ទីផ្សារអាកាសចរណ៍កម្ពុជាកើនខ្លាំងនៅដើមឆ្នាំ២០១៤
2014.07.24
អាកាសយានដ្ឋានអន្តរជាតិភ្នំពេញ
ទីផ្សារអាកាសចរណ៍កម្ពុជាកើនឡើង ១០ភាគរយនៅត្រីមាសទី១ ដើមឆ្នាំ២០១៤ ទោះបីមានអស្ថិរភាពនយោបាយនៅប្រទេសជិតខាង និងទីផ្សារទេសចរណ៍វៀតណាមមកកម្ពុជា ថយចុះយ៉ាងណាក្ដី។
ផ្អែកតាម របាយការណ៍វិភាគរបស់មជ្ឈមណ្ឌលអាកាសចរណ៍អន្តរជាតិមួយឈ្មោះថា កាប៉ា (CAPA) CENTRE FOR AVIATION) ចុះថ្ងៃទី២៤ កក្កដា មូលហេតុដែលនាំឲ្យទីផ្សារអាកាសចរណ៍កម្ពុជាកើនឡើងខ្លាំង គឺដោយសារថៃមានចលាចលនយោបាយ និងអាកាសចរណ៍ម៉ាឡេស៊ីធ្លាក់កេរឈ្មោះមិនល្អ ដោយសារមានយន្តហោះធ្លាក់ញឹកញាប់ពេក នៅឆ្នាំ២០១៤នេះ។ ទន្ទឹមពេលនេះ អ្នកទេសចរចិនបានសម្រុកមកលេងកម្ពុជាកាន់តែច្រើនឡើងៗ ទៀត។
កាប៉ា ដែលជាអង្គការមួយធ្វើការវិភាគទីផ្សារអាកាសចរណ៍នានាលើពិភពលោកនោះ ឲ្យដឹងថា គោលនយោបាយទីផ្សារអាកាសចរណ៍បើកជើងមេឃ របស់កម្ពុជា បានផ្ដល់ឱកាសល្អដល់អ្នកវិនិយោគនានា ឲ្យបង្កើតក្រុមហ៊ុនក្នុងស្រុកជាច្រើន ដើម្បីបម្រើសេវាទីផ្សារអាកាសចរណ៍ចិនដែលមានជើងហោះហើរពីគ្រប់ទិសទី ធ្វើឲ្យទីផ្សារអាកាសចរណ៍កម្ពុជាកើនឡើងប្រមាណ ១០ភាគរយ ទន្ទឹមពេលដែលអ្នកទេសចរចិន មកកម្ពុជាបានកើនឡើង ២០ ភាគរយនៅឆ្នាំនេះ។
ការវិភាគដដែលប្រមើលថា ទីផ្សារទេសចរណ៍កម្ពុជាជាមួយចិន នឹងកើនឡើងនៅទៀត នៅត្រីមាសទី២ ដោយសារមានការបង្កើនជើងហោះហើរ ច្រើនទៀត រវាងកម្ពុជានិងចិន ក្នុងនោះកម្ពុជាបានបើកជើងយន្តហោះឈ្នួល ២ ទៀត ដែលគាំទ្រដោយវិនិយោគិនចិន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- ពិធីមង្គលការរបស់ពលករខ្មែរនៅប្រទេសថៃ
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- អ្នកឃ្លាំមើល ថា លោក ហ៊ុន សែន ទំនងលែងទុកចិត្តអ្នកណាក្រៅពីកូនរបស់ខ្លួនហើយ
- លោក ស ខេង ចង់ឱ្យមានការធ្វើតេស្ដរកគ្រឿងញៀនលើពលរដ្ឋចាប់ពីអាយុ១៣ឆ្នាំដល់ក្រោម៤៥ឆ្នាំ
