១ . អ្នកវិភាគថាលោក ហ៊ុន សែន បញ្ជាឱ្យផលិតនាឡិកាចែកមេដឹកនាំអាស៊ាន ក៏មិនអាចលើកមុខមាត់ និងកិត្តិយសកម្ពុជាបានឡើយ
ក្រុមអ្នកវិភាគរិះគន់ថា អំណោយនាឡិកាដៃដែលលោក ហ៊ុន សែន ត្រៀមរៀបចំសម្រាប់ចែកមេដឹកនាំអាស៊ានក្នុងកិច្ចប្រជុំប្រចាំឆ្នាំនាពេលខាងមុខ មិនអាចលើកមុខមាត់ និងស្ដារកិត្តិយសប្រទេសកម្ពុជាបាននោះឡើយ។ ពួកគាត់ថា កេរ្តិ៍ឈ្មោះកម្ពុជាអាចប្រសើរឡើងក្នុងសហគមន៍អន្តរជាតិ និងអាស៊ានបាន គឺអាស្រ័យទៅលើការដឹកនាំរបស់រដ្ឋាភិបាល។
[ អានព័ត៌មានពិស្តារ ... Opens in new window ]
២ . អ្នកឃ្លាំមើលថាចម្លើយរបស់អ្នកនាំពាក្យបក្សកាន់អំណាចបំភ្លឺក្នុងសំណុំរឿងមេបក្សប្រឆាំងលោក កឹម សុខា ពិបាកឱ្យជឿថាអាចការពិតបានឡើយ
សាលាដំបូងរាជធានីភ្នំពេញកាលពីថ្ងៃទី១២ ខែតុលាបានប្រើពេលពេញមួយថ្ងៃដើម្បីសាកសួរសាក្សីមួយចំនួនក្នុងសំណុំរឿងរបស់លោក កឹម សុខា ក្នុងនោះរួមទាំងអ្នកនាំពាក្យគណបក្សកាន់អំណាចផងដែរ។ អ្នកឃ្លាំមើលសវនាការរិះគន់ថាសាក្សីដែលជាអ្នកនាំពាក្យកាន់អំណាចធ្លាប់មានទំនាស់ផលប្រយោជន៍បុគ្គលផងនិងទំនាស់ផលប្រយោជន៍ផ្នែកនយោបាយផងដូច្នេះមិនអាចជឿជាក់ថា សាក្សីនោះអាចផ្តល់ចម្លើយពិតបានឡើយ។
[ អានព័ត៌មានពិស្តារ ... Opens in new window ]
៣ . អ្នកគាំទ្រលោក ហ៊ុន សែន និង លោក សម រង្ស៊ី អះអាងផ្សេងៗគ្នាអំពីលទ្ធផលប្តឹងផ្តល់គ្នានៅតុលាការបារាំង
ទាក់ទងនឹងក្ដីក្ដាំងរវាងលោក ហ៊ុន សែន និងលោក សម រង្ស៊ី នៅតុលាការប្រទេសបារាំងវិញគូរភាគីទាំងពីរបានអះអាងផ្សេងៗគ្នាអំពីលទ្ធផលប្តឹងផ្តល់គ្នានៅតុលាការប្រទេសបារាំងជុំវិញការស្លាប់របស់លោកហុកឡង់ឌី។ ចំណែកអ្នកប្រើប្រាស់បណ្តាញសង្គមដែលមាននិន្នាការគាំទ្រអ្នកនយោបាយល្បីឈ្មោះទាំងពីររូបនេះវិញពួកគាត់ក៏បានបញ្ចេញមតិយល់ឃើញផ្ទុយគ្នាដែរ។
[ អានព័ត៌មានពិស្តារ... Opens in new window ]
៤ . លោក សម រង្ស៊ី ជំរុញឲ្យលោក ហ៊ុន សែន យកសាលក្រមតុលាការបារាំងធ្វើជាគំរូសម្រាប់តុលាការកម្ពុជា
លោក សម រង្ស៊ី ប្រធានស្ដីទីគណបក្សសង្គ្រោះជំរុញឲ្យលោក ហ៊ុន សែន យកសាលក្រមតុលាការបារំាងក្នុងសំណុំរឿងលោកនាយករដ្ឋមន្រ្តីប្ដឹងលោកពីបទបរិហាកេរ្តិ៍នោះ ធ្វើជាគំរូសម្រាប់ឲ្យតុលាការកម្ពុជាអនុវត្ត។
សូមលោកអ្នកនាងស្ដាប់បទសម្ភាសន៍របស់លោក ជុន ច័ន្ទបុត្រ និងលោក សម រង្ស៊ី អំពីបញ្ហានេះដូចតទៅ៖
៥ . តុលាការកំពូលសម្រេចបញ្ជូនសំណុំរឿង កុមារ កាក់ សុវណ្ណច្ឆ័យ ទៅសាលាឧទ្ធណ៍កាត់ក្ដីឡើងវិញ
ពាក់ព័ន្ធនឹងក្ដីក្ដាំនៅតុលាការនេះដែរតុលាការកំពូលកាលពីថ្ងៃទី១២ ខែតុលា បានសម្រេចបញ្ជូនសំណុំរឿងកូនប្រុសសកម្មជនបក្សប្រឆាំងគឺក្មេងប្រុស កាក់ សុវណ្ណច្ឆ័យទៅសាលាឧទ្ធណ៍កាត់ក្ដីឡើងវិញ។ មន្ត្រីអង្គការសង្គមស៊ីវិលជំរុញឱ្យតុលាការជាន់ខ្ពស់លើកលែងបទចោទប្រកាន់មកលើកូនប្រុសសកម្មជនគណបក្សសង្គ្រោះជាតិរូបនេះដើម្បីបញ្ចៀសការរំលោភសិទ្ធិធ្ងន់ធ្ងរទៅលើកុមារ។
អានព័ត៌មានពិស្តារ...
៦ . ក្រសួងការងារអះអាងថាមិនអនុញ្ញាតឱ្យបង្ខាំងកម្មករនៅកន្លែងធ្វើការងារទេ
ជុំវិញរឿងសិទ្ធិការងារវិញមន្ត្រីជាន់ខ្ពស់នៃក្រសួងការងារអះអាងថាច្បាប់ការងារមិនអនុញ្ញាតឱ្យថៅកែក្រុមហ៊ុននិងសហគ្រាសនានាបង្ខាំងកម្មករនៅទីតាំងកន្លែងធ្វើការរបស់ខ្លួននោះឡើយ។ ប៉ុន្តែតំណាងកម្មករនៅមិនទាន់ជឿចំពោះការលើកឡើងនេះឡើយដោយសារតែក្រសួងតែងតែកាន់ជើងខាងថៅកែក្រុមហ៊ុន។
៧ . កម្ពុជាបញ្ជូនពលរដ្ឋវៀតណាម ៧៨នាក់ ដែលចាញ់បោកការជួញដូរការងារទៅប្រទេសខ្លួនវិញ
អាជ្ញាធរកម្ពុជាបានបញ្ជូនពលរដ្ឋវៀតណាមចំនួន ៧៨នាក់ ដែលរងការចាញ់បោកធ្វើការនៅកាស៊ីណូខុសច្បាប់តាមច្រកព្រំដែនអន្តរជាតិ ម៊ុក ប៊ៃ (Moc Bai) នៅខេត្តតៃនិញ (Tay Ninh) កាលពីថ្ងៃទី១១ ខែតុលា។ ស្ថានទូតវៀតណាមប្រចាំនៅកម្ពុជាឲ្យដឹងថាអាជ្ញាធរវៀតណាមសហការជាមួយអាជ្ញាធរកម្ពុជាបានជួយសង្គ្រោះជនជាតិវៀតណាម ជាង៦រយនាក់ (៦០០) ដែលរងគ្រោះពីការបោកប្រាស់ឲ្យមកធ្វើការខុសច្បាប់នៅកាស៊ីណូតាមព្រំដែនកម្ពុជា វៀតណាម។ ជនជាតិវៀតណាមទាំងនោះត្រូវបានថៅកែជនជាតិចិនចាប់បង្ខាំងឲ្យធ្វើការឆបោកតាមប្រព័ន្ធអនឡាញ(Online) ខណៈវិនិយោគិនដែលជាជនជាតិចិនអភិវឌ្ឍមជ្ឈមណ្ឌលទីក្រុងហេងហេងទទួលបានកិច្ចគាំពារពីមន្ត្រីគ្រាក់ៗក្នុងជួររដ្ឋាភិបាលលោក ហ៊ុន សែន។
៨ . កសិករចិញ្ចឹមគោនៅខេត្តបន្ទាយមានជ័យនិងខេត្តប៉ៃលិន បារម្ភគោឆ្លងជំងឺខណៈទឹកជំនន់បន្តអូសបន្លាយ
កសិករចិញ្ចឹមគោក្របីនៅខេត្តបន្ទាយមានជ័យនិងខេត្តប៉ៃលិនកំពុងព្រួយបារម្ភពីសត្វចិញ្ចឹមមានជំងឺរាតត្បាតដោយសារភ្លៀងនៅតែបន្តធ្លាក់ខ្លាំងហើយទឹកជំនន់ក៏អូសបន្លាយរយៈពេលយូរ។ កសិករអះអាងថាសត្វគោក្របីនិងសត្វមួយចំនួនទៀតនៅតាមមូលដ្ឋានបានងាប់ដោយសារតែការប្រែប្រួលអាកាសធាតុហើយកសិករខ្វះបច្ចេកទេសក្នុងការគាំពារសត្វ។ មន្ត្រីសង្គមស៊ីវិលយល់ឃើញថាក្រសួងកសិកម្មគួរចាត់មន្ត្រីក្រោមឱវាទចុះត្រួតពិនិត្យនិងទប់ស្កាត់ជាបន្ទាន់ដើម្បីការពារសត្វចិញ្ចឹមរបស់កសិករឱ្យបានទាន់ពេលវេលា។
៩ . មជ្ឈមណ្ឌលឯកសារកម្ពុជា បើកសាខា៥ខេត្ត សំរាប់សាធារណជនទស្សនានិងស្រាវជ្រាវ
ពាក់ព័ន្ធនឹងរឿងខ្មែរក្រហមវិញមេធាវីសាលាក្តីខ្មែរក្រហម អ្នកស្រី ម៉ាទីន ហ្សាកាំង (Martine Jacquin) តំណាងឲ្យដើមបណ្តឹងរដ្ឋប្បវេណីក្រុមទី៣ បានបរិច្ចាគឯកសារ ចំនួន១៤០០ច្បាប់ ដល់មជ្ឈមណ្ឌលឯកសារកម្ពុជា។ ចាប់ពីឆ្នាំ១៩៩៥ មក មជ្ឈមណ្ឌលឯកសារកម្ពុជាបានជួយដល់អ្នករស់រានមានជីវិតពីរបបខ្មែរក្រហមជាច្រើននាក់ ដើម្បីដាក់ពាក្យបណ្តឹងនិងប្រមែប្រមូលចងក្រងសាច់រឿងនានា និងការអប់រំអំពីអំពើប្រល័យពូជសាសន៍ និងការងាររបស់អង្គជំនុំជម្រះវិសាមញ្ញក្នុងតុលាការកម្ពុជា ឬសាលាក្តីខ្មែរក្រហម។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។