ព័ត៌មានសំខាន់ៗចំនួន ៧ ដែលលោកអ្នកនាងគួរអាននៅថ្ងៃពុធនេះ
2022.10.18
លោក សម រង្ស៊ី ប្រធានស្តីទីគណបក្សសង្គ្រោះជាតិ។
រូប៖ AP
១. លោក សម រង្ស៊ី ចាត់ទុកថា លោក ហ៊ុន សែន ជាឃាតករ និងជាជនក្បត់ជាតិ
លោក សម រង្ស៊ី បានឆ្លើយតបទៅលោកនាយករដ្ឋមន្រ្តីថា លោកមិនមែនជាជនក្បត់ជាតិដូចលោក ហ៊ុន សែន ចោទប្រកាន់ឡើយ។ លោក សម រង្ស៊ី អះអាងថា លោក ហ៊ុន សែន ទៅវិញទេ ជាជនក្បត់ជាតិ ដែលកាត់ទឹកដីកម្ពុជាឲ្យប្រទេសជិតខាងនោះ។ បន្ថែមពីនេះ លោក សម រង្ស៊ី អះអាងថា លោក ហ៊ុន សែន ថា មិនសម្លាប់លោកនោះ គឺបង្ហាញថា លោក ហ៊ុន សែន ជាមេឃាតក។
អានព័ត៌មានពិស្តារ...
២. តុលាការក្រុងភ្នំពេញចេញដីកាបង្គាប់ឱ្យសមត្ថកិច្ចចាប់ខ្លួនមន្ត្រីបក្សប្រឆាំង៥រូបពីបទញុះញង់
សាលាដំបូងរាជធានីភ្នំពេញកាលពីថ្ងៃម្សិលមិញនេះ បានប្រកាសសាលក្រមកំបាំងមុខផ្ដន្ទាទោសមន្ត្រីបក្សសង្គ្រោះជាតិចំនួន៥រូប និងពលករខ្មែរធ្វើការងារនៅប្រទេសថៃម្នាក់ ពីបទចោទប្រមាថព្រះមហាក្សត្រ និងបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម។ តុលាការក៏បានចេញដីកាបង្គាប់ឱ្យសមត្ថកិច្ចចាប់ខ្លួនមន្ត្រីបក្សប្រឆាំងទាំង៥រូបនេះដែរ។ ទោះយ៉ាងណា មន្ត្រីគណបក្សប្រឆាំងដែលតុលាការផ្ដន្ទាទោសថា ពួកគេមិនបានប្រព្រឹត្តល្មើសច្បាប់ដូចការចោទប្រកាន់ទេ។
អានព័ត៌មានពិស្តារ...
៣. អ្នកវិភាគ រិះគន់មន្ត្រីក្នុងស្ថាប័នរដ្ឋ ថាគ្មានគោលជំហរអព្យាក្រឹត្យ និងចាំតែបន្ទរតាមមេដឹកនាំ
អ្នកវិភាគ និងអ្នកតាមដានស្ថានការណ៍នយោបាយនៅកម្ពុជា រិះគន់មន្ត្រីក្នុងស្ថាប័នរដ្ឋ ថាគ្មានការប្រកាន់គោលជំហរអព្យាក្រឹត្យ និងចាំតែបន្ទរតាមមេដឹកនាំ។ ប្រតិកម្មនេះ ធ្វើឡើងបន្ទាប់ពីមន្ត្រីរាជការទាំងនោះបាននាំគ្នាចេញលិខិតថ្កោលទោសប្រធានស្ដីទីគណបក្សសង្គ្រោះជាតិលោក សម រង្ស៊ី តាមប្រសាសន៍របស់លោក ហ៊ុន សែន។ ពួកគាត់យល់ថា ទង្វើទាំងនេះកំពុងបង្ហាញពីភាពភ័យខ្លាច និងគ្មានភាពម្ចាស់ការលើខ្លួនឯង។
អានព័ត៌មានពិស្តារ...
៤. យុវជនរិះគន់លោក ហ៊ុន សែន ថាមិនហ៊ានប្រៀបធៀបការដឹកនាំរបស់ខ្លួនទៅនឹងប្រទេសជឿនលឿនទេ
យុវជនមួយចំនួនរិះគន់លោកនាយករដ្ឋមន្ត្រី ហ៊ុន សែន ថាមិនហ៊ានប្រៀបធៀបការដឹកនាំរបស់ខ្លួនទៅនឹងប្រទេសជឿនលឿននោះទេ ក្រៅពីបង្ហាញឱ្យពលរដ្ឋសម្លឹងមិនឆ្ងាយពីរបបឆ្នាំ១៩៧៩។ ពួកគេយល់ថា សាររបស់លោក ហ៊ុន សែន មិនបានជំរុញប្រទេសកម្ពុជាឱ្យរីកចម្រើន និងមានឱកាសប្រកួតប្រជែងជាមួយប្រទេសជិតខាងស្មើមុខស្មើមាត់លើឆាកអន្តរជាតិនោះទេ។
អានព័ត៌មានពិស្តារ...
៥. សមត្ថកិច្ចខេត្តត្បូងឃ្មុំហៅកោះ គ្រួសារអ្នកគាំទ្របក្សភ្លើងទៀនដែលត្រូវគេបាញ់សម្លាប់ មកសម្របសម្រួលបិទសំណុំរឿង
សមត្ថកិច្ចខេត្តត្បូងឃ្មុំ កោះហៅគ្រួសារអ្នកគាំទ្របក្សភ្លើងទៀន ដែលត្រូវឃាតកបាញ់សម្លាប់ក្នុងស្រែមក សម្របសម្រួលក្រៅប្រព័ន្ធតុលាការ ដើម្បីបិទបញ្ចប់សំណុំរឿង។ សង្គមស៊ីវិលយល់ថា ស្ថាប័នពាក់ព័ន្ធគួរពន្លឿនស្វែងរកជនដៃដល់មកផ្ដន្ទាទោសតាមច្បាប់ ដើម្បីផ្ដល់យុត្តិធម៌ដល់ជនរងគ្រោះ ដែលស្លាប់ និងពង្រឹងការអនុវត្តច្បាប់ ដើម្បីកាត់បន្ថយបទល្មើស។
៦. អាជ្ញាធរខេត្តព្រះវិហារ បង្ខំឱ្យពលរដ្ឋផ្តិតមេដៃ កាត់ឆ្វៀលដីព្រៃសហគមន៍ជីអោក ៣០០ ហិកតារ
នៅខេត្តព្រះវិហារឯណោះវិញ ប្រជាសហគមន៍ការពារព្រៃឈើ ចោទប្រកាន់អាជ្ញាធរមូលដ្ឋានខេត្តនេះថា ប្រើល្បិចបង្ខំឱ្យពលរដ្ឋផ្តិតមេដៃ ឯកភាពកាត់ឆ្វៀលដីព្រៃសហគមន៍ជីអោកទំហំ ៣០០ ហិកតារ ដើម្បីវិនិយោគឱ្យក្រុមហ៊ុនឯកជន ជាថ្នូរនឹងទទួលបានដីសម្បទានសង្គមកិច្ច។
៧. ពលករខ្មែរម្នាក់លះបង់សេចក្ដីសុខផ្ទាល់ខ្លួនដើម្បីបំពេញការងារជួយដល់ពលករខ្មែរដែលជួបទុក្ខលំបាកនៅប្រទេសថៃ
ពលករខ្មែរម្នាក់ ដែលតែងតែលះបង់ពេលវេលាផ្ទាល់ខ្លួនដោយមិនគិតពីការហត់នឿយ ដើម្បីធ្វើការស្ម័គ្រចិត្តជួយដល់ពលករខ្មែរ ដែលជួបទុក្ខលំបាកនៅប្រទេសថៃ។ មន្ត្រីសង្គមស៊ីវិលយល់ថា ពលករខ្មែរដែលចេះជួយសម្រាលទុក្ខគ្នាទៅវិញទៅមកនេះ ជារឿងល្អដែលធ្វើឱ្យពលករចេះសាមគ្គីគ្នាធ្វើការដើម្បីសង្គម។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- ពិធីមង្គលការរបស់ពលករខ្មែរនៅប្រទេសថៃ
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- អ្នកឃ្លាំមើល ថា លោក ហ៊ុន សែន ទំនងលែងទុកចិត្តអ្នកណាក្រៅពីកូនរបស់ខ្លួនហើយ
- លោក ស ខេង ចង់ឱ្យមានការធ្វើតេស្ដរកគ្រឿងញៀនលើពលរដ្ឋចាប់ពីអាយុ១៣ឆ្នាំដល់ក្រោម៤៥ឆ្នាំ
អត្ថបទពេញនិយម
នយោបាយ
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- លោក ហ៊ុន សែន មិនគាំទ្រដីកាតុលាការ ICC ដើម្បីចាប់ខ្លួនមេដឹកនាំរុស្ស៊ី
- មន្ត្រីសិទ្ធិមនុស្សថា ការចាប់ខ្លួនអ្នកគាំទ្រលោក កឹម សុខា ពីរនាក់ជាការបំបិទសិទ្ធិបញ្ចេញមតិ
- តុលាការចោទប្រកាន់ លោក យឹម ស៊ីណន និងលោក ហ៊ុន កុសល ពីបទប្រមាថព្រះមហាក្សត្រ និងបទញុះញង់
- ក្រសួងការបរទេសអាមេរិកថា ពលរដ្ឋកម្ពុជាពុំមានលទ្ធភាពអាចជ្រើសរើសរដ្ឋាភិបាលដែលពួកគេចង់បានឡើយ