បុរសម្នាក់ត្រូវសមត្ថកិច្ចចាប់ខ្លួនក្រោមបទចោទថាប៉ុនប៉ងបង្កអសន្តិសុខដល់របបភ្នំពេញ
2018.11.02
បុរស (អាវខ្មៅត្រូវសមត្ថកិច្ចក្រៀកក) ឈ្មោះ ប៉េង រ៉ា ត្រូវបានចាប់ខ្លួននៅខណ្ឌពោធិ៍សែនជ័យ កាលពីថ្ងៃទី១ ខែវិច្ឆិកា ឆ្នាំ២០១៨។
Photo courtesy of Fresh News
អាជ្ញាធរនៃរបបក្រុងភ្នំពេញកាលពីថ្ងៃទី១ វិច្ឆិកា បានចាប់ខ្លួនបុរសម្នាក់នៅខណ្ឌពោធិ៍សែនជ័យ ដែលអាជ្ញាធរអះអាងថា ជាក្រុមបក្ខពួកដែលប៉ុនប៉ងបង្កអសន្តិសុខ និងបំផ្ទុះភេរវកម្មប្រឆាំងរបបលោក ហ៊ុន សែន ។
លោក ប៉េង រ៉ា អាយុ៤៨ឆ្នាំ ត្រូវបានកម្លាំងសមត្ថកិច្ចចាប់ខ្លួនតាមដីកាតុលាការ។
អធិការនគរបាលខណ្ឌពោធិ៍សែនជ័យ លោក យឹម សារ៉ាន់ ត្រូវបានសារព័ត៌មានក្នុងស្រុកស្រង់សម្ដី ថា ជនសង្ស័យនេះគឺជាបក្ខពួកក្រុមចង់បំផ្ទុះភេរវកម្មក្នុងចំណោមបក្ខពួក ៨នាក់ដែលបានចាប់ខ្លួនកាលពីលើកមុននៅខេត្តព្រះវិហារ។
កាលពីថ្ងៃទី២ ខែតុលា កន្លងទៅ អាជ្ញាធរបានចាប់ជនសង្ស័យចំនួន ៨នាក់ នៅខេត្តព្រះវិហារ ដោយចោទថា ជាក្រុមជួញដូរអាវុធខុសច្បាប់ដែលចង់ផ្ដួលរំលំរដ្ឋាភិបាលនៃរបបក្រុងភ្នំពេញ និងជាប់ពាក់ព័ន្ធជាមួយចលនារណសិរ្សរំដោះជាតិខ្មែរ របស់លោក សម សេរី ដែលមានមូលដ្ឋាននៅប្រទេសដាណឺម៉ាក។ ប៉ុន្តែ ប្រធានចលនារណសិរ្សរំដោះជាតិខ្មែរ លោក សម សេរី បានបដិសេធថា លោកមិនមានជាប់ពាក់ព័ន្ធជាមួយនឹងមនុស្សទាំង ៨នាក់នោះទេ។ លោក សម សេរី ចោទអាជ្ញាធរកម្ពុជាថា ប្រើល្បិចកលទុច្ចរិត បង្កើតព្រឹត្តិការណ៍ បង្ខូចកេរ្តិ៍ឈ្មោះក្រុមរបស់លោក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- លោក ហ៊ុន សែន មិនគាំទ្រដីកាតុលាការ ICC ដើម្បីចាប់ខ្លួនមេដឹកនាំរុស្ស៊ី
- ពិធីមង្គលការរបស់ពលករខ្មែរនៅប្រទេសថៃ