ទំព័រហ្វេសប៊ុករបស់លោកនាយករដ្ឋមន្ត្រី ហ៊ុន ម៉ាណែត បានបង្ហោះអំឡុងកិច្ចប្រជុំនេះថា គោលបំណងនៃកិច្ចប្រជុំនេះ ដើម្បីសម្រេចឱ្យមានបទឈប់បាញ់គ្នាជាបន្ទាន់ ដែលនាយករដ្ឋមន្ត្រីកម្ពុជានិងថៃ បានឯកភាពគ្នាតាមគំនិតផ្ដួចផ្ដើមរបស់ប្រធានាធិបតីសហរដ្ឋអាមេរិកលោក ដូណាល់ ត្រាំ (Donald Trump)។
លោក ដូណាល់ ត្រាំ បាននិយាយទូរស័ព្ទជាមួយលោកនាយករដ្ឋមន្ត្រី ហ៊ុន ម៉ាណែត និងនាយករដ្ឋមន្ត្រីស្ដីទីលោក ភូមិថាំ វេឆាយ៉ាឆៃ (Phumtham Wechayachai) ដោយតម្រូវឱ្យមានបទឈប់បាញ់គ្នា បើកម្ពុជានិងថៃចង់បានកិច្ចព្រមព្រៀងពាណិជ្ជកម្មថ្មីជាមួយសហរដ្ឋអាមេរិក។ សហរដ្ឋអាមេរិកបានដំឡើងពន្ធលើកម្ពុជានិងថៃចំនួន៣៦%ដូចគ្នា ហើយកម្ពុជានិងថៃ កំពុងព្យាយាមសុំចរចាដើម្បីឱ្យសហរដ្ឋអាមេរិកបញ្ចុះអត្រាពន្ធនេះបន្ថែមទៀត៕
សូមរង់ចាំអានព័ត៌មានពិស្ដារ!
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។