"កម្ពុជាជាកន្លែងផ្ដល់ឱកាសទីផ្សារសម្រាប់វៀតណាមដែលចង់វិនិយោគវិស័យកសិកម្ម"
2018.04.08
ចម្ការល្ហុងរបស់ចម្ការបន្លែធម្មជាតិសរីរាង្គ (Eco Agri Farm) នៅខេត្តកោះកុង កាលពីថ្ងៃទី៣១ ខែកក្កដា ឆ្នាំ២០១៦។
Photo: RFA
មន្ត្រីជាន់ខ្ពស់ផ្នែកកសិកម្មកម្ពុជាអះអាងថា កម្ពុជាជាកន្លែងផ្ដល់ឱកាសទីផ្សារសម្រាប់ក្រុមហ៊ុនវៀតណាម ដែលចង់ដាក់វិនិយោគទុនលើការកែច្នៃផ្លែឈើ បន្ថែ ទឹកដោះគោ និងចិញ្ចឹមត្រីជាដើម។ មានប្រសាសន៍ នៅក្នុងសិក្ខាសាលាមួយនៅទីក្រុង ហូជីមិញ ប្រទេសវៀតណាម មន្ត្រីក្រសួងកសិកម្មលោក មាជ យាឌី ត្រូវបានសារព័ត៌មានផ្សាយតាមអ៊ីនធឺណិត (Viet Nam News) ដកស្រង់សំដីថា កម្ពុជាបានធ្វើនយោបាយសមស្របមួយចំនួន ដើម្បីលើកទឹកចិត្តដល់វិនិយោគិនវៀតណាមមកបណ្ដាក់ទុនលើវិស័យកសិកម្មនៅកម្ពុជា។
កាសែតបន្តថា ក្រុមហ៊ុនវៀតណាមជាច្រើនបានបណ្ដាក់ទុននៅកម្ពុជារួចហើយ។ កម្ពុជាគ្រោងនឹងធ្វើពិព័រណ៍កសិកម្មមួយ នៅខែកញ្ញា ចាប់ពីទីថ្ងៃទី៥ ដល់ទី៩ នៅទីក្រុងភ្នំពេញ ដើម្បីឲ្យក្រុមហ៊ុនវៀតណាម ស្វែងយល់បន្ថែមពីឱកាសវិនិយោគនៅកម្ពុជា។
ក្នុងឱកាសពិព័រណ៍កសិកម្មនោះ កម្ពុជានឹងបង្ហាញពីបច្ចេកវិជ្ជា ឧបករណ៍ និងផលិតផលកសិកម្ម។ ពិព័រណ៍នេះ នឹងអាចទាក់ទងអ្នកចូលរួម តាំងពិព័រណ៍ពីប្រមាណ១៥ប្រទេសរួមមាន កូរ៉េខាងត្បូង សិង្ហបុរី ថៃ ចិន និងប្រទេសមួយចំនួនទៀត៕
កំណត់ចំណាំចំពោះនកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- តុលាការដោះលែងសកម្មជនគណបក្សប្រឆាំង និយមលោក កឹម សុខា គឺលោក យឹម ស៊ីណន ឱ្យនៅក្រៅឃុំបណ្ដោះអាសន្ន
- លោក ស ខេង ចង់ឱ្យមានការធ្វើតេស្ដរកគ្រឿងញៀនលើពលរដ្ឋចាប់ពីអាយុ១៣ឆ្នាំដល់ក្រោម៤៥ឆ្នាំ
- "លោក ហ៊ុន សែន សម្ញែងនាឡិកាដៃតម្លៃរាប់លានដុល្លារ បង្ហាញថា លោកជាមេដឹកនាំពុករលួយ"
- សង្គមស៊ីវិលប្រតិកម្មនឹងក្រសួងអប់រំដែលឱ្យសិស្សឈប់សំរាកយូរដើម្បីគាំទ្រកីឡាស៊ីហ្គេម
