បុគ្គលិករដ្ឋបាលធ្លាប់បម្រើការឲ្យក្រុមហ៊ុន អឹមហ្វូន ជាង ១៨ឆ្នាំ លោក ម៉ា សាមឿន បានឲ្យដឹងក្នុងពិធីជួបជុំព្រឹកថ្ងៃទី២ ខែមេសា ថា ដរាបណាមន្ត្រីក្រសួងពាក់ព័ន្ធមិនជួយដោះស្រាយទេ ពួកគេមានគម្រោងដើរហែក្បួនលើកបដាទៅតវ៉ាដល់មុខតុលាការសាលាដំបូង ស្ថានទូតមួយចំនួន មានថៃ ជាដើម ពិសេសនឹងទៅប្រមូលផ្តុំគ្នាមុខផ្ទះលោកនាយករដ្ឋមន្ត្រី ហ៊ុន សែន ដើម្បីឲ្យលោកជួយបើកប្រាក់អត្ថប្រយោជន៍ផ្សេងៗដល់ពួកគេ ឲ្យស្របតាមច្បាប់ការងារ នៅគ្រាថៅកែបានបិទទ្វារក្រុមហ៊ុននោះ។
តំណាងបុគ្គលិកក្រុមហ៊ុន អឹមហ្វូន ឲ្យដឹងថា មានលក្ខខណ្ឌចំនួន ៥ចំណុច ដែលបុគ្គលិក និងកម្មករក្រុមហ៊ុន អឹមហ៊្វូន ទាមទារ រួមមាន ស្នើផ្ដល់ប្រាក់ជួសជុលការជូនដំណឹងមុន ផ្ដល់ប្រាក់បណ្ដេញចេញពីក្រុមហ៊ុន ផ្ដល់ប្រាក់សងជំងឺចិត្ត ផ្តល់ប្រាក់ជួសថ្ងៃឈប់សំរាកប្រចាំឆ្នាំ និងប្រាក់ឈ្នួលចុងក្រោយ។
បុគ្គលិកនិងកម្មករក្រុមហ៊ុន អឹមហ្វូន នៅទូទាំងប្រទេសសរុបមានជាង ១ពាន់នាក់។ វិវាទនេះបានចាប់ផ្ដើមតាំងពីថ្ងៃទី១៥ ខែកុម្ភៈ ឆ្នាំ២០១៣៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។