទសម្ភាសន៍លោក សុខ ឥសាន ស្ដីពីគម្រោងរដ្ឋាភិបាលបង្កើតច្បាប់ប្រឆាំងភេរវកម្ម ដើម្បីទប់ទល់លោក សម រង្ស៊ី
- កម្ពុជា និងចិនប្ដេជ្ញាបន្តរឹតចំណងមិត្តភាពដើម្បីកសាងជោគវាសនាប្រទេសជាតិរួមគ្នា
- ពលរដ្ឋ និងឥស្សរជននយោបាយថៃទាមទារឱ្យរដ្ឋាភិបាលរបស់ខ្លួនលុបចោល «MOU44» លើតំបន់ត្រួតស៊ីគ្នាជាមួយកម្ពុជា
- ពលរដ្ឋខ្មែរក្រោមស្នើដល់ព្រះមហាក្សត្រឲ្យលើកយកបញ្ហាខ្មែរក្រោមទៅជជែកជាមួយរដ្ឋាភិបាលវៀតណាម