លោកនាយករដ្ឋមន្រ្តី ហ៊ុន សែន បានទៅដល់ឥណ្ឌូនេស៊ី ដើម្បីចូលរួមកិច្ចប្រជុំកំពូលអាស៊ាន
លោកនាយករដ្ឋមន្ត្រី និងប្រតិភូកម្ពុជាបានទៅដល់ទីក្រុងហ្សាការតា (Jakarta) ប្រទេសឥណ្ឌូនេស៊ី កាលពីថ្ងៃទី២៣ ខែមេសា ដើម្បីចូលរួមកិច្ចប្រជុំកំពូលអាស៊ាន។
រូប៖ ហ្វេសប៊ុក SPM
លោកនាយករដ្ឋមន្រ្តី ហ៊ុន សែន និងប្រតិភូបានទៅដល់ទីក្រុងហ្សាការតា (Jakarta) ប្រទេសឥណ្ឌូនេស៊ីហើយកាលពីថ្ងៃទី២៣ ខែមេសា ដើម្បីចូលរួមកិច្ចប្រជុំកំពូលអាស៊ាន។
កិច្ចប្រជុំពិសេសថ្នាក់មេដឹកនាំអាស៊ាននេះ នឹងធ្វើឡើងនៅថ្ងៃសៅរ៍ ទី២៤ ខែមេសា ដោយ ផ្ដោតសំខាន់ទៅលើការស្វែងរកដំណោះស្រាយនយោបាយនៅប្រទេសមីយ៉ានម៉ា ឬភូមា។ មេដឹកនាំយោធាភូមាក៏ត្រូវបានគេអញ្ជើញទៅចូលរួមដែរ។
ប្រធានាធិបតីឥណ្ឌូនេស៊ី និងជាព្រះចៅស៊ុលតុងនៃប្រទេសព្រុយណេដែលជាប្រធាន បានអ្នកផ្ដួចផ្ដើមកោះប្រជុំកិច្ចប្រជុំពិសេសនេះ ដោយសារតែការសម្លាប់ប្រជាពលរដ្ឋភូមាឥតឈប់ឈរ។ ថ្នាក់ដឹកនាំអាស៊ានទាំង១០បានទៅចូលរួមប្រជុំទាំងអស់ លើកលែងតែមេដឹកនាំប្រទេសពីរប៉ុណ្ណោះមិនបានទៅចូលរួម គឺនាយករដ្ឋមន្រ្តីថៃ (Thailand) និងមេដឹកនាំហ្វីលីពីន (Philippines) ដោយសារតែរវល់ដោះស្រាយបញ្ហាជំងឺកូវីដ១៩កំពុងតែឆ្លងរាលនៅក្នុងប្រទេសរបស់ខ្លួន។ មេដឹកនាំទាំងពីរបានបញ្ជូនត្រឹមតែរដ្ឋមន្ត្រីក្រសួងបរទេសទៅចូលរួម។
កិច្ចប្រជុំនេះ ក្រៅពីពិភាក្សាអំពីរឿងជម្លោះនយោបាយភូមាក៏ជជែកអំពីបញ្ហាផ្សេងទៀតដែរ ពិសេសបញ្ហាជំងឺកូវីដ១៩ កំពុងតែឆ្លងជាសកល។
ក្រុមមេដឹកនាំអាស៊ាននឹងពិភាក្សាផ្តោតការយកចិត្តទុកដាក់ទៅលើប្រធានបទធំៗចំនួន៣ រួមមាន៖ ការជំរុញដំណើរការកសាងសហគមន៍អាស៊ាន រួមទាំងគំនិតផ្តួចផ្តើមនានាដើម្បីឆ្លើយតបជំងឺរាតត្បាតកូវីដ-១៩ និងកិច្ចប្រឹងប្រែងស្តារសេដ្ឋកិច្ច-សង្គមឡើងវិញ, ទំនាក់ទំនងអាស៊ានជាមួយដៃគូក្រៅតំបន់ និងការវិវត្តនៃស្ថានការណ៍អន្តរជាតិ និងក្នុងតំបន់ដែលជាផលប្រយោជន៍ និងការបារម្ភរួម។ លោក ហ៊ុន សែន នឹងវិលកម្ពុជាវិញភ្លាម ក្រោយកិច្ចប្រជុំនេះបញ្ចប់ នៅយប់ថ្ងៃទី២៤ ខែមេសាដដែល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- ប្រមុខការពារជាតិលោក ទៀ បាញ់ សារភាពថា កម្ពុជាពិតជាបានអនុញ្ញាតឲ្យចិនអភិវឌ្ឍន៍កំពង់ផែកងទ័ពជើងទឹករាម ក្រោយវាយកម្ទេចចោលអគារជំនួយអាមេរិក
- ក្រុមហ៊ុនប្រេង គ្រីសអែណឺជី (KrisEnergy) ប្រកាសក្ស័យធន
- ក្រុមយោធាបាញ់រះបណ្តាលឲ្យពលរដ្ឋម្នាក់រងរបួសធ្ងន់ ក្នុងទំនាស់ដីធ្លីនៅខេត្តកណ្តាល
- អនុរដ្ឋមន្ត្រីការបរទេសអាមេរិកជួបលោក ហ៊ុន សែន រឿងទំនាក់ទំនងទ្វេភាគី និងបង្ហាញកង្វល់ខ្លាំងអំពីវត្តមាន និងការកសាងបរិក្ខារយោធាចិននៅមូលដ្ឋានទ័ពជើងទឹករាម
- អ្នកវិនិយោគរាប់រយនាក់បន្តទាមទារដំណោះស្រាយករណីចោទក្រុមហ៊ុនរបស់គ្រួសារមន្ត្រីកំពូលៗបោកលុយជិត៣០លានដុល្លារ
