សពបណ្ឌិត កែម ឡី ត្រូវបានដង្ហែដល់ខេត្តតាកែវហើយខណៈមានអ្នកចូលរួមប្រមាណ២លាននាក់
ដោយ វិទ្យុអាស៊ីសេរី
2016.07.24
2016.07.24
ក្បួនដង្ហែសពលោកបណ្ឌិត កែម ឡី នៅថ្ងៃទី២៤ ខែកក្កដា ឆ្នាំ២០១៦។
RFA/Brach Chev
សពរបស់បណ្ឌិត កែម ឡី ត្រូវបានដង្ហែដល់ស្រុកកំណើតរបស់លោក ក្នុងខេត្តតាកែវហើយ នៅល្ងាចម៉ោងប្រមាណ៦ នៅថ្ងៃទី២៤ កក្កដា នេះ បន្ទាប់ពីដង្ហែអស់រយៈពេលប្រមាណជាង ១១ម៉ោង។
ពិធីដង្ហែសពលោក កែម ឡី បានដង្ហែចេញពីវត្តពោធិយារាម ហៅវត្តចាស់ ខណ្ឌជ្រោយចង្វា រាជធានីភ្នំពេញ តាមពីម៉ោង៧ព្រឹកមក ឆ្ពោះមកកាន់ស្រុកកំណើតរបស់លោក នៅក្នុងភូមិអង្គតាកុប ឃុំលាយបូរ ស្រុកត្រាំកក់។
សមាជិកគណៈកម្មការបុណ្យ លោក ប៉ា ងួនទៀង សរសេរនៅលើហ្វេសប៊ុក (Facebook) របស់លោកថា តាមការប៉ាន់ប្រមាណរបស់គណៈកម្មការបុណ្យសពលោកបណ្ឌិត កែម ឡី ចំពោះអ្នកចូលរួមដង្ហែសព មានប្រមាណ ២លាននាក់ និងប្រវែងក្បួនប្រមាណ ៣០គីឡូម៉ែត្រ។
សពលោក កែម ឡី បានតម្កល់នៅក្នុងវត្តចាស់ ចំនួន១៥ថ្ងៃហើយ ក្រោយពីឃាតកបាញ់សម្លាប់លោក កាលពីថ្ងៃទី១០ កក្កដា មក។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មេធាវីគ្រោងដាក់សេចក្តីសន្និដ្ឋានទៅសាលាឧទ្ធរណ៍ភ្នំពេញបញ្ជាក់ពីភាពស្អាតស្អំលោក កឹម សុខា
- លោក ហ៊ុន សែន ស្នើតែងតាំងលោក គុយ សុផល ភ្លាមៗ «ខ្លាចព្រះមហាក្សត្រយកមនុស្សក្រៅពីបក្ខពួកខ្លួន»
- លោក ហ៊ុន ម៉ាណែត អះអាងថា យុវជន ៩នាក់ ដែលកំពុងជាប់ឃុំ ពាក់ព័ន្ធនឹង «គម្រោងផ្ដួលរំលំរដ្ឋាភិបាល»
- សមាគមឧកញ៉ារំឭកឧកញ៉ាឱ្យបង់វិភាគទានប្រចាំឆ្នាំ
- បទសម្ភាសន៍៖ អតីតមនុស្សជំនិតសម្ដេចក្រុមព្រះថា លោក ហ៊ុន សែន ជ្រៀតជ្រែកព្រះមហាក្សត្រលើការតែងតាំងរដ្ឋមន្ត្រីក្រសួងព្រះបរមរាជវាំងថ្មី
អត្ថបទពេញនិយម
សង្គម
- កម្មករវៀតណាមកំពុងសម្ងំធ្វើការក្នុងក្រុមហ៊ុនចម្ការចេកខេត្តរតនគិរី
- កម្ពុជា និងចិន «មិនអាចទប់ស្កាត់បញ្ហាឆបោកតាមអនឡាញ និងជួញដូរមនុស្សនៅកម្ពុជាបាន»
- សមត្ថកិច្ចឃាត់ខ្លួនជនជាតិចិន ៧នាក់ពាក់ព័ន្ធករណីផ្ទុះអាវុធនៅខេត្តព្រះសីហនុ
- អ្នកវិភាគថា ការផ្ដល់ជំនួយគ្រឿងយោធារបស់ឥណ្ឌូណេស៊ីមកឱ្យកម្ពុជា គឺដើម្បីកាត់បន្ថយឥទ្ធិពលចិន