ថៃ​ថា​​មិនទាន់​ដល់​ពេល​​ជជែក​ជាមួយ​កម្ពុជា​ពី​រឿង​ជម្លោះ​ព្រះវិហារ

ដោយ វោហារ ជាតិ
2014-07-29
អ៊ីម៉ែល
មតិ
Share
បោះពុម្ព
ក្រុម​មន្ត្រី​នគរបាល​ជាន់​ខ្ពស់​ខ្មែរ​ពិនិត្យ​មើល​ថ្ម​ប្រាសាទ​ព្រះវិហារ ដែល​បាក់​បែក​ដោយសារ​តែ​គ្រាប់​កាំភ្លើង​ថៃ​បាញ់​ចំ កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១១។
ក្រុម​មន្ត្រី​នគរបាល​ជាន់​ខ្ពស់​ខ្មែរ​ពិនិត្យ​មើល​ថ្ម​ប្រាសាទ​ព្រះវិហារ ដែល​បាក់​បែក​ដោយសារ​តែ​គ្រាប់​កាំភ្លើង​ថៃ​បាញ់​ចំ កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១១។
RFA/Hang Savyouth

នៅ​ក្នុង​កិច្ចពិភាក្សា​រវាង​ភាគី​កម្ពុជា និង​ថៃ អំពី​ការ​អនុវត្ត​សាលដីកា​តុលាការ​យុត្តិធម៌​អន្តរជាតិ ដែល​តម្រូវ​ឲ្យ​ទាហាន​ថៃ ដក​ទ័ព​ចេញពី​តំបន់​ប្រាសាទ​ព្រះវិហារ បរាជ័យ។

តំណាង​រដ្ឋាភិបាល​កម្ពុជា ធ្វើ​ទស្សនកិច្ច​នៅ​ថៃ រយៈ​ពេល​ពីរ​ថ្ងៃ ចាប់​ពី​ថ្ងៃ​ទី​២៨ និង ២៩ កក្កដា ដឹកនាំ​ដោយ​លោក​រដ្ឋមន្ត្រី​ក្រសួង​ការពារ​ជាតិ ទៀ បាញ់ ក្នុង​បំណង​ពង្រឹង​ទំនាក់​ទំនង និង​សហប្រតិបត្តិការ​ល្អ​ជាមួយ​គ្នា ជាពិសេស​ជជែក​ពី​ជម្លោះ​ប្រាសាទ​ព្រះវិហារ។ ក៏ប៉ុន្តែ​ភាគី​ថៃ មិន​ព្រម​ជជែក​រឿង​ជម្លោះ​នេះ។

កាសែត​ថៃ បាងកក ប៉ុស្តិ៍ (Bangkok Post) ចុះ​ផ្សាយ​នៅ​ថ្ងៃ​ទី​២៩ កក្កដា បាន​ស្រង់​សម្ដី​ភាគី​ថៃ គឺ​លោក​ឧត្ដមសេនីយ៍ ស៊ូរ៉ាសាក់ កាញ្ចណារ៉ាត (Surasak Karnchanarat) លេខា​អចិន្ត្រៃយ៍ និង​ជា​រដ្ឋមន្ត្រី​ស្ដីទី​ក្រសួង​ការពារ​ជាតិ​ថា លោក​បាន​ទទូច​ប្រាប់​ភាគី​កម្ពុជា លោក ទៀ បាញ់ ថា លោក​មិន​ចង់​និយាយ​ពី​រឿង​ព្រះវិហារ​នៅ​ពេល​នេះ​ទេ៖ «នេះ​មិន​មែន​ជា​ពេល​វេលា​ត្រឹមត្រូវ​ជជែក​ពី​រឿង​ព្រះវិហារ​ទេ។ រឿង​ដែល​អាច​បង្ក​ឲ្យ​មាន​ទំនាស់​ហ្នឹង មិន​លើក​យក​មក​ជជែក​នៅ​ពេល​នេះ​ទេ។ ផ្អែក​លើ​សេចក្ដី​សម្រេច​របស់​តុលាការ​យុត្តិធម៌​អន្តរជាតិ យើង​ត្រូវ​តែ​ជជែក​គ្នា តែ​មិន​មែន​ពេល​នេះ​ទេ។ យើង​រស់​នៅ​សុខសាន្ត​ជាមួយ​គ្នា​ដូច​ពេល​មុន យើង​នឹង​ជជែក​គ្នា​រឿង​នេះ​នៅ​ពេល​ក្រោយ»។

ទោះ​យ៉ាង​ណា កាសែត​ថៃ ដដែល​សរសេរ​ថា ទំនាក់ទំនង​សហប្រតិបត្តិការ​រវាង​ភាគី​ទាំង​ពីរ​អំពី​សន្តិសុខ​ព្រំដែន បញ្ហា​ពលករ​ខ្មែរ​នៅ​ថៃ និង​កិច្ច​សហការ​កម្ចាត់​គ្រឿងញៀន។

បន្ទាប់ពី​ជួបពិភាក្សា​ជាមួយ​ភាគី​ថៃ លោក​ឧត្ដមសេនីយ៍ ស៊ូរ៉ាសាក់ កាញ្ចណារ៉ាត នៅ​ថ្ងៃ​ទី​២៨ កក្កដា លោក ទៀ បាញ់ និង​ប្រតិភូ​តំណាង​ឲ្យ​រដ្ឋាភិបាល​កម្ពុជា​ជួប​មេទ័ព​ថៃ ជាន់​ខ្ពស់ លោក ប្រាយុទ្ធ ចាន់អូចា (Prayuth Chan-ocha) ថ្ងៃ​ទី​២៩ កក្កដា នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

អ្នក​អាន​អនាមិក

A top Khmer echelon is only strong with our own people show up with 5,4,3,2,2,1 star on their shoulder tose dog only not enemy .

Jul 29, 2014 02:15 PM

អ្នក​អាន​អនាមិក

Tear Barch is just a paper tiger. He know nothing to defend the country. He is just like Hun Sen. With their own people, he threat them by taking tank to run over. With Thai, he is paper tiger.

Jul 29, 2014 01:34 AM

គេហទំព័រ​ទាំងមូល