ព័ត៌មាន​សំខាន់ៗ​ចំនួន ១០ ដែល​លោក​អ្នកនាង​គួរ​អាន​នៅ​ថ្ងៃ​ពុធ​នេះ

ដោយ អាស៊ីសេរី
2022.09.20
Share on WhatsApp
Share on WhatsApp
ព័ត៌មាន​សំខាន់ៗ​ចំនួន ១០ ដែល​លោក​អ្នកនាង​គួរ​អាន​នៅ​ថ្ងៃ​ពុធ​នេះ លោក​នាយករដ្ឋមន្ត្រី ហ៊ុន សែន ពេល​ជួបអ្នកគាំទ្រ​នៅ​សហរដ្ឋអាមេរិក មុខកិច្ចប្រជុំពិសេស​អាស៊ាន​អាមេរិក។
រូប៖ ហ្វេសប៊ុក

. លោក​នាយករដ្ឋមន្រ្តី ហ៊ុន សែន ប្រកាស​មិន​ជួប​អ្នក​គាំទ្រ​នៅ​បុរីញូវយ៉ក ខណៈគណបក្ស​ប្រឆំាង​គ្រោង​ធ្វើ​បាតុកម្ម

លោក​នាយក​រដ្ឋមន្ត្រី ហ៊ុន សែន ប្រកាស​ថា លោក​នឹង​មិន​រៀបចំ​ជួប​អ្នក​គាំទ្រ នៅ​បុរី​ញូវយ៉ក ខណៈ​លោក​ទៅ​ចូលរួម​មហាសន្និបាត​អង្គការ​សហប្រជាជាតិ លើក​ទី៧៧ នៅ​ចុង​សប្ដាហ៍​នេះ​ទេ។

អ្នក​វិភាគ​អះអាង​ថា លោកនាយករដ្ឋមន្រ្តី ហ៊ុន សែន ប្រកាស​មិន​ជួប​អ្នក​គាំទ្រ ខណៈលោក​មក​ចូល​រួម​មហាសន្និបាត​អង្គការ​សហប្រជាជាតិ​នៅ​បុរីញូវយ៉ក​នេះ  ដោយសារ​តែ​លោក​រវល់ និង​មាន​កម្មវិធី​នោះ ជា​រឿង​ចម្លែក។

អានព័ត៌មានពិស្តារ៖

ac8a37cc-b02d-4342-b4de-12a43a9c1d90.jpeg
លោកនាយករដ្ឋមន្ត្រី ហ៊ុន សែន។

. ចិន​ផ្ដល់​ជំនួយ​រថយន្ត​ជាង​១០០គ្រឿង និង​សម្ភារយោធា​ឱ្យ​ក្រសួង​ការពារជាតិ​កម្ពុជា

ក្រសួង​ការពារ​ប្រទេស​ចិន កាល​ពី​ថ្ងៃទី២០ ខែកញ្ញា ម្សិលមិញ បាន​ប្រគល់​រថយន្ត​ជាង​១០០គ្រឿង និង​សម្ភារៈយោធា​មួយចំនួន​ដល់​ក្រសួង​ការពារជាតិ​កម្ពុជា ក្រោម​ជំនួយ​ឥតសំណង​របស់​ប្រទេស​ចិន។ រដ្ឋមន្រ្តី​ការពារជាតិ​លោក ទៀ បាញ់ បញ្ជាក់ថា រថយន្ដ និង​សម្ភារៈទំនើបៗ ដែល​ភាគីចិន​ប្រគល់ឱ្យ​កម្ពុជា​នេះនឹង​ជួយ​ជំរុញ​សមត្ថភាព​កងទ័ព ក្នុង​ការ​បំពេញ​ភារកិច្ច​របស់​ខ្លួន​ថែម​មួយ​កម្រិត​ទៀត។ លើស​ពី​នេះ លោក ទៀ បាញ់ សរសេរ​នៅ​លើ​ហ្វេសប៊ុក​របស់​លោកថា ជំនួយ​នេះ​នឹង​ជួយ​ដល់​ការ​ហ្វឹកហ្វឺន​ជំនាញ​សង្គ្រោះ​គ្រោះ​មហន្តរាយ ជំនាញ​សុខាភិបាល​ និង​មនុស្ស​ធម៌ ការ​ពារ​សន្តិភាព ស្ថិរភាព​នយោបាយ សន្តិសុខ សណ្តាប់ធ្នាប់​សង្គម និង​ធានា​ការ​រស់​នៅ​សុខសាន្ត​របស់​ប្រជាជន។ ទាក់ទង​នឹង​ជំនួយ​យោធា​របស់​ប្រទេស​ចិន​នេះ កាល​ពី​ដើម​ខែកញ្ញា ប្រទេស​ចិន​ក៏​បាន​ផ្ដល់​រថយន្ត​ទំនើបចំនួន​១៥០គ្រឿង និង​សម្ភារៈយោធា​មួយចំ​នួន សម្រាប់​រដ្ឋាភិបាល​កម្ពុជា​ប្រើ​ប្រាស់​​ក្នុង​ផ្នែក​យោធា និងដឹកជញ្ជូនមន្រ្តីជាន់ខ្ពស់ នៅពេលកម្ពុជារៀបចំ​កិច្ចប្រចុំជុំកំពូលអាស៊ាន៕

Tea Banh.jpg
លោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិទស្សនារថយន្តយោធាដែលជាជំនួយឥតសំណងរបស់រដ្ឋាភិបាលចិន កាលពីថ្ងៃអង្គារ ទី២១ ខែកញ្ញា ឆ្នាំ២០២២។

.ក្រុម​ស្រ្តីថ្ងៃសុក្រ​ធ្វើបាយ​ម្ហូប​ជូន​គ្រួសារ​នៅ​ពន្ធនាគារព្រៃស​ក្នុង​ឱកាស​បុណ្យភ្ជុំបិណ្ឌ

ឱកាសភ្ជុំបិណ្ឌឆ្នាំនេះ ក្រុមស្រ្តី​ថ្ងៃ​សុក្រ​នាំគ្នា​ធ្វើ​ចង្ហាន់​ទៅ​វត្ត រៀបចំ​បាយម្ហូបផ្ញើជូនសមាជិក​គ្រួសារ​ដែល​កំពុង​ជាប់​ពន្ធនាគារ​ព្រៃស ស្របពេល​រដ្ឋាភិបាល​មិនព្រម​ដោះលែង​អ្នកជាប់ឃុំ​នយោបាយ​ឱ្យ​ជួប​ជុំគ្រួសារ​បាន​ធ្វើបុណ្យទាន​ដូចគ្រួសារ​ពលរដ្ឋខ្មែរផ្សេងទៀត​នោះ​ទេ។ មន្រ្តី​ជាន់ខ្ពស់​រដ្ឋាភិបាល​អះអាងថា ករណីនេះ គឺសមត្ថកិច្ច​របស់​តុលាការប៉ុន្តែមន្រ្តី​សិទ្ធិមនុស្ស​ថា បញ្ហានេះផ្តើមចេញ​ពីវិវាទ​នយោបាយ​រវាង​គណបក្ស​កាន់​អំណាច​និង​គណបក្ស​ប្រឆាំង​ដែល​ល្មមដល់​ពេល​រដ្ឋាភិបាល​ដោះស្រាយបញ្ចប់វិបត្តិនេះហើយ

អានព័ត៌មានពិស្តារ៖

305847062_5986040034773473_45327240381021069_n.jpg
ក្រុម​ស្ត្រី​ថ្ងៃ​សុក្រ​ ១៣​នាក់​មក​ធ្វើ​បុណ្យ​រួម​គ្នា​ និងបន្ត​ស្នើ​សុំ​ឱ្យ​តុលាការ​ក្រុង​ភ្នំពេញ​ទម្លាក់​បទ​ចោត​លើ​ក្រុម​គ្រួសារ​របស់​ពួកគាត់ និង​ដោះលែង​ជន​ជាប់​ឃុំ​នយោបាយ​ទាំង​អស់​ឱ្យ​មាន​សេរីភាព​វិញ។ រូប៖ ពលរដ្ឋផ្តល់ឱ្យ

. តុលាការ​ខេត្តតាកែវ​កោះហៅ អតីត​សកម្មជ​​​​​​​​​​​​​​​​​​​​​​​​​​​​​​​​​​នគណបក្ស​សង្គ្រោះជាតិ​ម្នាក់​ ចូល​បំភ្លឺ​ពី​បទ រួម​គំនិត​ក្បត់

ព្រះរាជអាជ្ញារង​នៃ​សាលាដំបូង ខេត្តតាកែវ លោក ទៀវ ពណ្ណរាយ  កោះហៅ​សកម្មជន​គណបក្ស សង្គ្រោះជាតិ​ម្នាក់ គឺ​លោក ថាវ រិទ្ធិ ឱ្យចូលរួម​ការ​ជំនុំជម្រះ​នៅ​សាលា​ដំបូង​ខេត្តតាកែវ នៅថ្ងៃទី៦ ខែ​តុលា ដោយ​ចោទ​ប្រកាន់​ពី​បទ​«រួមគំនិតក្បត់»មន្ត្រី​សង្គមស៊ីវិល​យល់​ថា ការ​កោះហៅ​នេះ គឺជា​ការ​គំរាម​កំហែង​ផ្នែក​នយោបាយ​លើ​សកម្មជន​គណបក្ស​ប្រឆាំង

អានព័ត៌មានពិស្តារ៖

4750932f-7f9c-4d8a-81b4-f247017c3a1b.jpeg
រូប៖ ហ្វេសប៊ុកគណបក្សភ្លើងទៀនខេត្តតាកែវ

. សាលាដំបូង​រាជធានី​ភ្នំពេញ​គ្រោង​ជំនុំជម្រះក្ដីស្ថាបនិក​គណបក្ស​បេះដូងជាតិ

សាលាដំបូង​រាជធានី​ភ្នំពេញ គ្រោង​បើក​សវនាការ​ជំនុំជម្រះក្ដី ស្ថាបនិក​គណបក្ស​បេះដូងជាតិ​លោក សៀម ភ្លុក នាពេល​ខាង​មុខ​ឆាប់ៗ​នេះមន្ត្រីសង្គមស៊ីវិល​នៅតែ​ជំរុញ​ទៅ​តុលាការ គួរ​ទម្លាក់​ចោល​ការ​ចោទ​ប្រកាន់​លើ​លោក សៀម ភ្លុក។

អានព័ត៌មានពិស្តារ៖

b870d49a-d85c-45a0-9f4e-5d652a0ef15c.jpeg
(ឆ្វេង) លោក សៀម ភ្លុក រូបសញ្ញាគណបក្សបេះដូងជាតិ និងលោកមេធាវី ជូង ជូងី។ រូប៖ ហ្វេសប៊ុកលោក សៀម ភ្លុក និង RFA

.មន្ត្រី​សង្គម​ស៊ីវិល​រិះគន់​ថា រដ្ឋាភិបាល​អសមត្ថភាព​គ្រប់គ្រង​អន្តោប្រវេសន៍​ខុស​ច្បាប់

មន្ត្រី​សង្គម​ស៊ីវិល​រិះគន់​ថា រដ្ឋាភិបាល​លោក ហ៊ុន សែន អសមត្ថភាព​ក្នុង​ការ​គ្រប់​គ្រង​អន្តោប្រវេសន៍​ខុស​ច្បាប់​ដែល​តែង​លួច​ឆ្លង​ដែន និង​ប្រព្រឹត្ត​បទល្មើស​នៅ​លើ​ទឹកដី​ខ្មែរ​តាម​ទំនើងចិត្ត។​ ប្រតិកម្ម​របស់​អង្គការ​ក្រៅ​រដ្ឋាភិបាល​នេះ ធ្វើឡើង​ក្រោយ​ពី​សមត្ថកិច្ច​បាន​ឃាត់​ខ្លួន​អន្តោប្រវេសន៍​ខុស​ច្បាប់​ជនជាតិ​ចិន និង​វៀតណាម​ជាង​១រយនាក់ (១៤១) ដែល​ពួកគេ​លបលួច​មក​រស់​នៅ និង​ធ្វើ​អាជីវកម្ម​នៅ​កម្ពុជា ដោយ​គ្មាន​លិខិត​ឆ្លង​ដែន​ត្រឹមត្រូវ​នៅ​ឡើយ



. កម្ពុជា​កំពុង​ក្លាយ​ជា​សង្គម​សក្ដិភូមិ ដោយសារ​គ្មាន​ច្បាប់​អនុបយោគ

ធនធាន​ធម្មជាតិ ដីធ្លី ព្រៃឈើ ភ្នំ ទន្លេ បឹង​បួរ និង​សមុទ្រ ជាដើម សុទ្ធ​សឹង​តែ​ជា​ទ្រព្យ​សម្បត្តិ​របស់​រដ្ឋ ដែល​មាន​កំណត់​នៅ​ក្នុង​រដ្ឋធម្មនុញ្ញ។ រដ្ឋ​មាន​កាតព្វកិច្ច​ចាត់ចែង​ឱ្យ​មាន​ផែនការ​ច្បាស់លាស់​ក្នុង​ការ​គ្រប់គ្រង​ធនធាន​ទាំងនេះ។ ក៏ប៉ុន្តែ រយៈពេល​ជា​ច្រើន​ឆ្នាំ​មក​នេះ រដ្ឋាភិបាល​លោក ហ៊ុន សែន ត្រូវ​បាន​គេ​មើល​ឃើញ​ថា គ្រប់គ្រង​សម្បត្តិ​ជាតិ​ទាំងនេះ​មិន​បាន​ត្រឹមត្រូវ​ឡើយ ហើយ​បន្តិច​ម្ដងៗ​ទ្រព្យ​សម្បត្តិ​ជាតិ​ជា​ច្រើន​បាន​ធ្លាក់​ទៅ​ក្នុង​ដៃ​ក្រុមហ៊ុន និង​បុគ្គល​ឯកជន។ តើ​បញ្ហា​នេះ​បណ្ដាល​មក​ពី​មូលហេតុ​អ្វី​ដែរ?



. ពលរដ្ឋរិះគន់​អាជ្ញាធរ ខ្វះ​ការ​ថែទាំ​ប្រាសាទ​ឯកភ្នំ

ប្រជាពលរដ្ឋ​រស់នៅ​ក្បែរ​ប្រាសាទ​ឯកភ្នំ ក្នុង​ខេត្តបាត់ដំបង លើកឡើងថា អាជ្ញាធរ​ក្នុង​មូលដ្ឋាន មិន​បាន​យក​ចិត្ត​ទុក​ដាក់​ថែ​រក្សា​ប្រាសាទ​បុរាណ​នេះ និង​បណ្ដោយ​ឱ្យប៉ះពាល់​ដល់​កេរ​ដំណែល​បុព្វបុរស ព្រមទាំង​វិស័យ​ទេសចរណ៍សង្គមស៊ីវិល​ជំរុញឱ្យ​អាជ្ញាធរ ស្ដារ​សោភ័ណ្ឌភាព​ប្រាសាទ​ឡើង​វិញ ដើម្បី​ទាក់ទាញ​ភ្ញៀវ​ទេសចរ​ឱ្យ​មក​កម្សាន្ត និង​បង្កើត​ឱកាស​ការងារ​ឱ្យ​ពលរដ្ឋ​ក្នុង​មូលដ្ឋាន



. កសិករចិញ្ចឹម​គោ ត្អូញត្អែរពី​តម្លៃគោ​ចុះ​ថោក ​លក់​មិន​បាន​ប្រាក់​កម្រៃ​សម្រាប់​ដោះស្រាយ​ជីវភាព​គ្រួសារ

កសិករ​ចិញ្ចឹម​គោ​ត្អូញត្អែរ​ពី​តម្លៃគោ​រស់​ចុះថោក និង​លក់​មិន​បាន​ប្រាក់​កម្រៃ​សម្រាប់​ដោះស្រាយ​ជីវភាព​គ្រួសារ កសិករ​អះអាង​ថា តម្លៃ​គោ​ចេះតែ​បន្ត​ចុះថោក និង​គ្មាន​ទីផ្សារ​ច្បាស់​លាស់ ដើម្បី​លក់​ក្នុង​តម្លៃ​សមរម្យ​ឡើយ មន្ត្រីសង្គមស៊ីវិល​មើល​ឃើញ​ថា ការ​នាំ​ចូល​សាច់​គោ​ពី​ប្រទេស​ជិត​ខាង​នាំអោយ​មាន​ការ​ប៉ះពាល់​ដល់​តម្លៃ​សាច់គោ​របស់​ពលរដ្ឋ​ក្នុង​ស្រុក

១០. ពលរដ្ឋ​នៅខេត្តបាត់ដំបង​នៅ​តែ​បន្តដាំ​ក្រចៅ​កូតលក់​ដោះស្រាយ​ជីវភាព

ប្រជាពលរដ្ឋ​ប្រមាណ​២០​គ្រួសារ​នៅ​ឃុំព្រែក​នរិន្ទ ស្រុកឯកភ្នំ ខេត្តបាត់ដំបង នៅតែបន្តដាំដើម​ក្រចៅ ដើម្បី​កូត​យក​សម្បក​លក់ សម្រាប់​ដោះស្រាយ​ជីវភាព​គ្រួសារ ក្រៅពី​របរ​ធ្វើស្រែ​ចម្ការតែទោះ​ជា​យ៉ាង​ណា​ពួកគាត់​ថា របរនេះ​អាច​នឹង​បាត់បង់ ព្រោះក្រចៅ​មិន​សូវ​មាន​ទីផ្សារ និង​តម្រូវ​ការ​តិចមន្រ្តីសង្គម​ស៊ីវិល​ថា រដ្ឋាភិបាល និង​ក្រសួង​ពាក់ព័ន្ធមាន​ភារកិច្ចក្នុង​ការរក​ទីផ្សារ​ក្រចៅ​ជូន​ប្រជាពលរដ្ឋ និង​ធ្វើយ៉ាងណា​ផ្សព្វផ្សាយ​ទៅ​កាន់​មហាជន​ឱ្យ​យល់​ដឹង​ពី​គុណតម្លៃ សារៈប្រយោជន៍​នៃ​ផលិតផល​ធម្មជាតិ​មួយ​នេះ

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។