លោក សម រង្ស៊ី អះអាង​ថា ប៉ូលិស​អន្តរជាតិ​មិន​ចាប់ខ្លួន​លោក​តាម​ការ​ស្នើ​សុំ​របស់​ក្រសួង​យុត្តិធម៌​ទេ

ដោយ ទីន ហ្សាការីយ៉ា
2022.11.04
លោក សម រង្ស៊ី អះអាង​ថា ប៉ូលិស​អន្តរជាតិ​មិន​ចាប់ខ្លួន​លោក​តាម​ការ​ស្នើ​សុំ​របស់​ក្រសួង​យុត្តិធម៌​ទេ លោក សម រង្ស៊ី​ ប្រធានស្ដីទី​គណបក្ស​សង្គ្រោះ​ជាតិ ក្នុងកម្មវិធីផ្សាយ​ កាលពីថ្ងៃទី១៤ ខែ​កញ្ញា ឆ្នាំ​២០២២។
RFA

លោក សម រង្ស៊ី​ ប្រធានស្ដីទី​គណបក្ស​សង្គ្រោះ​ជាតិ អស់សំណើច​ទៅ​នឹង​ក្រសួង​យុត្តិធម៌ ដែល​ស្នើ​ឲ្យ​ប៉ូលិស​អន្តរជាតិ អាំងទែរប៉ូល ចេញ​និវាទ​ក្រហម (Red Notice)​តាម​ចាប់ខ្លួន​លោក​។ លោក សម រង្ស៊ី អះអាង​ថា លោក​មិន​បាន​ធ្វើ​អ្វី​ខុស​ដូច​លោកនាយក​រដ្ឋមន្ត្រី ហ៊ុន សែន​ចោទប្រកាន់ ដែល​អាច​ធ្វើ​ឱ្យ​ប៉ូលិស​អន្តរជាតិ​ចាប់ខ្លួន​ឡើយ។

ការ​បញ្ចេញ​ប្រតិកម្ម​របស់​លោក សម រង្ស៊ី នេះ ធ្វើឡើង​ភ្លាមៗ ក្រោយពី​ក្រសួងយុត្តិធម៌​កាលពី​ថ្ងៃទី​២ វិច្ឆិកា បាន​បញ្ជា​ទៅ​នគរបាល​ជាតិ ឲ្យ​ទាក់ទង​ប៉ូលិស​អន្តរជាតិ​តាម​ចាប់ខ្លួន​លោក សម រង្ស៊ី​។ ប៉ូលីស​អាំងទែរប៉ូល​កម្ពុជា បាន​ស្នើសុំ​ប៉ូលិស​អន្តរជាតិ​រួចហើយ អំពី​ការ​ចាប់ខ្លួន​មេ​បក្ស​ប្រឆាំង​លោក សម រង្ស៊ី បញ្ជួន​ទៅ​កម្ពុជា​វិញ ដោយសារតែ​លោក​បាន​ប្រមាថ​ព្រះមហាក្សត្រ​ក្នុង​វីដេអូ​ឃ្លីប​ខ្លី​កាល​ពី​ពេល​ថ្មីៗ​នេះ។

ការ​ស្នើសុំ​ឲ្យ​ប៉ូលិស​អន្តរជាតិ​ចាប់ខ្លួន​លោក សម រង្ស៊ី នេះ បន្ទាប់​ពី​សាលាដំបូង​រាជធានី​ភ្នំពេញ បាន​ផ្ដន្ទាទោស​លោក សម រង្ស៊ី អស់​មួយ​ជីវិត ពី​បទ​ប្រមាថ​ព្រះមហាក្សត្រ កាលពី​ខែ​កញ្ញា​កន្លង​ទៅ។

សូម​ស្ដាប់​បទសម្ភាសន៍​របស់​លោក ទីន ហ្សាការីយ៉ា ជាមួយ​លោក សម រង្ស៊ី អំពី​បញ្ហា​នេះ​ដូច​តទៅ៖

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។