លោក កឹម សុខា សន្យារកយុត្តិធម៌ជូនលោកបណ្ឌិត កែម ឡី
2017.01.07
ប្រធានស្ដីទីគណបក្សសង្គ្រោះជាតិ លោក កឹម សុខា ទៅគោរពវិញ្ញាណក្ខន្ធបណ្ឌិត កែម ឡី នៅខេត្តតាកែវ នៅព្រឹកថ្ងៃទី៧ ខែមករា ឆ្នាំ២០១៧។ Photo/Kem Sokha facebook page
Photo/Kem Sokha facebook page
ប្រធានស្ដីទីគណបក្សសង្គ្រោះជាតិ លោក កឹម សុខា សន្យាថានឹងស្វែងរកយុត្តិធម៌ជូនវិញ្ញាណក្ខន្ធលោកបណ្ឌិត កែម ឡី។ លោក កឹម សុខា បានសន្យាបែបនេះនៅព្រឹកថ្ងៃទី៧ ខែមករា នៅពេលលោកទៅគោរពវិញ្ញាណក្ខន្ធលោកបណ្ឌិត កែម ឡី ដល់ទីកប់សពរបស់លោក នៅក្នុងខេត្តតាកែវ។
លោក កឹម សុខា បានសរសេរនៅទំព័រហ្វេសប៊ុក (Facebook) របស់លោកថា ថ្ងៃនេះជាលើកដំបូងហើយដែលលោកបានទៅគោរពវិញ្ញាណក្ខន្ធលោកបណ្ឌិត កែម ឡី ដោយផ្ទាល់នៅចំពោះមុខផ្នូររបស់លោក ដែលឋិតនៅក្នុងឃុំលាយបូរ ស្រុកត្រាំកក់។
លោក កឹម សុខា សរសេរទៀតថា លោកនៅចងចាំនូវរាល់កិច្ចពិភាក្សារវាងលោក និងលោក កែម ឡី ពីបញ្ហាប្រទេសជាតិ បញ្ហាសង្គម និងបញ្ហារបស់ប្រជាពលរដ្ឋ។ លើសពីនេះ លោក កែម ឡី ក៏បានផ្ដល់យោបល់ដល់លោក កឹម សុខា ពីវិមជ្ឈការអំណាចជូនដល់ពលរដ្ឋ តាមរយៈការធ្វើវិមជ្ឈការថវិកា ធនធានមនុស្ស និងសេវាសាធារណៈ។
លោកបណ្ឌិត កែម ឡី ត្រូវឃាតកបាញ់សម្លាប់កាលពីព្រឹកថ្ងៃទី១០ ខែកក្កដា ឆ្នាំ២០១៦ នៅក្នុងហាងលក់ទំនិញនៅស្ថានីយចាក់សាំងកាល់តិច (Caltex) ស្តុបបូកគោ។ លោក កឹម សុខា ពុំដែលបានទៅគោរពសពលោក កែម ឡី និងចូលរួមពិធីបុណ្យសពលោកឡើយ ដ្បិតលោក កឹម សុខា បានឃុំខ្លួនឯងនៅក្នុងទីស្នាក់ការបក្ស ក្រោយត្រូវអាជ្ញាធរប៉ុនប៉ងចាប់ខ្លួនក្នុងសំណុំរឿងអាស្រូវស្នេហារវាងលោក និងនាង ខុម ចាន់តារាទី ហៅស្រីមុំ។
ទាក់ទងនឹងសំណុំរឿងលោកបណ្ឌិត កែម ឡី នេះ ចៅក្រមស៊ើបសួរនៃសាលាដំបូងរាជធានីភ្នំពេញ កាលពីថ្ងៃទី២៣ ខែធ្នូ ឆ្នាំ២០១៦ បានសម្រេចបិទការសាកសួរនៅមុនពេលសំណុំរឿងនេះអាចនឹងត្រូវបញ្ជូនទៅជំនុំជម្រះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋរិះគន់ថា ភ្លើងឆេះព្រះឆាយាល័ក្ខណ៍ព្រះមហាក្សត្រ ជាការធ្វេសប្រហែសរបស់អាជ្ញាធរក្រុងភ្នំពេញ
- ប៉ូលិសថៃស៊ើបអង្កេតឃើញថា ករណីធ្វើឃាតលើលោក លិម គិមយ៉ា មានការរៀបចំជាប្រព័ន្ធ ដោយមានមេខ្លោងនៅកម្ពុជា
- អតីតតំណាងរាស្ត្រគណបក្សសង្គ្រោះជាតិលោក លិម គិមយ៉ា ត្រូវឃាតកបាញ់សម្លាប់នៅប្រទេសថៃ
- ខ្មាន់កាំភ្លើងមិនទាន់ហ៊ានលាតត្រដាងមេខ្លោងនៅពីក្រោយ ព្រោះបារម្ភពីសុវត្ថិភាពគ្រួសារ
- អតីតតំណាងរាស្ត្រគណបក្សសង្គ្រោះជាតិ លោក លិម គិមយ៉ា ដែលរិះគន់រដ្ឋាភិបាលត្រកូល ហ៊ុន ត្រូវឃាតកបាញ់សម្លាប់នៅប្រទេសថៃ
អត្ថបទពេញនិយម
សង្គម
- ភ្លើងឆេះរូបព្រះឆាយាល័ក្ខណ៍ព្រះមហាក្សត្រតាំងនៅមុខវាំងនៅយប់ឆ្លងឆ្នាំ
- លោក ហ៊ុន តូ ព្រមានចាត់វិធានការតាមច្បាប់លើលោក ហេង សិទ្ធី ដែលចោទលោកថា ឆបោកប្រាក់ជនបរទេស និងនៅពីក្រោយឧក្រិដ្ឋជនឆបោកតាមអនឡាញ
- ជនបរទេសជិត ៦០នាក់នាំគ្នារត់ចេញពីអគារអនឡាញរបស់លោក លី យ៉ុងផាត់ ក្នុងខេត្ត ឧត្តរមានជ័យ
- អតីតឧកញ៉ា ហេង សិទ្ធី បន្តចោទមន្ត្រីក្នុងជួររដ្ឋាភិបាលជាប់ពាក់ព័ន្ធនឹងឧក្រិដ្ឋកម្មឆបោកតាមអនឡាញ