ເຂື່ອນປາກແບງຈະເລີ້ມແລ້ວ

ມະນີຈັນ
2016-11-10
ອີແມວລ໌
ຄໍາເຫັນ
Share
ພິມ
ແມ່ນໍ້າຂອງ ທີ່ກໍາລັງຖືກ ຄຸກຄາມແຕ່ເໜືອຮອດໃຕ້
ແມ່ນໍ້າຂອງ ທີ່ກໍາລັງຖືກ ຄຸກຄາມແຕ່ເໜືອຮອດໃຕ້
RFA

ປັດຈຸບັນ ເຂື່ອນ ປາກແບງ ທີ່ ແຂວງ ອຸດົມໄຊ ຢູ່ໃນຣະຫວ່າງ ກະຕຣຽມ ການກໍ່ສ້າງ ເພື່ອປຸກສ້າງ ບ່ອນພັກເຊົາ ຂອງ ຄົນງານ ແລະ ນຳເອົາ ນັກວິຊາການ ຈີນ ເຂົ້າມາ. ຕາມຄຳເວົ້າ ຂອງ ເຈົ້າໜ້າທີ່ ຜແນກ ພລັງງານ ແລະ ບໍ່ແຮ່ ແຂວງ ອຸດົມໄຊ ຕໍ່ RFA ໃນວັນທີ 9 ພຶສຈິກາ:

"ຂະເຈົ້າກະກຽມຢູ່ ປັບໜ້າດິນ ບ່ອນເຂົາຕັ້ງ ແຄັມຫັ້ນ ເທົ່ານັ້ນໃດ ຄົນຈີນ ຂະເຈົ້າ ກະມີຢູ່ ແຕ່ບໍ່ຫຼາຍ ວິຊາການ ຂະເຈົ້າ ເຂົ້າມາເບິ່ງ ຊື່ໆນະ ສິແມ່ນປີ ໜ້າ 2017 ພຸ້ນແຫຼະ ອັນອື່ນ ຣັຖບານ ບໍ່ທັນ ອະນຸຍາດ ໃຫ້ເຮັດເທື່ອ ໃດ໋".

ທ່ານກ່າວຕື່ມວ່າ ປະຈຸບັນ ທາງການລາວ ກຳລັງ ຕຣຽມໂຍກຍ້າຍ ປະຊາຊົນ ຈຳນວນ 11 ຄອບຄົວ ທີ່ຈະໄດ້ຮັບ ຜົລກະທົບ ຈາກເຂື່ອນ ນັ້ນອອກໄປ ຢູ່ເຂດ ຈັດສັນ, ແຕ່ ຍັງບໍ່ຮູ້ວ່າ ເມື່ອໃດ. ສຳລັບ ເຣຶ່ອງ ຄ່າຊົດເຊີຍ ແລະ ທີ່ດິນ ຈັດສັນໃໝ່ ໃຫ້ນັ້ນ ທາງການກຳລັງ ປຶກສາ ຫາລືກັນ ຢູ່.

ຜ່ານມາ ປະຊາຊົນ ຫຼາຍຄອບຄົວ ຢູ່ ເມືອງປາແບງ ທີ່ຈະຖືກ ຜົລກະທົບ ຈາກ ໂຄງການ ເຂື່ອນປາກແບງ ນັ້ນໄດ້ສເນີໃຫ້ ທາງໂຄງການ ຊ່ວຍເຫຼືອ ການເປັນຢູ່ ຂອງພວກ ເຂົາເຈົ້າ ໃຫ້ດີຂຶ້ນ ຮວມທັງ ຂໍໃຫ້ປຸກສ້າງ ສິ່ງທີ່ຈໍາເປັນ ເຊັ່ນໂຮງຮຽນ, ໂຮງໝໍ ຫລືສຸຂສາລາ, ຣະບົບ ນໍ້າລິນ ເປັນຕົ້ນ. ແຕ່ຍັງບໍ່ທັນໄດ້ ຮັບຄໍາຕອບ ວ່າຈະເປັນແນວໃດ.

ໃນຂນະດຽວກັນ ປະຊາຊົນ ໄທ ທີ່ຢູ່ຕາມ ແຄມ ແມ່ນໍ້າຂອງ ແຂວງຊຽງຮາຍ ພາກັນ ກັງວົນ ນໍາເຣຶ່ອງ ຜົລກະທົບ ທີ່ຈະເກີດຂຶ້ນ ຈາກ ໂຄງການດັ່ງກ່າວ ຍ້ອນວ່າ ນໍ້າຈະຖ້ວມ ທີ່ຢູ່ອາສັຍ ພື້ນທີ່ ທໍາມາຫາກິນ ແລະ ການປະມົງ ນໍາດ້ວຍ. ໂຄງການ ເຂື່ອນ ໄຟຟ້າ ປາກແບງ ຂນາດ 912 MW ນີ້ ແມ່ນ ບໍຣິສັດຈີນ ໄດ້ເຊັນບົດ ບັນທຶກ ຄວາມເຂົ້າໃຈ ກັບ ຣັຖບາລລາວ ເມື່ອປີ 2007 ເພື່ອ ສໍາຣວດ ພື້ນທີ່ ແລະ ໄດ້ຮັບ ສໍາປະທານ ກໍານົດ 30 ປີ.

ຄໍາເຫັນ (2)
Share

ງຽວ

ຈາກ ວຈ

ບັກເຖົ້າທ່າແຂກເອີຍ!ທີ່ແທ້ເຈົ້າເປັນປະຕິການນີ້ເອງ ໄດ້ຖືກຄອັມມີວນີສເອົາໄປສັມະນາຢູ່ວຽງໄຊແລ້ວ ແຕ່ຍັງບໍ່ເຂັດຫຼາບເທື່ອຕໍ່ໄປ ອາດຊິຖືກສັມະນາຢູ່ນຣົກໝໍ້ທີ11ອີກໃດ, ບໍເຊື່ອກະລອງເບີ່ງ!, ຈັ່ງແມ່ນຄຽດໆໆໆໆໆໆເຂົາເອົາເພີ່ນໄປສັມະນາດັດສັນດານ ຣາຊາອາເມກາຫົວໂຈກ, ໂລກກຳລັງລົງກຽດ, ຍ້ອນຮຸກຮານຊາດອື່ນຫຼາຍ,


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 15, 2017 08:37 AM

ຄ.ນະຄຳມວ່ນ

ຈາກ ທ່າແຂກ

ສິ່ງໃດ ພວກເຂົາປາຖນາ ຈະສ້າງສາ ຢູ່ໃນແຜ່ນດິນ ສປປລາວ ບໍ່ຕ້ອງ ໄປຂັດຂວາງເຂົາ,ອັນໃດມັນຈະເກີດ ມັນຈະຕ້ອງເກີດຂຶ້ນ ໃຫ້ໄດ້ໃນຍຸກ ໂລກາພິວັດນີ້,ສັງຂຣາຊ ຂອງ ສປປລາວ ໄດ້ເທສະນາ ຢິບຍົກເອົາ ຄະຕິເກົ່າ ຂອງລາວ ບອກແລ້ວວ່າ: ພວກຂັ້ນເທິງ ໃຫ້ ນອນຂວ້ມຫນ້າມືນຕາ,ພວກຢູ່ຂັ້ນລຸ່ມ ໃຫ້ ນອນຫງາຍມືນຕາ,ຄວາມຫມາຍ ຂອງສັງຂຣາຊວ່າ ແນວໃດ ຕີບໍ່ແຕກໄດ້,ເພາະເພິ່ນເປັນ ສັງຂຣາຊ ໃນຍຸກປະຕິວັດສ່ອງແສງ ແຮງກ້າ ທົ່ວດິນລາວ,ຕອນຂ້າພະເຈົ້າ ໄປສຳມະນາຢູ່ 06 ວຽງໄຊ ພວກເຂົາວ່າ ບໍ່ໃຫ້ນັບຖື ສາສນາ ໂດຍເດັດຂາດ,ປັຈຈຸບັນ ຊ້ຳພັດ ມີເຖິງສັງຂຣາຊ ອົງໃຫມ່ຂຶ້ນມາ ຈົນໄດ້ແປກ ແຕ່ບໍ່ປະລາດ ນຳພວກ ຄອມມູຍນິຕນີ້.ມັນໂງ່ກວ່າ ຂ້າພະເຈົ້າ ມັນຈຶ່ງປ່ອຍໃຫ້ ຂ້າພະເຈົ້າ ກັບຄືນມາ ຕໍ່ສູ້ພວກມັນ.ແມ່ນບໍ ບຸນຍັງ ທອງລຸນ!!!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 13, 2016 02:00 PM

ເຕັມຫນ້າ