រដ្ឋមន្ត្រីការបរទេសកម្ពុជាជួបពិភាក្សាការងារជាមួយរដ្ឋមន្ត្រីការបរទេសអារ៉ាប៊ីសាអូឌីត
2022.03.20
ជំនួបរវាងរដ្ឋមន្ត្រីការបរទេសអារ៉ាប៊ីសាអូឌីត ព្រះអង្គម្ចាស់ ហ្វាសាល់ ប៊ីន ហ្វាហាន់ អាល់សូដ (Faisal bin Farhan Al Saud) និងរដ្ឋមន្ត្រីការបរទេសកម្ពុជា លោក ប្រាក់ សុខុន កាលពីថ្ងៃទី ១៨ ខែមីនា ឆ្នាំ២០២២។
រូប៖ ក្រសួងការបរទេស
លោក ប្រាក់ សុខុន រដ្ឋមន្ត្រីក្រសួងការបរទេសអះអាងថា ប្រទេសកម្ពុជា និងប្រទេសអារ៉ាប៊ីសាអូឌីត (Saudi Arabia) មានសក្ដានុពលខ្ពស់ក្នុងការទាញយកផលប្រយោជន៍ពីគ្នាទៅវិញទៅមក និងបង្កើនកិច្ចសហប្រតិបត្តិការលើគ្រប់វិស័យនៃប្រទេសទាំងពីរ។
លោក ប្រាក់ សុខុន បានសរសេរនៅលើបណ្ដាញសង្គមហ្វេសប៊ុករបស់លោក កាលពីថ្ងៃទី១៩ ខែមីនា ថា ក្នុងជំនួបការងារជាមួយរដ្ឋមន្ត្រីការបរទេសអារ៉ាប៊ីសាអូឌីត ព្រះអង្គម្ចាស់ ហ្វាសាល់ ប៊ីន ហ្វាហាន់ អាល់សូដ (Faisal bin Farhan Al Saud) កាលពីថ្ងៃទី ១៨ ខែមីនា ភាគីទាំងពីរ បានពិភាក្សាលើការពង្រឹងវិស័យពាណិជ្ជកម្ម ទេសចរណ៍ បច្ចេកវិទ្យា ថាមពល អប់រំ វប្បធម៌ និងវិស័យកសិកម្ម ជាដើម។
លោក ប្រាក់ សុខុន លើកទឹកចិត្តដល់ក្រុមអាជីវករ អារ៉ាប៊ីសាអូឌីត ឲ្យមកដាក់ទុននៅកម្ពុជា លើវិស័យកសិកម្ម ទេសចរណ៍ និងវិស័យថាមពលកកើតឡើងវិញ។ ចំណែកកម្ពុជាវិញ ក៏ចាប់អារម្មណ៍លើផ្នែកផលិតប្រេងឥន្ធនៈ និងឧស្ម័ន ព្រមទាំងស្នើឲ្យរដ្ឋាភិបាល អារ៉ាប៊ីសាអូឌីត ផ្តល់អាហារូបករណ៍ និងការហ្វឹកហ្វឺនជំនាញផ្នែកផលិតប្រេងឥន្ធនៈ និងឧស្ម័ន ដល់និស្សិតកម្ពុជាផងដែរ។
ក្នុងដំណើរទស្សនកិច្ចផ្លូវការមួយថ្ងៃនៅកម្ពុជា រដ្ឋមន្ត្រីការបរទេសអារ៉ាប៊ីសាអូឌីត ព្រះអង្គម្ចាស់ ហ្វាសាល់ ប៊ីន ហ្វាហាន់ អាល់ សូដ (Faisal bin Farhan Al Saud) ក៏បានជួបជាមួយលោកនាយករដ្ឋមន្ត្រី ហ៊ុន សែន កាលពីរសៀលថ្ងៃទី១៨ខែមីនា នៅវិមានសន្តិភាព។
ទិន្នន័យរបស់អង្គការសហប្រជាជាតិ ស្ដីពីពាណិជ្ជកម្មអន្តរជាតិ (COMTRADE បង្ហាញថា ការនាំចេញរបស់កម្ពុជាទៅ ប្រទេសអារ៉ាប៊ីសាអូឌីតក្នុងអំឡុងឆ្នាំ២០២០ គឺមានចំនួនទឹកប្រាក់ជាង៣លានដុល្លារ (៣,១) ចំណែកការនាំចូលរបស់កម្ពុជា ពីប្រទេសអារ៉ាប៊ីសាអូឌីតវិញ គឺមានចំនួន ជិត ១៦លានដុល្លារ (១៥,៩២)៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- ពិធីមង្គលការរបស់ពលករខ្មែរនៅប្រទេសថៃ
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- អ្នកឃ្លាំមើល ថា លោក ហ៊ុន សែន ទំនងលែងទុកចិត្តអ្នកណាក្រៅពីកូនរបស់ខ្លួនហើយ
- លោក ស ខេង ចង់ឱ្យមានការធ្វើតេស្ដរកគ្រឿងញៀនលើពលរដ្ឋចាប់ពីអាយុ១៣ឆ្នាំដល់ក្រោម៤៥ឆ្នាំ
អត្ថបទពេញនិយម
នយោបាយ
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- លោក ហ៊ុន សែន មិនគាំទ្រដីកាតុលាការ ICC ដើម្បីចាប់ខ្លួនមេដឹកនាំរុស្ស៊ី
- មន្ត្រីសិទ្ធិមនុស្សថា ការចាប់ខ្លួនអ្នកគាំទ្រលោក កឹម សុខា ពីរនាក់ជាការបំបិទសិទ្ធិបញ្ចេញមតិ
- តុលាការចោទប្រកាន់ លោក យឹម ស៊ីណន និងលោក ហ៊ុន កុសល ពីបទប្រមាថព្រះមហាក្សត្រ និងបទញុះញង់
- ក្រសួងការបរទេសអាមេរិកថា ពលរដ្ឋកម្ពុជាពុំមានលទ្ធភាពអាចជ្រើសរើសរដ្ឋាភិបាលដែលពួកគេចង់បានឡើយ