ACU អំពាវនាវ​ឱ្យ​ពលរដ្ឋ​ផ្តល់​ព័ត៌មាន​ពី​អំពើពុករលួយ​ក្រោយ​បាន​បញ្ជូន​មន្ត្រី​ខ្លួន​ម្នាក់​ទៅ​តុលាការ​ពាក់ព័ន្ធ​នឹង​អំពើពុករលួយ

ដោយ សុជីវី
2022.01.31
ACU អំពាវនាវ​ឱ្យ​ពលរដ្ឋ​ផ្តល់​ព័ត៌មាន​ពី​អំពើពុករលួយ​ក្រោយ​បាន​បញ្ជូន​មន្ត្រី​ខ្លួន​ម្នាក់​ទៅ​តុលាការ​ពាក់ព័ន្ធ​នឹង​អំពើពុករលួយ អង្គភាព​ប្រឆាំង​អំពើ​ពុករលួយ។ រូបថត​ថ្ងៃ​ទី​២៧ មេសា ឆ្នាំ​២០១៦
RFA

អង្គភាព​ប្រឆាំង​អំពើពុករលួយ ហៅ​កាត់​ថា ACU អំពាវ​ដល់​សាធារណជន​ឱ្យ​ចូលរួម​ផ្ដល់​ព័ត៌មាន ដល់​អង្គភាព​បន្ទាន់​ភ្លាមៗ ប្រសិនបើ​មាន​ករណី​ជនខិលខូច​ណា​ម្នាក់ អះអាង​ថា ជា​មន្ត្រី​អង្គភាព ដើម្បី​ជួយ​សម្រួល​ដល់​កិច្ចការ​ល្មើស​ច្បាប់​ណាមួយ។

ការ​លើក​ទឹកចិត្ត​ដល់​ពលរដ្ឋ​របស់​អង្គភាព​ប្រឆាំង​អំពើពុករលួយ​នេះ​បន្ទាប់ពី​ស្ថាប័ន​ជាតិ​មួយ​នេះ កាលពី​ថ្ងៃទី​២៨ ខែ​មករា បាន​បញ្ជូន​មន្ត្រី​ខ្លួន​ម្នាក់​ទៅ​ឱ្យ​សាលាដំបូង​រាជធានី​ភ្នំពេញ ក្រោយ​ជន​សង្ស័យ​ប្រព្រឹត្តិ​អំពើពុករលួយ។

មន្ត្រី​ដែល ACU ចោទ​ប្រកាន់​នោះ​ឈ្មោះ ទូច ទិត្យវឌ្ឍនា ជា​មន្ត្រី​នាយកដ្ឋាន​កិច្ច​គតិយុត្តិ ពាក្យ​ប្តឹង និង​អន្តរជាតិ។ ACU ចោទ​ថា ជនសង្ស័យ​បាន​ប្រើប្រាស់​នីតិវិធី​នានា ក្នុងពេលដែល​ខ្លួន​កំពុង​ទទួលខុសត្រូវ​ទ​ទួល​ពិនិត្យ​ប្តឹង ដើម្បី​រក​ប្រយោជន៍​ចូលក្នុង​ហោប៉ៅ​ខ្លួនឯង។

ទាក់ទង​នឹង​អំពើពុករលួយ​នេះ អង្គការ​តម្លាភាព​អន្តរជាតិ ដែល​មាន​មូលដ្ឋាន​នៅ​ប្រទេស​អាល្លឺម៉ង់ (Germany) បាន​ចាត់​ថ្នាក់​កម្ពុជា ១៥៧ លើ​១៨០ ប្រទេស និង​ដែនដី ក្នុង​សន្ទស្សន៍​នៃ​ការ​យល់ឃើញ​ពី​អំពើពុករលួយ​ឆ្នាំ​២០២១​។ ជាមួយ​គ្នា​នេះ​កម្ពុជា​ក៏​ជា​ប្រទេស ដែល​មាន​កម្រិត​អំពើពុករលួយ​ខ្ពស់ ដោយ​ជាប់​ចំណាត់​ថ្នាក់ទាប​បំផុត​ក្នុងចំណោម​ប្រទេស​ជា​សមាជិក​អាស៊ាន​ទាំង​១០ និង​ចំណាត់​ថ្នាក់ទាប​បំផុត​ទី​៣​នៅក្នុង​តំបន់​អាស៊ី​ប៉ាស៊ីហ្វិក៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

ពុធពង្ស
Jan 31, 2022 06:56 PM

មេមាន់ក្រាបពងលើជង្រុកស្រូវពណ៌មាស ទ្រាំឯណាបាន យូរៗចឹកមួយ ញយៗដាក់ញឹក។