ຊາວບ້ານຫາປາລໍາບາກເຂດ ດອນສະໂຮງ

ສິດນີ
2016-03-27
ອີແມວລ໌
ຄໍາເຫັນ
Share
ພິມ
ຊາວບ້ານທີ່ ຫາປາ ຢູ່ຕາມລໍານໍ້າຂອງ ເຂດແຂວງ ຈໍາປາສັກ
ຊາວບ້ານທີ່ ຫາປາ ຢູ່ຕາມລໍານໍ້າຂອງ ເຂດແຂວງ ຈໍາປາສັກ
RFA/LX

ຫລັງຈາກ ເຂື່ອນ ດອນສະໂຮງ ເລີ້ມການກໍ່ສ້າງ ທາງການ ໄດ້ສັ່ງຫ້າມ ຊາວປະມົງ ບໍ່ໃຫ້ໃຊ້ ເຄື່ອງມື ຫາປາ ແບບ ດັ້ງເດີມ ທີ່ເຄີຍໃຊ້ ກັນມາ ຈຶ່ງ ເຮັດໃຫ້ ຊາວບ້ານ ຫາລ້ຽງຊີພ ລໍາບາກຂຶ້ນ.

ຊາວບ້ານ ໃນເຂດບ້ານ ນາກະສັງ, ຫົວສະດຳ, ຫາງສະດຳ, ແລະ ເຊວົງ ເມືອງໂຂງ ແຂວງ ຈຳປາສັກ ພາກັນຈົ່ມວ່າ ດຽວນີ້ ການຫາປາ ແມ່ນຫຍຸ້ງຍາກ ຫຼາຍກວ່າເກົ່າ ພາຍຫຼັງທີ່ ທາງການ ບໍ່ ອະນຸຍາດ ໃຫ້ເຮັດ ຫຼີ່ແລະຕ້ອນ ເພື່ອດັກຈັບ ປາ ຕາມ ລຳນ້ຳຂອງ, ເຮັດໃຫ້ ປະຊາຊົນ ຊຶ່ງສ່ວນໃຫຽ່ ເປັນ ຊາວຫາປາ ມີຊີວິດ ຍາກ ລຳບາກ ຂຶ້ນຕື່ມ. ດັ່ງ ຊາວບ້ານ ນາກະສັງ ທ່ານນຶ່ງ ໄດ້ກ່າວຕໍ່ ຜູ້ສື່ຂ່າວ ເອເຊັຽເສຣີ ໃນວັນທີ 24 ມິນາ 2016 ນີ້ວ່າ:

"ຫາກເພິ່ນ ບອກມາ ບອກມາແຕ່ 2 ເດືອນ 3 ເດືອນ ກ່ອນລະເດ ວ່າບໍ່ໃຫ້ ເຮັດຫຼີ່,ເພິ່ນບອກມາ ລະໄດ໋.ຄັນເພິ່ນໃຫ້ ເຮັດຫຼີ່-ເຮັດຕ້ອນ ກະແຮ່ງໄດ້ຫຼາຍໄດ໋ ປາ ຄັນບໍ່ໃຫ້ເຮັດ, ປະຊາຊົນ ກະແຮ່ງ ທຸກຍາກ ແລ້ວ, ປະຊາຊົນ ເຂດນີ້ ມັນບໍ່ມີ ວຽກເຮັດ ງານທຳເດ ອາໄສແຕ່ ກັບປາ ໂຕຫຼັກແຫຼະ ແມ່ນຫາປາ ຢ່າງດຽວ".

ທ່ານກ່າວ ເພີ້ມວ່າ ປະຈຸບັນ, ການຫາປາ ກໍ່ຫຍຸ້ງຍາກ ຢູ່ແລ້ວ ເພາະປາ ກໍ່ນັບມື້ ນັບຫຼຸດຫນ້ອຍ ຖອຍລົງ ຍ້ອນ ຄົນຫາປາ ກໍ່ຫຼາຍຂຶ້ນ ແລະ ມັນບໍ່ຄືເກົ່າ ແລ້ວ. ສ່ວນໃຫຽ່ແລ້ວ ກໍ່ຫາໄດ້ ແຕ່ພໍກິນ ເພາະນຳໃຊ້ ວິທີການ ຫາປາ ແບບ ພື້ນເມືອງ ດ້ວຍການ ໄຫຼມອງ ແລະ ຫວ່ານແຫຊື່ໆ. ທ່ານກ່າວ ເພີ້ມວ່າ:

"ກະໄດ້ ກະເອີ່ພໍໄດ້ຢູ່, ມັນກະ ບໍ່ຄືເກົ່າດອກ ເພາະວ່າປາ ມັນກະ ຫຼຸດໜ້ອຍ ຖອຍລົງ, ເພາະວ່າ ຄົນກະເພີ້ມຂຶ້ນ ວ່າຊັ້ນສາ ປາ ກະໜ້ອຍລົງ ວ່າຊັ້ນສາ ມັນກະ ບໍ່ຄືເກົ່າ".

ຊາວບ້ານ ອີກທ່ານນຶ່ງ ໄດ້ກ່າວ ຕໍ່ຜູ້ສື່ຂ່າວ ເອເຊັຽເສຣີ ວ່າ ພາຍຫຼັງທີ່ ທາງການລາວ ມີການອວ່າຍ ແລວນ້ຳ ເມື່ອວັນທີ 5 ມົກກະຣາ ປີ 2016 ເພື່ອລົງມື ກໍ່ສ້າງ ເຂື່ອນ ດອນສະໂຮງ ຢ່າງເປັນ ທາງການ ພ້ອມທັງ ປະກາດ ອອກຣະບຽບ ການບໍ່ໃຫ້ ປະຊາຊົນ ຫາປາ ໂດຍໃຊ້ ຫຼີ່ ແລະ ຕ້ອນ ແລ້ວ, ກໍ່ຍິ່ງເຮັດໃຫ້ ສະພາບການ ຫາປາ ຂອງ ຊາວບ້ານ ບໍ່ເປັນ ປົກກະຕິ ແຕ່ນັ້ນມາ.

ຄໍາເຫັນ (1)
Share

ຈິງໃຈ

ຈາກ ຜົນປະໂຫຍດທົ່ວເຖິ່ງ

ການຫາປາ ແບບເຮັດຕ້ອນ ເຮັດຫລີ່ ແມ່ນເປັນການຫາປາທີ່ດັບສູນ ເປັນການຫາປາຕາມລະດູການປາ ທີ່ຈະຂື້ນມາຈາກກໍາປູເຈຍ ເພື່ອມາວ່າງໄຂ່ ເຂດນໍ້າຕ່ອນເຫນື່ອ ຫລື ເຂດປ່າທາມ ເຂດນໍ້າຖ້ອມເຂດສີພັນດອນ ມາຍາມຊ່ວງນໍ້າຫລາຍຂື້ນ ຕາມຮູນໍ້າ ຕາມຄອນ ແລ້ວພວກທ່ານມາຮ່າງຕ້ອນ ຮ່າງຫລີ ປາມັນພະຍາມ ທີ່ຈະຂື້ນ ແຕ່ໄຫລລົ່ງຖຶກ ຫລີ່, ຕ້ອນ ດັ່ງກ່າວ ແລ້ວປາຊິມີໂອກາດຂື້ນວ່າງໄຂ່, ປາທັງຫລາຍມັນກະໄຫລ່ຖືກຫລີ່ ຕ້ອນພວກທ່ານຮ່າງໄວ້ ມັນກະຕາຍຫມົດ ແລ້ວປາດັ່ງກ່າວ ຊິຂື້ນໄປຂະຫຍາຍພັນຈັ່ງໃດ ລະມັນຊິມີປາເພີ່ມຂຶ້ນຈັ່ງໄດ້ ເມື່ອພໍ່ແມ່ພັນປາຕາຍ ມາຂາຍຍູ່ຕະຫລາດນາກະສັງຫມົດ, ແລະ ປາດັ່ງກ່າວກະບໍ່ສາມາດ ກະຈາຍໄປຫາຊຸມຊົນ ແມ່ນນໍ້າຕ່ອນເທິ່ງແນວໃດ, ມີແຕ່ທາງໃຕ້ໄດ້ຮັບ ຜົນປະໂຫຍດຍ່າງດຽວ ແລະ ສີ່ງສໍາຄັນ ບັນດາ ຫລີ່ ຕ້ອນດັ່ງກ່າວ ກະມີພຽງແຕ່ກຸ່ມຄົນບ້ານໃດຫນື່ງ ທີ່ໄດ້ຮັບຜົນປະໂຫຍດເທົ່ານັ້ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 28, 2016 02:26 PM

ເຕັມຫນ້າ