ក្រដាសប្រាក់១ម៉ឺនរៀលថ្មី បានប្រកាសឲ្យចរាចរផ្លូវការហើយ បើយោងតាមអនុក្រឹត្យរបស់ប្រមុខរដ្ឋាភិបាល ចុះថ្ងៃទី៧ ឧសភា។
បន្ទាប់ពីទទួលបានអនុក្រឹត្យពីរដ្ឋាភិបាល ធនាគារជាតិក៏បានចេញសេចក្ដីប្រកាសពីលក្ខណៈសម្គាល់របស់ក្រដាសប្រាក់នោះផងដែរ ដើម្បីបញ្ចៀសការភាន់ច្រឡំដល់សាធារណជន ពីប្រកាសប្រាក់ថ្មីនេះ។
ទំហំក្រដាសប្រាក់១ម៉ឺនរៀលនេះមានបណ្ដោយប្រវែង ១៥៥មីលីម៉ែត្រ ទទឹង៧២មីលីម៉ែត្រ និងមាន៣ពណ៌គឺពណ៌ទឹកសមុទ្រ ពណ៌ទឹកក្រូច និងពណ៌ត្នោត។
លក្ខណៈសម្គាល់ពីខាងមុខ គឺមានរួបព្រះឆាយាល័ក្ខណ៍ ព្រះមហាក្សត្រ ព្រះបាទបរមនាថ នរោត្ដម សីហមុនី ឯផ្នែកខាងខ្នងមានរំលេចដោយរូបប្រាសាទនាគព័ន្ធ ក្នុងតំបន់អង្គរ ខេត្តសៀមរាបជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។