មេដឹកនាំ​របប​ក្រុង​ភ្នំពេញ​បន្ត​អះអាង​ថា វៀតណាម​ចូល​ទឹក​ដី​ថ្ងៃ ៧ មករា គឺ​មក​ជួយ​រំដោះ​កម្ពុជា

ដោយ សុ ជីវី
2019-01-07
អ៊ីម៉ែល
មតិ
Share
បោះពុម្ព
លោក ហ៊ុន សែន ថ្លែង​សន្ទរកថា​ក្នុង​ពិធី​រំឭក​ខួប​លើក​ទី៤០ នៃ​ថ្ងៃ​ជ័យជម្នះ​លើ​របប​ខ្មែរក្រហម នៅ​ថ្ងៃ​ទី៧ ខែ​មករា ឆ្នាំ១៩៧៩។
លោក ហ៊ុន សែន ថ្លែង​សន្ទរកថា​ក្នុង​ពិធី​រំឭក​ខួប​លើក​ទី៤០ នៃ​ថ្ងៃ​ជ័យជម្នះ​លើ​របប​ខ្មែរក្រហម នៅ​ថ្ងៃ​ទី៧ ខែ​មករា ឆ្នាំ១៩៧៩។
រូបថត៖ ហ្វេសប៊ុក Samdech Hun Sen, Cambodian Prime Minister ថ្ងៃ​ទី៧ ខែ​មករា ឆ្នាំ២០១៩

មេដឹកនាំ​របប​ក្រុង​ភ្នំពេញ​បច្ចុប្បន្ន និង​ជា​អតីត​កម្មាភិបាល​ខ្មែរក្រហម ដែល​មាន​សម្ពន្ធភាព​រឹងមាំ ចាក់​ទឹក​មិន​លិច​ជាមួយ​នឹង​វៀតណាម​នោះ នៅ​តែ​អះអាង​ថា កងទ័ព​វៀតណាម​ចូល​មក​ទឹក​ដី​កម្ពុជា​កាល​ពី​ថ្ងៃ​ទី៧ ខែ​មករា ឆ្នាំ១៩៧៩ ពោល​គឺ​កាល​ពី ៤០ឆ្នាំ​មុន​នោះ គឺ​ដើម្បី​ផ្ដួល​រំលំ​របប​ខ្មែរក្រហម។ ប៉ុន្តែ អ្នក​វិភាគ​យល់​ថា អ្វី​ដែល​លោក ហ៊ុន សែន លើក​ឡើង​ពី​ការ​ដឹង​គុណ​វៀតណាម​ដដែលៗ នេះ ដើម្បី​ការពារ​ពី​​ការ​រិះគន់​ការ​ឈ្លានពាន​របស់​​វៀតណាម​ប៉ុណ្ណោះ ហើយ​របប​នេះ​មិន​អាច​កែប្រែ​ប្រវត្តិសាស្ត្រ​ដែល​បាន​ចារ​ថា ថ្ងៃ ៧ មករា ជា​ថ្ងៃ​កងទ័ព​វៀតណាម​ចូល​ឈ្លានពាន​កម្ពុជា​បាន​ឡើយ។

មេដឹកនាំ​របប​ក្រុង​ភ្នំពេញ លោក ហ៊ុន សែន ប្រកាស​ប្រាប់​ទៅ​អ្នក​ចូលរួម​ក្នុង​ការ​អបអរ​ថ្ងៃ ៧ មករា ថា ថ្ងៃ ៧ មករា ជា​ថ្ងៃ​កំណើត​ទី២ របស់​កម្ពុជា។

ការ​បញ្ជាក់​ប្រាប់​ដដែល​នេះ ធ្វើ​ឡើង​រយៈ​ពេល ៤០ឆ្នាំ​មក​ហើយ ដោយ​លោក​អះអាង​ថា ជ័យជម្នះ​នេះ ធ្វើ​ឲ្យ​ពលរដ្ឋ​ខ្មែរ​រស់​ឡើង​វិញ និង​ធ្វើ​ឲ្យ​ពួក​គេ​មាន​សេរីភាព​គ្រប់​យ៉ាង៖ «រណសិរ្ស​សាមគ្គី​សង្គ្រោះ​ជាតិ​កម្ពុជា និង​កង​កម្លាំង​បដិវត្តន៍​កម្ពុជា ដែល​មាន​ការ​គាំទ្រ​ពី​សំណាក់​ប្រជាជន​ទូទាំង​ប្រទេស ព្រមទាំង​ទទួល​បាន​នូវ​ការ​ជួយ​ឧបត្ថម្ភ​ដ៏​ស្មោះ​ស​ពី​សំណាក់​កងទ័ព​ស្ម័គ្រ​ចិត្ត​វៀតណាម និង​ពី​កម្លាំង​ស្នេហា​ជាតិ និង​យុត្តិធម៌​នានា នៅ​លើ​ពិភព​លោក បាន​វាយ​ផ្ដួល​រំលំ​របប​ប្រល័យ​ពូជសាសន៍ ប៉ុល ពត សម្រេច​បាន​ជ័យជម្នះ​ជា​ប្រវត្តិសាស្ត្រ នា​ថ្ងៃ​ទី៧ ខែ​មករា ឆ្នាំ១៩៧៩»

ការ​អះអាង​ពី​ការ​ប្ដេជ្ញា​ចិត្ត​ការពារ​ថ្ងៃ៧ មករា ពី​សំណាក់​លោក ហ៊ុន សែន នៅ​ពេល​នេះ បន្ទាប់​ពី​ពលរដ្ឋ​ខ្មែរ​នៅ​ក្រៅ​ប្រទេស​នាំ​គ្នា​ធ្វើ​បាតុកម្ម​ផ្ទួនៗ ប្រឆាំង​ថ្ងៃ៧ មករា។ ពលរដ្ឋ​ខ្មែរ​នៅ​ប្រទេស​​សេរី ចាត់ទុកថ្ងៃ៧មករា ជា​ថ្ងៃ​ដែល​កងទ័ព​វៀតណាម​ចូល​ឈ្លានពាន សម្លាប់​ពលរដ្ឋ​ខ្មែរ និង​ត្រួតត្រា​ប្រទេស​កម្ពុជា។ ប៉ុន្តែ របប​ក្រុង​ភ្នំពេញ​មិន​បាន​បង្ហាញ​ការ​ខ្វាយខ្វល់​នឹង​ការ​លើក​ឡើង​នេះ​ទេ។ ផ្ទុយ​ទៅ​វិញ​របប​នេះ​បាន​រៀបចំ​អបអរ​ខួប ៧ មករា​លើក​ទី៤០ របស់​ខ្លួន​យ៉ាង​ធំ នៅ​ពហុកីឡាដ្ឋាន​ជាតិ​អូឡាំពិក ដែល​មាន​មនុស្ស​រាប់​ម៉ឺន​នាក់​ចូលរួម។

អ្នកចូលរួម​មីទ្ទិញ ៧ មករា​នេះ ត្រូវ​បាន​គេ​រៀបចំ​ឲ្យ​មាន ២៦ផែន តំណាង​ឲ្យ ២៥រាជធានី ខេត្ត និង​ផែន​ទី២៦ ជា​ផែន​របស់​សហភាព​សហព័ន្ធ​យុវជន​កម្ពុជា ដែល​ដឹក​នាំ​ដោយ​កូន​ប្រុស​លោក ហ៊ុន សែន គឺ​លោក ហ៊ុន ម៉ានី និង​មាន​ពិព័រណ៍​ក្បួន​រថយន្ត​បុស្បុក បង្ហាញ​ពី​សក្ដានុពល និង​ការ​អភិវឌ្ឍ​ក្នុង​តំបន់​ភូមិសាស្ត្រ​នីមួយៗ។

កាសែត​ក្នុង​ស្រុក ដែល​ជា​ក្បាល​ម៉ាស៊ីន​ផ្សព្វផ្សាយ​របស់​លោក ហ៊ុន សែន បាន​ចុះ​ផ្សាយ​កាល​ពី​ថ្ងៃ ទី៦ មករា ដោយ​ដក​ស្រង់​សំដី​អ្នក​រៀបចំ​ពិធី​នេះ​ថា ពិធី​នេះ​ចំណាយ​លុយ​ជាង ១លាន​ដុល្លារ សម្រាប់​ការ​ហាត់​សម និង​ការ​ប្រារព្ធ​ពិធី។ ប៉ុន្តែ មិន​បាន​បញ្ជាក់​ថា ថវិកា​ដែល​ចំណាយ នោះ​ជា​លុយ​ជាតិ ឬ​ក៏​ជា​លុយ​របស់​គណបក្ស​នោះ​ទេ។

អាស៊ី​សេរី​បាន​សុំ​ការ​បំភ្លឺ​អំពី​ការ​ចំណាយ​នេះ​ពី​អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន តាម​ប្រព័ន្ធ​តេឡេក្រាម ប៉ុន្តែ​លោក​មិន​ឆ្លើយ​តប​ទេ។ ចំណែក​អ្នក​នាំ​ពាក្យ​ទីស្ដីការ​គណៈរដ្ឋមន្ត្រី នៃ​របប​ក្រុង​ភ្នំពេញ លោក ផៃ ស៊ីផាន ថា លោក​មិន​បាន​ដឹង​ពី​ការ​ចំណាយ​នេះ​ទេ។

អ្នកវិភាគ​នយោបាយ​លោក គឹម សុខ ដែល​កំពុង​និរទេស​ខ្លួន​នៅ​ក្រៅ​ប្រទេស ដើម្បី​គេច​ចេញ​ពី​ការ​ធ្វើ​ទុក្ខ​បុក​ម្នេញ​ពី​របប​ក្រុង​ភ្នំពេញ ឲ្យ​អាស៊ី​សេរី​ដឹង​ថា ការ​ប្រឹង​រៀបចំ​ប្រារព្ធ​អបអរ​ថ្ងៃ ៧ មករា ដោយ​កេណ្ឌ​ពលរដ្ឋ និង​ចំណាយ​ប្រាក់​ដ៏​ច្រើន​បែប​នេះ ព្រោះ​របប​នេះ​ព្យាយាម​ការពារ​ថ្ងៃ ៧ មករា ដើម្បី​បង្ហាញ​ថា វៀតណាម​មាន​គុណ​លើ​កម្ពុជា។ ប៉ុន្តែ​លោក​យល់​ថា អ្វី​ដែល​របប​នេះ​កំពុង​តែ​ចំណាយ​លុយ​ជាតិ​យ៉ាង​ច្រើន​ដូច​នេះ គឺ​ជា​ការ​ប្រមាថ​ជាតិ​ខ្មែរ ដើម្បី​បម្រើ​យោជន៍​វៀតណាម​ប៉ុណ្ណោះ៖ «ថ្ងៃ​៧ មករា ឆ្នាំ១៩៧៩ គឺ​ជា​យុទ្ធសាស្ត្រ​ឈ្លានពាន​របស់​យួន ដើម្បី​បន្ត​សម្លាប់​ខ្មែរ​ពី​សម័យ ប៉ុល ពត។ យើង​ឃើញ​ហើយ ក្រោយ ៧ មករា ខ្មែរ​ស្លាប់​ជាង ២០ម៉ឺន​នាក់ ក្នុង​នយោបាយ ក-៥ របស់​យួន ហើយ​និង​ទ្រព្យ​សម្បត្តិ​ជាតិ​ផ្សេងៗ ត្រូវ​យួន​ប្រមូល​យក​ទៅ​អស់»

ថ្ងៃ ៧ មករា នៅ​តែ​ជា​ថ្ងៃ​ចម្រូងចម្រាស​រវាង​គណបក្ស​កាន់​អំណាច និង​ក្រុម​អ្នក​និយម​ប្រជាធិបតេយ្យ។ ពលរដ្ឋ​ខ្មែរ​នៅ​ក្រៅ​ស្រុក និង​អ្នក​និយម​ប្រជាធិបតេយ្យ​យល់​ថា បើ​កម្ពុជា​នៅ​តែ​បន្ត​ដឹង​គុណ​វៀតណាម​តាម​រយៈ ៧ មករា​នេះ​ទៀត វាសនា​កម្ពុជា​នឹង​មិន​ខុស​ពី​កម្ពុជា​ក្រោម​ឡើយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

January 7,1979 is anniversary NVC aggression of Cambodia....NVC annexing of Cambodia and war crime against humanity...

Oh...yeah absolute right comrade..the n.Viet commies is not only liberated the Cambodia....but their aggression had been widespread of war looting every corner of the country in nearly 3 months,i was in there my friend and millions pple can seen too.And seen many death copses like innocent pple,khmerouge deathd soldiers along the roads,in river,Mekong lake,pond,in bushes,in street fighting,in the rice fields or in villages and much more.And how many other places that i even didn't know or count it up...or ask to everybody whose still alive as a witnesses.Tell us why millions landmines laid out at the n.western region by who did this?in Pol Pot no landmines territory"or just a few"and pple can escaped into Thailand without a deadly mine blow off..but it's just happen during n.vietnam commies foot soldiers invaded of Cambodia in 1979-1993 there millions landmines laid out there and who did this comrade?,and how u stupid maroon trying to hid something and do other thing?and who's the hell are u?see other islands like Koh Tral,Koh Ses or other missing under your stupid radical group who ever never know its own national geography or even didn't know khmer history at the 5th grade.Go to review your stupid clips in YouTube or FB commented and who's the hell beast said...never heard the koh Tral as be khmer's island....who's the hell is that?is monkey sees and monkey do it"shame on u"stupiiiiiiiiiiiiiiiiiid ever.

Jan 08, 2019 02:22 PM

គេហទំព័រ​ទាំងមូល