ព័ត៌មាន​សំខាន់ៗ​ចំនួន ៧ ដែល​លោក​អ្នកនាង​គួរ​អាន​នៅ​ថ្ងៃ​ចន្ទ​នេះ

ដោយ អាស៊ីសេរី
2022.10.30
Share on WhatsApp
Share on WhatsApp
ព័ត៌មាន​សំខាន់ៗ​ចំនួន ៧ ដែល​លោក​អ្នកនាង​គួរ​អាន​នៅ​ថ្ងៃ​ចន្ទ​នេះ ក្នុងរូបថត​កាលពីថ្ងៃទី២៤ ខែកញ្ញា វិនិយោគិន​លោក ចេន ហ្ស៊ី (រូបឆ្វេងគេ​បង្អស់) ឈរ​ជាមួយ​នាយករដ្ឋមន្ត្រី​កម្ពុជា លោក ហ៊ុន សែន (រូបទី៣​ពីខាងឆ្វេង) និង​ប្រធាន​រដ្ឋសភាជាតិ​នៃប្រទេស​គុយបា លោក អេស្តេបាន ឡាហ្សូ អ៊ែរណង់ដេស៍(Esteban Lazo Hernández ) (រូបទី៤​ពី​ខាងឆ្វេង)។ នៅក្នុងរូបថតនេះ​ដែរ ពីឆ្វេងទៅស្តាំ រួមមាន​រដ្ឋមន្ត្រី​ការបរទេស​កម្ពុជា លោក ប្រាក់ សុខុន រដ្ឋមន្ត្រី​អម​គណៈប្រតិភូ​នាយករដ្ឋមន្ត្រី លោក ស្រ៊ី ថាមរង្គ និង​លោក កៅ គឹមហ៊ួន។
រូប៖ ហ្វេសប៊ុក​លោកនាយករដ្ឋមន្ត្រី ហ៊ុន សែន

. បរិវារ​លោក ហ៊ុន សែន ជាប់​ពាក់ព័ន្ធនឹង​ការទិញដូរ​ក្រុមហ៊ុន​លក់ស៊ីហ្គារ​របស់​គុយបា​ក្នុងតម្លៃ​រាប់ពាន់​លានដុល្លារ​ដោយសម្ងាត់

កាលពី​ពីរឆ្នាំកន្លងទៅ សមាជិក​ដ៏សំខាន់ម្នាក់​នៃ​បរិវារ​របស់លោក ហ៊ុន សែន បានបង្កើត​ចំណងទាក់ទង​ពាណិជ្ជកម្ម​ជាមួយ​រដ្ឋ​ដែនដីកោះ​មួយនេះ​តាមរយៈ​កិច្ចព្រមព្រៀង​ជាសម្ងាត់មួយ​ដើម្បី​ទិញ​ភាគហ៊ុន​នៅក្នុង​ក្រុមហ៊ុនថ្នាំជក់​នៃ​រដ្ឋគុយបា។ នេះបើយោងតាម​ប្រភព​ចំនួនពីរ​ដែល​បានដឹងឮ​អំពីបញ្ហានេះ និង​បើយោងតាម​ទិន្នន័យ​សាជីវកម្ម។

a61fc34d-1445-424c-9ce6-24c7800ab734.jpeg
ក្នុងរូបថត​កាលពីថ្ងៃទី២៤ ខែកញ្ញា វិនិយោគិន​លោក ចេន ហ្ស៊ី (រូបឆ្វេងគេ​បង្អស់) ឈរ​ជាមួយ​នាយករដ្ឋមន្ត្រី​កម្ពុជា លោក ហ៊ុន សែន (រូបទី៣​ពីខាងឆ្វេង) និង​ប្រធាន​រដ្ឋសភាជាតិ​នៃប្រទេស​គុយបា លោក អេស្តេបាន ឡាហ្សូ អ៊ែរណង់ដេស៍(Esteban Lazo Hernández ) (រូបទី៤​ពី​ខាងឆ្វេង)។ នៅក្នុងរូបថតនេះ​ដែរ ពីឆ្វេងទៅស្តាំ រួមមាន​រដ្ឋមន្ត្រី​ការបរទេស​កម្ពុជា លោក ប្រាក់ សុខុន រដ្ឋមន្ត្រី​អម​គណៈប្រតិភូ​នាយករដ្ឋមន្ត្រី លោក ស្រ៊ី ថាមរង្គ និង​លោក កៅ គឹមហ៊ួន។ (ប្រភព៖ ទំព័រហ្វេសប៊ុក​លោកនាយករដ្ឋមន្ត្រី ហ៊ុន សែន)

អានព័ត៌មានពិស្តារ...

. អាជ្ញាធរ ចាប់​សកម្មជន​បក្ស​ប្រឆាំង​ខេត្តកំពង់ស្ពឺ​អ្នកស្រី កឹម តុលា ជា​លើក​ទី​ពីរ

អាជ្ញាធរ ​បាន​ចាប់​ខ្លួន​មេឃុំ​ជាប់​ឆ្នោត​គណបក្ស​សង្គ្រោះជាតិ​នៃ​ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ គឺ​អ្នកស្រី កឹម តុលា ជា​លើក​ទី​ពីរ​នៅ​ថ្ងៃទី៣០ ខែតុលា។ លោកស្រី កឹម តុលា ធ្លាប់​បាន​រត់​ភៀស​ខ្លួន​ទៅ​ជ្រក​កោន​នយោបាយ​ក្នុង​ប្រទេសថៃ​មួយរយៈ ក្រោយតុលាការ​ខេត្តកំពង់ស្ពឺ​ចេញ​ដីកា​កោះហៅ​ទៅ​បំភ្លឺ​រឿង​បង្ហោះ​សារគាំទ្រ​លោក កឹម សុខា និង​លោក សម រង្ស៊ី ជា​មនុស្ស​តែ​មួយ និង​បង្ហោះសារ​គាំទ្រ​ដំណើរ​មាតុភូមិនិវត្តន៍​របស់​លោក សម រង្ស៊ី កាល​ពី​ចុង​ឆ្នាំ២០១៩។

អ្នកស្រី កឹម តុលា.jpeg
លោកស្រី​ កឹម តុលា ​មេឃុំ​ជាប់​ឆ្នោត​គណបក្ស​សង្គ្រោះ​ជាតិ​នៅ​ឃុំ​ត្រែង​ត្រយឹង ស្រុក​ភ្នំ​ស្រួច ខេត្ត​កំពង់ស្ពឺ ដែល​អាជ្ញាធរ​ខេត្ត​នេះ​ចាប់​ខ្លួនម្តង ​នៅ​រសៀល​ថ្ងៃ​ទី២២ ខែកក្កដា និងចាប់ខ្លួនជាលើកទី២នៅថ្ងៃទី៣០ ខែតុលា ឆ្នាំ២០២២។ (រូប៖ ហ្វេសប៊ុក Ron Chanthy)

អានព័ត៌មានពិស្តារ...

. លោក សុន ឆ័យ រក្សា​ជំហរ​មិន​បង់​សំណង​ដល់​បក្ស​កាន់​អំណាច​និង​គ..

អនុប្រធាន​គណបក្សភ្លើងទៀន លោក សុន ឆ័យ ថ្លែងចំពោះមុខ​អ្នក​គាំទ្រ​ថា លោក នឹង​មិន​បង់​សំណង​ជិត​១​លាន​ដុល្លារ​ទៅ​គណបក្ស​កាន់​អំណាច និង​គណៈកម្មាធិការ​ជាតិ​រៀប​ចំ​ការ​បោះឆ្នោត ហៅ​កាត់​ថា គ.ជ.ប ឡើយ ព្រោះការ​រិះគន់​របស់​លោក​អំពីភាព​មិន​ប្រក្រតី​នៃការ​បោះឆ្នោត​មិន​មែន​ជា​កំហុសអ្នកវិភាគ​នយោបាយ លើកឡើង​ថា ការរក្សាជំហរ​រឹងមាំ​របស់​លោក សុន ឆ័យ ដើម្បី​រក​យុត្តិធម៌​ខ្លួន​ឯង និង​កសាង​ទំនុក​ចិត្ត​ដល់​ពលរដ្ឋ

CLP3.jpg
លោក សុន ឆ័យ (ឆ្វេង) អនុប្រធានគណបក្សភ្លើងទៀន។

អានព័ត៌មានពិស្តារ...

. គ្រួសារ​សកម្មជន​បក្ស​ប្រឆាំង​ដែល​កំពុង​ជាប់​ឃុំ​ស្នើ​ដល់​រដ្ឋាភិបាល​ឱ្យ​ដោះស្រាយ​វិបត្តិ​នយោបាយ ​មុនកិច្ចប្រជុំ​កំពូល​អាស៊ាន

គ្រួសារ​សកម្មជន​បក្ស​ប្រឆាំង​ដែល​កំពុង​ជាប់​ឃុំស្នើ​ដល់​រដ្ឋាភិបាល​លោក ហ៊ុន សែន ឱ្យ​ដោះ​ស្រាយ​វិបត្តិនយោបាយ  ហើយ​ដោះលែង​អ្នក​ជាប់​ឃុំ​នយោបាយ​មុន​កិច្ចប្រជុំ​កំពូល​អាស៊ាន ដើម្បី​លើក​មុខ​មាត់​រដ្ឋាភិបាល​លើ​ឆាក​អន្តរជាតិ ស្តារ​លទ្ធិប្រជាធិបតេយ្យ និង​ការ​គោរព​សិទ្ធិ​មនុស្ស​ឡើង​វិញសំណើ​នេះ​ធ្វើ​ឡើង មុន​ពេល​មេដឹកនាំ​នៃ​ប្រទេស​ប្រកាន់​ប្រជាធិបតេយ្យ​ធំៗ ជា​ពិសេស​ប្រធានា​ធិបតី​សហរដ្ឋ​អាមេរិក​លោក ចូ ប៉ៃឌិន (Joe Biden ) នឹង​ធ្វើដំណើរ​មក​ប្រទេស​កម្ពុជា​ចូលរួម​កិច្ច​ប្រជុំ​កំពូល​អាមេរិក-អាស៊ាន និង​កិច្ចប្រជុំ​ពាក់ព័ន្ធ ចាប់ពីថ្ងៃទី១០ ដល់១៣ ខែវិច្ឆិកាខាងមុខនេះ។

Woman on Friday in fron of France Embassy on 10_02_2022.jpg
ក្រុមស្ត្រីថ្ងៃសុក្រ ដាក់ញត្តិសុំអន្តរាគមន៍ពីស្ថានទូតបារាំងប្រចាំនៅកម្ពុជាកាលពីថ្ងៃទី១០ ខែកុម្ភៈ ឆ្នាំ២០២២។ (រូប៖ ពលរដ្ឋផ្តល់ឱ្យ)

អានព័ត៌មានពិស្តារ...

. សង្គម​ស៊ីវិល​រិះគន់​លោក ស ខេង ដែល​បើក​ដៃ​ឱ្យ​មេឃុំ​ជ្រើស​តាំង​មន្ត្រី​នគរបាលប៉ុស្តិ៍​តាម​មូលដ្ឋាន

មន្រ្តីសង្គមស៊ីវិល​រិះគន់​លោក ស ខេង ដែល​បើកដៃ​ឱ្យ​មេឃុំ និង​មេប៉ុស្តិ៍នគរបាល​ជា​អ្នក​សម្រេច​ក្នុង​ការ​ជ្រើស​តាំង​មន្រ្តី​នគរបាល​កម្រិត​ថ្នាក់​បឋម​ឱ្យ​បម្រើ​ការងារ​តាម​មូលដ្ឋាន។ ប្រតិកម្មនេះ ធ្វើឡើង​បន្ទាប់​ពី​រដ្ឋមន្រ្តី​ក្រសួង​មហាផ្ទៃ​លោក ស ខេង ប្រកាសថា មេឃុំ និងមេប៉ុស្តិ៍នគរបាល​តាម​ឃុំសង្កាត់​ត្រូវ​មាន​តួនាទី​សម្ភាស​មន្រ្តី​នគរបាល​កម្រិត​ថ្នាក់​បឋម​ចូល​បំពេញ​ការងារ​ជា​មន្ត្រី​សាធារណៈ​តាម​មូលដ្ឋាន ដោយមិន​ចាំបាច់​ឱ្យ​ពួកគេ​ទៅ​ប្រឡង ឬមាន​សញ្ញាបត្រ​ខ្ពស់​អ្វី​ឡើយ

Sar Kheng on 25_01_2022.jpg
លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ។ (រូប៖ ហ្វេសប៊ុកលោក ស ខេង)

អានព័ត៌មានពិស្តារ...

. អ្នកទៅ​ចូលរួម​ពិធី​បុណ្យ​នៅវ​ត្តមេត្តា​ធម្មជាតិ ​សោកស្ដាយ​ពេលឃើញ​ព្រៃឈើ​ត្រូវ​កាប់​បំផ្លាញ

ប្រជាពលរដ្ឋ​ចូលរួម​ពិធី​ដង្ហែ​តេយ្យទាន​ ប្រគេន​ដល់​ព្រះសង្ឃ​គង់​នៅ​វត្ត​ព្រៃមេត្តា​ធម្មជាតិ​ ដើម្បី​លើក​ទឹក​ចិត្ត​ដល់​ព្រះសង្ឃ​និង​ពលរដ្ឋ​នៅ​ទី​នោះ ដែល​បាន​លះបង់​កម្លាំង​កាយ​ចិត្ត ការពារ​ព្រៃឈើ ​ដែលកំពុង​​រង​ការ​បំផ្លាញ​នៅ​ទី​នោះ។ ប្រជាសហគមន៍​លើកឡើង​ថា ការកាប់​ទន្ទ្រាន​ដីព្រៃ​សហគមន៍​មេត្តា​ធម្មជាតិ បាន​ធ្វើលើស​រាប់​រយ​ហិកតារ​ពី​ច្បាប់​កំណត់ ក្នុងការ​ផ្ដល់​ជាដី​សម្បទាន​ទៅ​ឱ្យ​ក្រុម​កង​រថក្រោះ និង​ក្រុម​យោធា ង៧០។ ហើយ​ពលរដ្ឋអះអាងថា ការផ្ដល់ដីសម្បទាន​នោះទៀត​សោត​ ក៏​មិន​បាន​ដល់​គ្រួសារ​ក្រីក្រ ឬ​ទាហាន​មាន​ជីវភាព​ខ្វះខាត​នោះ​ពិតប្រាកដ​ឡើយ

9cb78bc1-5a9e-4548-b852-43ab6937b13b.jpeg
ព្រះពុទ្ធ​បដិមា ១អង្គ ក្នុង​ចំណោម​ ៣អង្គ​ ដែល​បាក់​ខូច​ខាត​ដោយ​សារ​ជនល្មើស​កាប់​ឈើ​ដួល​លើ កាល​ពី​ថ្ងៃ​ទី២៤ ខែ​កញ្ញា ឆ្នាំ២០២២។ (រូប៖ ហ្វេសប៊ុក Metta Nature 2022-09-24)

អានព័ត៌មានពិស្តារ...



. ពលករ​ខ្មែរ​ធ្វើការ​លើ​ទូកនេសាទ​ថៃ ប្រឈម​នឹង​គ្រោះថ្នាក់​ បាន​ប្រាក់​តិច និង​គ្មាន​ការ​ធានា​រ៉ាប់រង​ពី​អាយុ​ជីវិត

ពលករខ្មែរ​មួយចំនួន​នៅតែបន្ត​ធ្វើការលើ​ទូកនេសាទ​ក្នុង​សមុទ្រ​ប្រទេសថៃ​បើទោះជា​ពួកគាត់​ប្រឈម​នឹង​គ្រោះថ្នាក់​គ្រប់ពេល ទទួលបាន​ថ្លៃឈ្នួល​តិចតួច និង​គ្មាន​ការ​ធានារ៉ាប់រង​សុខភាព នៅ​ពេល​ដែល​ពួកគាត់​ជួប​គ្រោះថ្នាក់​អ្វី​មួយ​ក៏​ដោយ។ សង្គមស៊ីវិលថា ពលករ​នេសាទ​ខ្លះ​ត្រូវថៅកែ​បង្ខំ​ឲ្យ​ធ្វើការ​ហួស​ហេតុ វាយដំ​លើ​រាង​កាយ និង​កេងប្រវ័ញ្ច​កម្លាំង​ពលកម្ម ជាដើម ប៉ុន្តែ​ពលករខ្លះ​ក៏​ជួប​ថៅកែ​ចិត្ត​ល្អ​ត្រឹម​ត្រូវ​ដែរ

cambodia_work_in_thailand_21_06_2021.jpg
ពលករខ្មែរដែលស្នាក់នៅនិងធ្វើការនៅក្នុងប្រទេសថៃនាពេលកន្លងមក។ (រូប៖ ពលរដ្ឋផ្តល់ឱ្យ)

អានព័ត៌មានពិស្តារ...

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

រឿង​ដែល​គេ​អាន​​ច្រើន​បំផុត
នយោបាយ
ក្រុម​មន្ត្រី​ជាន់ខ្ពស់​គណបក្ស​កាន់​អំណាច​ប្រតិកម្ម​នឹង​ពលរដ្ឋ​ខ្មែរ​រស់នៅ​ក្រៅ​ប្រទេស ជេរ​ប្រមាថ​លោក ហ៊ុន ម៉ាណែត តាម​បណ្ដាញ​សង្គម
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។