ຂ.ຫົວພັນຈະສ້າງເຂຶ່ອນກວ່າ 10 ແຫ່ງ

ສິດນີ
2015.12.14
F-Houaphanh ແຂວງຫົວພັນ
RFA
ສຽງບັນທຶກໄວ້ ດາວໂລ້ດ

ເຈົ້າຫນ້າທີ່ ຫ້ອງການ ພລັງງານ ແລະ ບໍ່ແຮ່ ທີ່ ແຂວງຫົວພັນ ກ່າວວ່າ ໃນ ປັດຈຸບັນ ແຂວງຫົວພັນ ກຳລັງ ສ້າງເຂື່ອນ 5 ເຂື່ອນ ຊື່ງ ເປັນເຂື່ອນ ຂນາດກາງ ແລະ ຂນາດນ້ອຍ ສ້າງໃສ່ ລໍານ່້ຳ ສາຂາ ໃນແຂວງ, ທາງການ ແຂວງ ມີແຜນ ຈະສ້າງ 10 ກວ່າ ເຂື່ອນ ແຕ່ຍັງ ບໍ່ມີກຳນົດ ວັນ ເວລາ ວ່າຈະສ້າງ ເມື່ອໃດ. ດັ່ງ ທ່ານກ່າວ ໃນຕອນນຶ່ງ ວ່າ:

"ທີ່ກຳລັງ ກໍ່ສ້າງ ຢູ່ເວລານີ້ ມີ 5 ບ່ອນ ມີເຂື່ອນ ນ້ຳສີມ ພາວເວີ ເຂື່ອນ ນ້ຳເປີ້ນ1 ນ້ຳເປີ້ນ2 ເຂື່ອນ ນ້ຳຮາວ ນ້ຳມອນ, ທີ່ ເຊັນ MOU ໄປແລ້ວນັ້ນ ມີຫຼາຍເຂື່ອນ ມີສີບປາຍ ເຂື່ອນ ພຸ້ນແຫຼ້ວ".

ທ່ານກ່າວ ຕື່ມວ່າ ເຂື່ອນ ໄຟຟ້າ ທີ່ກຳລັງ ສ້າງຢູ່ໃນ ປັດຈຸບັນ ທີ່ ແຂວງຫົວພັນ ຈະຜລິດ ໄຟຟ້າ ເພື່ອໃຊ້ ພາຍໃນປະເທດ ເທົ່ານັ້ນ ບໍ່ໄດ້ສົ່ງ ຂາຍໄປ ຕ່າງປະເທດ ແຕ່ຢ່າງໃດ.

ຣາຍງານ ຈາກ ຫນັງສືພີມ ມະຫານະຄອນ ຂອງໄທ ຣະບຸວ່າ ສປປລາວ ກຳລັງ ຢູ່ໃນການ ກໍ່ສ້າງເຂື່ອນ ໄຟຟ້າ ຈຳນວນ 39 ເຂື່ອນ ໃນ ປັດຈຸບັນ ໃນນັ້ນ 20 ເຂື່ອນ ມີກຳນົດ ສ້າງໃຫ້ແລ້ວ ພາຍໃນ ປີ 2020 ຊື່ງ ຈະເຮັດໃຫ້ ປະເທດລາວ ມີຣາຍໄດ້ ເພີ້ມຂຶ້ນ ແລະ ປະຊາຊົນ ລາວ ກໍຈະສາມາດ ເຂົ້າເຖີງ ການໃຊ້ ໄຟຟ້າ ຫຼາຍຂຶ້ນ ໃນ ທົ່ວປະເທດ ໃນແຜນການ ພັທນາ ເສຖກິດ ສັງຄົມ ເພື່ອ ຫລຸດຜ່ອນ ຄວາມທຸກຍາກ ໃນລາວ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.