RFA/Sorn Chanratha
ភាគីវៀតណាម នៅថ្ងៃទី២៩ សីហា យល់ព្រមទទួលយកការតវ៉ារបស់កម្ពុជា ទាក់ទងនឹងការរំលោភចូលអធិបតេយ្យភាពទឹកដីកម្ពុជា ទៅជជែកពិភាក្សាជាមួយអន្តរក្រសួងពាក់ព័ន្ធរបស់វៀតណាម។ ភាគីកម្ពុជា បង្ហាញគោលជំហររឹងមាំឯករាជ្យ ក្នុងការដោះស្រាយបញ្ហាចម្រូងចម្រាសនៅតាមព្រំដែនកម្ពុជា-វៀតណាម។
អនុរដ្ឋមន្ត្រីក្រសួងការបរទេសវៀតណាម និងជាប្រធានគណៈកម្មការចម្រុះបោះបង្គោលព្រំដែនគោកវៀតណាម-កម្ពុជា លោក លេ ហ៊យ ជុង (Le Hoai Trung) ថ្លែងប្រាប់ប្រធានគណៈកម្មការចម្រុះបោះបង្គោលព្រំដែនគោកកម្ពុជា-វៀតណាម លោក វ៉ា គឹមហុង ថា វៀតណាម នឹងជូនដំណឹងត្រឡប់មកវិញ បន្ទាប់ពីការសម្រេចរបស់ថ្នាក់ដឹកនាំកំពូលរដ្ឋាភិបាលវៀតណាម លើដំណោះស្រាយឆ្លើយតបនឹងការតវ៉ារបស់កម្ពុជា។
កិច្ចប្រជុំទ្វេភាគីរវាងកម្ពុជា-វៀតណាម ស្ដីពីការដោះស្រាយវិវាទតាមព្រំដែនប្រទេសទាំងពីរនាទីក្រុងភ្នំពេញ កើតឡើងបន្ទាប់ពីក្រសួងការបរទេសកម្ពុជា បានផ្ញើកំណត់ទូត និងលិខិតតវ៉ាការរំលោភចូលទឹកដីកម្ពុជា ពីសំណាក់វៀតណាម។
រាប់ពីខែតុលា ឆ្នាំ២០១១ ដល់ខែសីហា ឆ្នាំ២០១៦ រដ្ឋាភិបាលកម្ពុជា បានផ្ញើកំណត់ទូត និងលិខិតតវ៉ារឿងការរំលោភចូលទឹកដីកម្ពុជា ទៅរដ្ឋាភិបាលវៀតណាម មិនតិចជាង ២៣លើកឡើយ។ បញ្ហាដែលត្រូវបានលើកមកជជែកក្នុងកិច្ចប្រជុំជាង ៥ម៉ោងនេះ មានដូចជា ការសាងសង់ប៉ុស្តិ៍យាមរបស់វៀតណាម ក្នុងតំបន់ដែលមិនទាន់ដោះស្រាយចប់ (តំបន់ស) ការសង់អគារ ការជីកស្រះ ការធ្វើផ្លូវដែលភាគីកម្ពុជា អះអាងថា វៀតណាម បានធ្វើលើទឹកដីកម្ពុជា ការបោះបង្គោលព្រំដែន សំណើសុំអន្តរាគមន៍ពីប្រទេសបារាំង។
ការដោះស្រាយបញ្ហាព្រំដែនកម្ពុជា-វៀតណាម ត្រូវប្រជាពលរដ្ឋកម្ពុជា មួយចំនួនចោទរដ្ឋាភិបាលកម្ពុជា ថាស្ថិតក្រោមឥទ្ធិពលរបស់វៀតណាម។ ទោះបីយ៉ាងណា ទេសរដ្ឋមន្ត្រីទទួលបន្ទុកកិច្ចការព្រំដែន និងជាប្រធានគណៈកម្មការចម្រុះបោះបង្គោលព្រំដែនគោកកម្ពុជា-វៀតណាម លោក វ៉ា គឹមហុង បញ្ជាក់ជំហររបស់រដ្ឋាភិបាលកម្ពុជា ថាមិនស្ថិតក្រោមគំនាបរបស់វៀតណាម នោះទេ៖ «សូមផ្ដាំផ្ញើទៅអ្នកទិតៀនផងថា យើងមិនមែនកញ្ជះគេ (វៀតណាម) ទេ កុំទិតៀនសម្ដេចតេជោ (ហ៊ុន សែន) ផ្ដេសផ្ដាសអ៊ីចឹង។ យើងគណៈប្រតិភូដែលតំណាងលោក យើងក៏មិនមែនចំណុះប្រទេសណា យើងការពារបូរណភាពទឹកដីយើង យើងធ្វើតាំងពីដើមមក មិនមែនទើបធ្វើ...»។
កិច្ចប្រជុំឧបតោភាគី រវាងគណៈកម្មាធិការទទួលបន្ទុកកិច្ចការព្រំដែនរបស់កម្ពុជា និងវៀតណាម នាទីស្ដីការគណៈរដ្ឋមន្ត្រី នៅថ្ងៃទី២៩ ខែសីហា ឆ្នាំ២០១៦។ RFA/San Sel
RFA/San Sel
លោក វ៉ា គឹមហុង ឲ្យដឹងថា ភាគីទាំងពីរបានជជែកគ្នារយៈពេលលើសពី ២០នាទីទាក់ទងនឹងសេចក្ដីព្រាងសំណើសុំអន្តរាគមន៍ពីប្រទេសបារាំង។ លោកបន្តថា ភាគីវៀតណាម ស្នើសុំឲ្យប្រធានាធិបតីបារាំង ជួយ ៧ចំណុច។ លោកមិនបង្ហើបឲ្យដឹងលម្អិតពីចំណុចទាំងនេះឡើយ ក៏ប៉ុន្តែលោកថា ភាគីកម្ពុជា សុំបារាំង ជួយតែលើពីរចំណុច ដែលក្នុងនោះមានការស្នើអ្នកជំនាញបច្ចេកទេសបារាំង ផ្នែកការគូសចម្លងផែនទី។
រដ្ឋលេខាធិការក្រសួងការបរទេសកម្ពុជា និងជាអនុប្រធានទី១ គណៈកម្មការចម្រុះបោះបង្គោលព្រំដែនគោកកម្ពុជា-វៀតណាម លោក ឡុង វិសាលោ ដែលចូលរួមកិច្ចប្រជុំទ្វេភាគីនៅថ្ងៃទី២៩ សីហា មានប្រសាសន៍ថា ភាគីវៀតណាម បានឆ្លើយតបនឹងកំណត់ទូត និងលិខិតរបស់ភាគីកម្ពុជា ថា វៀតណាម កន្លងមកធ្វើសំណង់ទាំងអស់មិនបានរំលោភចូលដីកម្ពុជា នោះទេ។ តែយ៉ាងណា លោកសង្កត់ធ្ងន់ថា កម្ពុជា នឹងតវ៉ារាល់ការរំលោភបំពានរបស់វៀតណាម លើទឹកដីកម្ពុជា៖ «ខ្ញុំបានតវ៉ាថា បើហ៊ានធ្វើខ្ញុំឲ្យរុះចេញ...»។
បណ្ឌិត សុខ ទូច យល់ថា យន្តការការទូតដែលកម្ពុជា កំពុងប្រើ មានប្រយោជន៍ និងស្របតាមនីតិវិធីអន្តរជាតិ ដើម្បីបញ្ចៀសការផ្ទុះអាវុធ។
អាស៊ីសេរី មិនអាចទាក់ទងតំណាងរាស្ត្រគណបក្សសង្គ្រោះជាតិ នៅល្ងាចថ្ងៃទី២៩ សីហា ដោយទូរស័ព្ទមិនមានអ្នកទទួល។
កម្ពុជា-វៀតណាម នឹងបន្តបោះបង្គោលព្រំដែននៅតំបន់ដែលបានដោះស្រាយជម្លោះចប់សព្វគ្រប់នៅដើមខែកញ្ញា៕
Ask Heng Samrin,he knows where Khmer land is. He is the live withness, he just dares not to open his mouth. Don't ask Hun Sen ,he is blind, he can see only partial Khmer land. Ask Chieng Om, he crossed the border line many time when he was in resistant force during the war. Ask Men Sam Orn, she knows that too, she may or may not tell you. All CPP members know Koh Troal former Khmer Koh but what's the use- only know to know. The same, Kampuchea Krom,the world know,Khmer know !!!!
Aug 30, 2016 10:01 AM
កាលពីបង្កើតខ្មែរក្រហម ក៏ខ្មែរក្រហមធ្វើជាក្បត់យួនទៅត្រូវនិងចិន ហើយមានឈ្មោះថាក្រុមប្រល៏យពូជសាស។ ដល់បង្កើត របបខ្មែរប្រជាមានិត្តកម្ពុជា ក័៏ រករឿងក្បត់ទៀត ហើយមានឈ្មោះរបបតិរច្ឆាន។ យួនបានរើសមុស្សខ្មែរខុសទាំងពីរដង ការខុសមកទល់ពេលនេះ អ្នកជំនួញយួន មានដីមិនតិចជាង ៣០ម៉ឺនហិកតា អ្នកកាន់ការងារប្រទេស ត្រឹមសក្តិ៣ដល់ផ្កាយ៣ ក៏មិនតិចជាង២០០នាក់ នៅតាមក្រសយងបន្ទិររាប់មិនអស់ផ្សេងទៀត អ្នកស្រុក មានដីនៅ និង បំរុងមានសិទ្ធិ មិនតិចជាង ៥០ម៉ឺន ហើយកំពុងបន្ត ជាពិសេសអ្នកមកថែកៅស៊ូដែលនិងបានផលក្នុុង ១ ទៅ២ឆ្នាំទៀត។ ដល់មិនយោគយល់បែបនេះយ៉ាប់។ អ្វីៗវាគង់តែនិងបានទាំងអស់សោះ មិនព្រមធ្វើល្អឲ្យគ្នាឡើងកូដថាស្នេហាជាតិសិន។
Aug 30, 2016 12:53 AM
អត់មានអីដែលគួរបើភ្ញាក់ផ្អើលទេ សកម្មភាពនេះវាគ្រាន់តែជាឈុតឆាក មួយក្នុងចំណោមឈុតឆាករយបាន់របស់វៀតណាមក្នុងការបន្តក្តោបក្តាប់មាតុភូមិខ្មែរតទៅទៀត មិនថារឿងដី រឿងព្រៃ រឿងចាប់ចងយួន និងរឿងព្រុំដែនដែរ សំខាន់គេសំដែងបោកអោយខ្មែរឃើញថា អ្នកដឹកនាំមិនខ្លាចយួនឡើយ ដែលតាមពិតឈុតទាំងនេះគឺអាយួនអ្នកនិពន្វទាំងអស់ បើរដ្ឋាភិបាលគ្រាន់បើចាត់ការអាយយួនដែលដឹងថា១៣មើននាក់ខុសច្បាប់អោយខូងដីទៅយួនវិញទៅ និងរូបសំណង់លើភ្នំបូកគោទៅ ងាប់ហើយ។
Aug 29, 2016 09:50 PM
