ກອງ​ຫລອນ ເກັບ​ເງິນ ຈາກຄົນ​ຫາໜໍ່ໄມ້ ໃນເຂດບ້ານອື່ນ

ສິດນີ
2018-08-17
ອີແມວລ໌
ຄໍາເຫັນ
Share
ພິມ
ຫາກບໍ່ແມ່ນ ປະຊາຊົນ ບ້ານນາສາວ ເມືອງໄຊ ແຂວງ ອຸດົມໄຊ ມາຫາໜໍ່ໄມ້ໃນປ່າ ຕ້ອງເສັຽພັນທະໃຫ້ບ້ານ
ຫາກບໍ່ແມ່ນ ປະຊາຊົນ ບ້ານນາສາວ ເມືອງໄຊ ແຂວງ ອຸດົມໄຊ ມາຫາໜໍ່ໄມ້ໃນປ່າ ຕ້ອງເສັຽພັນທະໃຫ້ບ້ານ
Screen captured: https://tinyurl.com/yblacobz

ໃນມື້ວັນທີ 16 ສິງຫາຜ່ານມາ ກອງຫລອນ ທີ່ບ້ານນາສາວ ເມືອງໄຊ ແຂວງອຸດົມໄຊ ໄດ້ລັດເກັບເງິນ ຊາວບ້ານຜູ້ທີ່ ໄປຫາໜໍ່ໄມ້ ຄົນລະ 30 ພັນກີບ ໂດຍບອກວ່າ ເປັນຄ່າຊັພຍາກອນ ທັມມະຊາດ ຂອງບ້ານນາສາວ ເນື່ອງຈາກ ຜູ້ມາຫາໜໍ່ໄມ້ນັ້ນ ເປັນຄົນ ຈາກບ້ານອື່ນ.

ຫລັງຈາກ ວີ​ດີ​ໂອ (video) ດັ່ງກ່າວ ລົງໄປໃນເຄືອຂ່າຍ ອິນເຕີເນັດ, ປະຊາຊົນ ກໍປະນາມ ການກະທຳ ດັ່ງກ່າວ ຂອງເຈົ້າໜ້າທີ່ ກອງຫລອນ ຖືວ່າ ເປັນການເອົາປຽບ ແລະ ຍັກຍອກເງິນ ປະຊາຊົນ ຜູ້ທຸກຍາກ ຕ້ອງການ ທາງການ ລົງໄປກວດກາໂດຍດ່ວນ.

ກ່ຽວກັບ ເຣື້ອງນີ້ ເອເຊັຽເສຣີ ກໍໄດ້ຕິດຕໍ່ໄປຫາ ຫ້ອງການປ້ອງກັນຄວາມສງົບ ເມືອງໄຊ ເພື່ອຢາກຮູ້ຄວາມຈິງ, ຊຶ່ງເຈົ້າໜ້າທີ່ ທ່ານນຶ່ງ ອະທິບາຍວ່າ ການກະທຳດັ່ງກ່າວ ຂອງກອງຫລອນ ເປັນການກະທຳ ທີ່ຖືກຕ້ອງ ເພາະວ່າ ປະຊາຊົນ ໄປເກັບໜໍ່ໄມ້ ໃນເຂດຫວງຫ້າມ ຂອງບ້ານດັ່ງນັ້ນ ຕ້ອງໄດ້ ເສັຽພັນທະ ໃຫ້ແກ່ບ້ານ, ດັ່ງທ່ານກ່າວວ່າ:

"ມັນເປັນເຂດຫວງຫ້າມ ຂອງບ້ານຂະເຈົ້າ ມັນມີ ຣະບຽບ ຂອງມັນເນາະ ໃນການຈັດຕັ້ງ ປະຕິບັດ ມັນກໍຖືກຕ້ອງແລ້ວ, ແຕ່ວ່າ ໃນຮູບການ ແກ້ໄຂຫັ້ນ ມັນບໍ່ຖືກ ຂະເຈົ້າ ກະບໍ່ເຂົ້າໃຈ ຄົນເປັນພົລເມືອງ ຂອງບ້ານອື່ນ ຫັ້ນນ່າ ແລ້ວຂະເຈົ້າ ກະປະຕິບັດ ກົດຣະບຽບ ຂອງບ້ານຫັ້ນ."

ລ່າສຸດ ຫ້ອງການ ປ້ອງກັນຄວາມສງົບ ທີ່ເມືອງໄຊ ກໍເອີ້ນເຈົ້າໜ້າທີ່ ກອງຫລອນ ກຸ່ມດັ່ງກ່າວ ຮ່ວມທັງ ພໍ່ບ້ານ ແລະ ປະຊາຊົນ ຜູ້ຖ່າຍຮູບ ພາບດັ່ງກ່າວ ມາສຶກສາອົບໂຮມ ແລະ ຊີ້ແຈງ ກ່ຽວກັບ ກົດຣະບຽບ ຂອງບ້ານ ໂດຍລະອຽດ ຫລັງຈາກນັ້ນ ເຈົ້າໜ້າທີ່ ຈະໃຫ້ຫ້ອງການ ຖແລງຂ່າວ ແລະ ວັທນະທັມ ທ້ອງຖິ່ນ ເປັນຜູ້ແກ້ຂ່າວນີ້ ເພື່ອໃຫ້ ປະຊາຊົນ ຮັບຮູ້ ແລະ ບໍ່ເຂົ້າໃຈຜິດ ຂອງການກະທຳ ຂອງເຈົ້າໜ້າທີ່ບ້ານ ໃນບັນຫາດັ່ງກ່າວ.

ຄໍາເຫັນ (2)
Share

ລາວ

ຈາກ ພາກໄຕ້

ເບິ່ງຕອນນີ້ບໍ່ຮູ້ວ່າສປປລາວ ທີ່ມີຜູ້ນໍາທີ່ສລາດສ່ອງເຫັນໝົດທຸກສິ່ງ ເພື່ອໄຫ້ປະເທດຊາດພົ້ນທຸກ ແລະບໍ່ຄູດເນື້ອເຖືອໜັງສໍ້ລາດບັງຫຼວງ ພໍ່ແມ່ປະຊາຊົນໂອ້ຍຈັ່ງແມ່ນຄັກ! ພໍ່ແມ່ພີ່ນ້ອງປະຊາຊົນລາວເຮົາທົ່ວປະເທດ ຫຼືວ່າທົ່ວໂລກຄົງເຫັນແລ້ນໍ້ ແລະຄົງຈະເຂົ້າໃຈຄໍາວ່າຂູດເນື້ອຂູດໜັງ ສໍ້ລາດບັງຫຼວງ ຂອງຜູ້ນໍາຢູ່ໃນລາວນໍ້! ນາຍຂັ້ນບ້ານແລະຂັ້ນເທິງ ບອກວ່າກອງຫຼອນເຮັດຕາມໜ້າທີ່ ແລະເຮັດຖືກຕ້ອງແລ້ວ ວ່າຊັ້ນຕາມຄໍາບອກເຫຼົ່າ! ຂັ້ນຫຼຸ່ມຂະນາດນີ້ແລ້ວຂັ້ນເທິງ ແລະຂັ້ນສູງເດມັນຈະຂະນາດໃດ? ນໍ່ໄມ້ຍັງບໍ່ໃຫ້ລອດແລ້ວ ທຸກສິ່ງທຸກຢ່າງ ຢູ່ໃນປະເທດມັນສິຍັງເຫືລອຫັຍງແນ່ ພໍ່ແມ່ພີ່ນ້ອງຄິດເບິ່ງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 23, 2018 08:08 AM

(

Where I live I can go pick up mushrooms in the fall wherever I like. And there are hundreds of thousands of people doing it as recreational activities. There're no fees to pay and there're no communist local militiamen who impose the payment at gunpoint. Lao state-party you are scums of the world. You kill your country, you kill your little people, you drown your people, you steal their lands.....( the list is long ) what do you want more ? Billions of $ for you that's not enough? It's time for you to go and never come back.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 22, 2018 06:21 AM

ເຕັມຫນ້າ