១ . ក្រុមអ្នកឃ្លាំមើលរិះគន់រដ្ឋាភិបាល លោក ហ៊ុន សែន ថា ដឹកនាំប្រទេសកាន់តែផ្ដាច់ការ បន្ទាប់ពីរម្លាយគណបក្សសង្គ្រោះជាតិ ៥ឆ្នាំមកនេះ
មន្ត្រីគណបក្សប្រឆាំង លើកឡើងថា រយៈពេល ៥ឆ្នាំដែលកម្ពុជាស្ថិតក្រោមការដឹកនាំរបស់ លោក ហ៊ុន សែន បានដឹកនាំប្រទេសបែបជិះសេះលែងដៃដែលបានបង្កទុកលំបាកដល់ប្រជាពលរដ្ឋជាបន្តបន្ទាប់។
[ អានព័ត៌មានពិស្តារ ... Opens in new window ]
២. គិតមកដល់ថ្ងៃទី១៦ វិច្ឆិកា ឆ្នាំ២០២២ ការរំលាយគណបក្សសង្រ្គោះជាតិ មានរយៈពេល ៥ឆ្នាំគត់។
អ្នកច្បាប់ថា សេចក្ដីសម្រេចរបស់តុលាការកំពូលឆ្នាំ២០១៧ ដែលរំលាយគណបក្សសង្គ្រោះជាតិ ដកហូតតំណែងតំណាងរាស្ត្រ ៥៥អាសនៈ និងរំលាយមុខតំណែងក្រុមប្រឹក្សាឃុំសង្កាត់ជាងប្រាំពាន់ (៥០០៦) និងហាមឃាត់មន្ត្រីជាន់ខ្ពស់នៃគណបក្សប្រឆាំងនេះ មិនឱ្យធ្វើនយោបាយ ៥ឆ្នាំនោះ បានរំលោភច្បាប់ជាច្រើន។
តើសាលដីការបស់តុលាការកំពូលនេះ បំពានច្បាប់បែបណាខ្លះ?
លោក ជី វិតា មានសេចក្ដីរាយការណ៍ជុំវិញរឿងនេះដូចតទៅ៖
៣ . អ្នកជំនាញថា ការឆ្លើយតបរបស់ចិន និងកម្ពុជារឿងធ្វើទំនើបកម្មកំពង់ផែរាម នៅតែមិនអាចធ្វើឱ្យអាមេរិកទុកចិត្តបានឡើយ
អ្នកជំនាញភូមិសាស្ត្រនយោបាយ និងអ្នកវិភាគ លើកឡើងថា ការឆ្លើយតបរបស់ចិន និងកម្ពុជាក្នុងរឿងធ្វើទំនើបកម្មកំពង់ផែរាម នឹងនៅតែមិនអាចធ្វើឱ្យភាគីសហរដ្ឋអាមេរិកទុកចិត្តបានឡើយ។
ផ្ទុយទៅវិញ ពួកគេថា បញ្ហាសង្ស័យពីរឿងវត្តមានកងទ័ពចិននៅកំពង់ផែរាម និងការណ៍ដែលចិនអាចបម្លែងកំពង់ផែរាមទៅជាមូលដ្ឋានទ័ពរបស់ខ្លួន នឹងរឹតតែតានតឹងឡើងរវាងភាគីអាមេរិក និងចិន ដែលកម្ពុជាមិនអាចមើលរម្លងបានឡើយ។
[ អានព័ត៌មានពិស្តារ ... Opens in new window ]
៤ . លោក ហ៊ុន សែនថា លោកមិនអាចចាត់តំណាងប្រជុំ G20 ព្រោះគេអញ្ជើញក្នុងនាមប្រធានអាស៊ាន
លោកនាយករដ្ឋមន្ត្រី ហ៊ុន សែន បកស្រាយក្នុងខ្សែអាត់សំឡេងកាលពីយប់ថ្ងៃទី ១៦ វិច្ឆិកាថា លោកមិនអាចចាត់តំណាង ដើម្បីចូលរួមកិច្ចប្រជុំកំពូលនៃក្រុមប្រទេសសេដ្ឋកិច្ចធំៗទាំង ២០ ហៅកាត់ថា G20 នៅប្រទេសឥណ្ឌូណេស៊ី (Indonesia) បាននោះឡើយ ព្រោះកម្ពុជាមិនមែនជាសមាជិកក្រុមប្រទេស G20។ លោកបញ្ជាក់ថា គម្រោងចូលរួមរបស់លោកនោះ គឺក្នុងឋានៈជាប្រធានអាស៊ាន តបតាមការអញ្ជើញរបស់ប្រទេសឥណ្ឌូណេស៊ី ដែលជាម្ចាស់ផ្ទះ។
[ អានព័ត៌មានពិស្តារ... Opens in new window ]
៥ . តើកម្ពុជាដែលដឹកនាំកិច្ចប្រជុំកំពូលអាស៊ាន បានជោគជ័យ និងបរាជ័យយ៉ាងណាខ្លះ?
វេទិកាអ្នកស្ដាប់វិទ្យុអាស៊ីសេរី នៅយប់ថ្ងៃទី១៥ ខែវិច្ឆិកា ស្ដីពីថា តើកម្ពុជាដែលដឹកនាំកិច្ចប្រជុំកំពូលអាស៊ាន បានជោគជ័យ និងបរាជ័យយ៉ាងណាខ្លះ?
វាគ្មិនកិត្តិយស៖ លោក សេង សារី អ្នកវិភាគនយោបាយ និងលោក សម រង្ស៊ី ប្រធានស្ដីទីគណបក្សសង្គ្រោះជាតិ។
[ សម្របសម្រួលដោយ លោក ជុន ច័ន្ទបុត្រ ទស្សនាលម្អិតដូចតទៅ៖ Opens in new window ]
៦. លោក មេធាវី ជួង ជួងី ថា ការចូលរួមឆាកនយោបាយ អាចជួយសង្គមបានច្រើន ជាងអាជីពជាមេធាវី
លោក មេធាវី ជួង ជួងី ដែលតែងចេញមុខការពារក្ដីក្រុមមេដឹកនាំគណបក្សប្រឆាំង ហើយគេដាក់រហ័សនាមថា ជាមេធាវី មិនដែលឈ្នះក្ដីនោះ ឥលូវនេះ លោកបានប្រកាសចូលធ្វើនយោបាយជាមួយគណបក្សភ្លើងទៀនហើយ ចាប់ពីថ្ងៃទី ១៧ ខែវិច្ឆិកានេះតទៅ។ លោកនឹងលៈបង់អាជីពជាមេធាវី ហើយវិលចូលឆាកនយោបាយវិញម្ដង សម្រាប់ការបោះឆ្នោតជាតិ ឆ្នាំ២០២៣ខាងមុខ។
តើមូលហេតុអ្វីបាន ជាលោក មេធាវី ជួង ជួងី អះអាងថា ការចូលរួមឆាកនយោបាយ អាចជួយសង្គមបានច្រើន ជាងអាជីពជាមេធាវី?
[ ទស្សនាបទសម្ភាសន៍របស់លោក ជុន ច័ន្ទបុត្រ ជាមួយលោក ជួង ជូងី ... Opens in new window ]
៧ . តុលាការក្រុងភ្នំពេញបានកោះហៅបុគ្គលិកណាហ្គាវើលដ៍ម្នាក់ទៀតបំភ្លឺ
សាលាដំបូងរាជធានីភ្នំពេញ បានកោះហៅបុគ្គលិកណាហ្គាវើលដ៍ (NagaWorld) ម្នាក់ទៀត ឱ្យបង្ហាញខ្លួនបំភ្លឺ ក្នុងសវនាការនៅថ្ងៃទី១៦ វិច្ឆិកា ផ្អែកតាមបណ្ដឹងរបស់ក្រុមហ៊ុន ដែលបានប្ដឹងពួកគាត់ ពីបទ រំលោភលំនៅឋាន ធ្វើឱ្យខូចដោយចេតនា មានស្ថានទម្ងន់ទោស និងបង្ខាំងដោយខុសច្បាប់។
[ អានព័ត៌មានពិស្តារ ... Opens in new window ]
៨ . អតីតយោធាកងដឹកជញ្ជូននៅខេត្តបាត់ដំបង ត្អូញត្អែរពីការចំណាយប្រាក់រត់ការសុំប្រាក់សង្គមកិច្ចពីរដ្ឋាភិបាល
អតីតទាហានកងដឹកជញ្ជូន២៥០នៅខេត្តបាត់ដំបង ត្អូញត្អែរពីការរត់ការធ្វើឯកសារស្នើសុំប្រាក់សង្គមកិច្ចចំណាយអស់ប្រាក់ច្រើន។ បញ្ហានេះ បណ្តាលឲ្យពួកគេ ជួបការលំបាកនិងប៉ះពាល់ដល់ជីវភាពរស់នៅ។ មន្ត្រីសង្គមស៊ីវិលយល់ថារដ្ឋាភិបាល និងស្ថាប័នពាក់ព័ន្ធគួរពិនិត្យ និងស្រាវជ្រាវដល់មូលដ្ឋាន ដើម្បីផ្ដល់ភាពកក់ក្ដៅ និងជួយដល់ពលរដ្ឋ។
អានព័ត៌មានពិស្តារ ...
៩ . អាជ្ញាធរខេត្តមណ្ឌលគិរីរងការចោទថា អសមត្ថភាពការពារព្រៃឈើនៅតំបន់ភ្នំអារក្សដែលសំបូរសត្វព្រៃ
នៅខេត្តមណ្ឌលគិរីឯណោះវិញ ភ្នំធម្មជាតិមួយកន្លែង ដែលជាជម្រកយ៉ាងសំខាន់របស់សត្វព្រៃ និងជាកន្លែងប្រតិបត្តិជំនឿសាសនា របស់ជនជាតិដើមភាគតិចព្នង ជាច្រើនគ្រួសារ បន្តទទួលរងការឈូសឆាយព្រៃឈើទ្រង់ទ្រាយធំ ដើម្បីទន្ទ្រានយកដីធ្វើជាកម្មសិទ្ធិខុសច្បាប់។ ប្រជាសហគមន៍ជនជាតិដើមភាគតិចថា ភ្នំធម្មជាតិបន្តរងការកាប់បំផ្លាញដោយសារតែការបណ្តែត បណ្តោយ របស់អាជ្ញាធរខេត្តមណ្ឌលគិរី។
[ អានព័ត៌មានពិស្តារ ... Opens in new window ]
១០ . មន្ត្រីសង្គមស៊ីវិលខេត្តកោះកុង ទាមទារឱ្យអាជ្ញាធរស៊ើបអង្កេតឧកញ៉ាម្នាក់ និងអ្នកពាក់ព័ន្ធរំលោភយកដីព្រៃកោងកាង
ពីខេត្តកោះកុងឯណោះវិញ មន្ត្រីសង្គមស៊ីវិល និងប្រជាសហគមន៍នេសាទ បន្តទាមទារឱ្យអាជ្ញាធរខេត្តនេះ ស៊ើបអង្កេត ឧកញ៉ាម្នាក់ រួមទាំងអ្នកពាក់ព័ន្ធ បានរំលោភយកដីព្រៃកោងកាង អស់ជាច្រើនហិកតារ ដើម្បីពុះដីឡូត៍ធ្វើអាជីវកម្ម។ ពួកគាត់អះអាងថា អាជ្ញាធរមូលដ្ឋានខេត្តនេះ នៅតែបើកដៃឱ្យបុគ្គលមានអំណាច ឈូសឆាយរំលោភយកដីព្រៃកោងកាងជាបន្តបន្ទាប់។
អានព័ត៌មានពិស្តារ ...
១១ . អាជ្ញាធរកំពុងតាមចាប់ខ្លួន អ្នកទោស៣នាក់ ដែលរត់ចេញពីពន្ធនាគារខេត្តក្រចេះ
កម្លាំងសមត្ថកិច្ច កំពុងស្រាវជ្រាវនិងតាមស្វែងរកចាប់ខ្លួនអ្នកទោស៣នាក់ ដែលបានលួចរត់ចេញ ពីពន្ធនាគារខេត្តក្រចេះ កាលពីយប់ថ្ងៃទី១៥ ខែវិច្ឆិកា។
គេហទំព័រហ្វេសប៊ុករបស់ស្នងការដ្ឋាននគរបាលខេត្តក្រចេះ កាលពីថ្ងៃទី ១៦ខែវិច្ឆិកា បញ្ជាក់ថា ពិរុទ្ធជនទាំង៣នាក់ ដែលបានលួចរត់ចេញពីពន្ធនាគារនោះ រួមមានឈ្មោះ ជឿន សរពេជ្រ ប្រិមប្រិយ និង ញិហ៍ តុលា។ ប៉ុន្តែសមត្ថកិច្ចមិនបានបញ្ជាក់ថា ពិរុទ្ធជនទាំង៣នាក់នោះ ជាប់ពាក់ព័ន្ធជាមួយបទល្មើសអ្វីនោះឡើយ។
វិទ្យុអាស៊ីសេរី នៅមិនទាន់អាចទាក់ទងស្នងការនគរបាលខេត្តក្រចេះ លោក ឧត្តមសេនីយ៍ទោ អ៊ូ សុបុណ្ណា បានទេ ដោយសារទូរស័ព្ទហៅចូលច្រើនដង តែគ្មានអ្នកលើក។ ក៏ប៉ុន្តែស្នងការប៉ូលិសខេត្តក្រចេះ ជូនដំណឹងថា ប្រសិនបើប្រជាពលរដ្ឋ បានឃើញនិងស្គាល់មុខសញ្ញា នៃអ្នកទោសទាំង៣នាក់នេះ អាចទាក់ទងមកលេខទូរស័ព្ទបន្ទាន់: 097 888 3131៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។