នាវាចម្បាំងជប៉ុនគ្រោងចូលចតផែព្រះសីហនុដើម្បីរំឭកខួបបេសកកម្មថែរក្សាសន្តិភាពនៅកម្ពុជា
2022.03.14
នាវាកងកម្លាំងស្វ័យការពារជើងទឹកជប៉ុនពីគ្រឿង នឹងធ្វើទស្សនកិច្ចនៅប្រទេសកម្ពុជាជាលើកដំបូង ក្នុងរយៈពេលបីឆ្នាំកន្លងមកនេះ ដោយចាប់ផ្តើមពីថ្ងៃទី១៥ ដល់១៧ ខែមីនា ឆ្នាំ២០២២។
រូប៖ ស្ថានទូតជប៉ុនប្រចាំនៅកម្ពុជា
នាវាចម្បាំងជប៉ុន ២គ្រឿង គ្រោងនឹងចូលចតនៅកំពង់ផែព្រះសីហនុដើម្បីរំឮកខួបនៃបេសកកម្មថែរក្សាសន្តិភាពនៅកម្ពុជាកាលពី៣០ឆ្នាំមុន។
ទីភ្នាក់ងារសារព័ត៌មានកម្ពុជា (AKP) រាយការណ៍នៅថ្ងៃទី១៤ ខែមីនា ឱ្យដឹងថា នាវាចម្បាំងជប៉ុនទាំងពីរគ្រឿងនេះ ប្រតិបត្តិដោយកងស្វ័យការពារលម្ហសមុទ្រជប៉ុន (JMSDF)។ នាវាទាំងនេះ នឹងមកបំពេញទស្សនកិច្ចរយៈពេល ៣ថ្ងៃ នៅកំពង់ផែខេត្តព្រះសីហនុ ចាប់ពីថ្ងៃទី១៥ ដល់ថ្ងៃទី១៧ ខែមីនា។ ក្នុងអំឡុងពេលទស្សនកិច្ចនេះ កងស្វ័យការពារលម្ហសមុទ្រជប៉ុនក៏គ្រោងនឹងទៅបំពេញទស្សនកិច្ចនៅមូលដ្ឋានកងទ័ពជើងទឹករាមដែរ។ ស្ថានទូតជប៉ុនប្រចាំកម្ពុជា បញ្ជាក់ប្រាប់ប្រភពដដែលថា ការចូលចតរបស់នាវាចម្បាំងជប៉ុននាពេលនេះ គឺជាឱកាសមួយដើម្បីរំឮកដល់ខួបលើកទី៣០នៃបេសកកម្មថែរក្សាសន្តិភាពនៅកម្ពុជា។
ការគ្រោងទៅបំពេញទស្សនកិច្ចរបស់កងស្វ័យការពារលម្ហសមុទ្រជប៉ុននៅមូលដ្ឋានកងទ័ពជើងទឹករាម ដែលជាផ្នែកមួយនៃដំណើរទស្សនកិច្ចនេះ កើតមានឡើងស្របពេលដែលរឿងរ៉ាវនៃការសង្ស័យរបស់អាមេរិកដែលថា កម្ពុជាលួចអនុញ្ញាតឱ្យចិនប្រើប្រាស់មូលដ្ឋានកងទ័ពជើងទឹករាមផ្ដាច់មុខ នៅមិនទាន់ជ្រះស្រឡះនៅឡើយ។ កម្ពុជាបានបដិសេធយ៉ាងដាច់អហង្ការចំពោះព័ត៌មាននេះ។ សហរដ្ឋអាមេរិកនៅតែជំរុញឱ្យភាគីកម្ពុជាបង្ហាញតម្លាភាពជុំវិញបញ្ហានេះ និងធ្វើយ៉ាងណារក្សាអព្យាក្រឹត្យក្នុងគោលនយោបាយការបរទេសរបស់ខ្លួន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
