ស.រ.អា.​យក​ចិត្ត​ទុក​ដាក់​ដល់​ការវិវត្តន៍​នៅក្នុង​ប្រទេស​កម្ពុជា

នៅ​ក្នុង​សុន្ទរកថា​មួយ​ដែល​បាន​ធ្វើ​ឡើង​ដោយ​ភារធារី​ស្ថានទូត​សហរដ្ឋ​អាមេរិក​នៅ​កម្ពុជា កាលពី​ថ្ងៃ​ទី​១២​ម្សិលមិញ ស្តីពី​មុខងារ​ឬ​តួនាទី​របស់​អាមេរិក​នៅ​អាស៊ី លោកស្រី Piper Wind Campbell បាន​មាន​ប្រសាសន៍​ថា សហរដ្ឋ​អាមេរិក​បាន​យក​ចិត្ត​ទុក​ដាក់​ដល់​ការវិវត្តន៍​នៅ​ក្នុង​ប្រទេស​កម្ពុជា។

លោកស្រី​ថា​ករណី​ខ្លះ​កម្ពុជា​បាន​ដើរ​ទៅ​មុខ​ហើយ​ចំណែក​ករណី​ខ្លះ​គឺ​គ្មាន​ការកែប្រែ​ឡើយ។ ប៉ុន្តែ​អ្វី​ដែល​អាមេរិក​ចង់​បាន​ហើយ​ជំរុញ​ឲ្យ​រដ្ឋាភិបាល​កម្ពុជា​អនុម័ត​ឲ្យ​បាន​ឆាប់​រហ័ស​នោះ​គឺ​ច្បាប់​ប្រឆាំង​អំពើ​ពុក​រលួយ។

លោកស្រី​បន្ថែម​ថា ចាប់​តាំង​ពី​ឆ្នាំ​១៩៩៣​មក​សហរដ្ឋ​អាមេរិក​បាន​ផ្តល់​ជំនួយ​ឲ្យ​កម្ពុជា​ចំនួន​២៧០​លាន​ដុល្លារ​អាមេរិក​ហើយ៕