សមត្ថកិច្ចកំពុងតាមចាប់អ្នកទោសម្នាក់ដែលរត់គេចពេលព្យាបាលនៅមន្ទីរពេទ្យខែត្រកំពត
2017.09.11
ខេត្តកំពត។ RFA/Rann Samnang
Photo: RFA
សមត្ថកិច្ចខែត្រកំពត កំពុងតាមចាប់អ្នកទោសម្នាក់ឈ្មោះ ជ័រ ជរ ដែលបានរត់ចេញពីមន្ទីរពេទ្យបង្អែកខែត្រកំពត កាលពីថ្ងៃទី១០ កញ្ញា។
ប្រធានពន្ធនាគារខែត្រកំពត លោក ឯម បូ ប្រាប់អាស៊ីសេរី នៅថ្ងៃទី១១ កញ្ញា ថា អ្នកទោសរូបនោះជាប់ចោទពីបទជួញដូរ និងប្រើប្រាស់គ្រឿងញៀន មានជំងឺធ្ងន់ធ្ងរ ហើយត្រូវបានបញ្ជូនទៅព្យាបាលនៅមន្ទីរពេទ្យបង្អែកខែត្រ តាំងពីថ្ងៃទី២៤ ខែសីហា។ រហូតដល់ថ្ងៃទី១០ កញ្ញា វេលាម៉ោង ១៣ និង ៤០នាទី អ្នកទោសរូបនោះបានរត់ចេញពីមន្ទីរពេទ្យ។
ប្រធានពន្ធនាគារខែត្រកំពត អះអាងថា មកដល់ថ្ងៃទី១១ កញ្ញា នេះ សមត្ថកិច្ចបានដឹងពីតម្រុយខ្លះៗរបស់អ្នកទោសនោះហើយ និងកំពុងតាមចាប់ខ្លួន។ ប្រធានពន្ធនាគាររូបនេះអះអាងថា នេះគឺជាលើកទី១ សម្រាប់អ្នកទោសនៅខែត្រកំពត ដែលរត់គេចចេញពីពន្ធនាគារតាមរយៈមន្ទីរពេទ្យ ហើយខាងពន្ធនាគារនឹងបង្កើនការប្រុងប្រយ័ត្នចំពោះករណីនេះនៅលើកក្រោយទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- លោក ហ៊ុន សែន មិនគាំទ្រដីកាតុលាការ ICC ដើម្បីចាប់ខ្លួនមេដឹកនាំរុស្ស៊ី
- ពិធីមង្គលការរបស់ពលករខ្មែរនៅប្រទេសថៃ
