ທາງຣົຖໄຟ ລາວ-ຈີນ ສ້າງໜີ້ກວ່າ 1.5 ຕື້ໂດລາ ໃຫ້ລາວ

ອຸ່ນແກ້ວ
2022.01.26
Share on WhatsApp
Share on WhatsApp
ທາງຣົຖໄຟ ລາວ-ຈີນ ສ້າງໜີ້ກວ່າ 1.5 ຕື້ໂດລາ ໃຫ້ລາວ ຣົຖໄຟລາວ-ຈີນ ຂະບວນ ລ້ານຊ້າງ ຈອດລໍຖ້າຜູ້ໂດຍສານ ຕຣຽມເດີນທາງໄປພາກເໜືອຂອງລາວ. ວັນທີ 4 ທັນວາ 2021.
RFA

ໂຄງ​ການທາງຣົໄຟລາວ-ຈີນ ມູນຄ່າ ເກືອບ 6 ຕື້ໂດລາ ໂດຍມີຣັບານລາວຖືຮຸ້ນ 30 ເປີເຊັນ ສ່ວນວ່າຈີນ ຖືຮຸ້ນ 70 ເປີເຊັນ. ແຕ່ ເງິນທີ່ຣັບານລາວເອົາມາລົງທຶນ ໃສ່ໂຄງການທາງຣົໄຟ ລາວ-ຈີນ ໃນອັດຣາສ່ວນ 30 ເປີເຊັນ ສ່ວນຫຼາຍເປັນເງິນກູ້ຢືມ ຈາກຈີນ ຊຶ່ງຄິດເປັນມູນຄ່າ ປະມານ 1.5 ຕື້ໂດລາ ບວກໃສ່ກັບ ເງິນງົປະມານຈຳປີ ຂອງຣັບານລາວ 250 ລ້ານໂດລາ. ເວໄຊຂ່າວ ທີ່ຊື່ວ່າ www.thinkchina.sg ໄດ້າຍງານວ່າ ລາວ​​ໄດ້ກູ້ຢືມເງິນ​ ​ມູນຄ່າປະມານ 1.5 ຕື້ໂດລາ ໃນອັດຣາດອກເບັ້ຽ 2.3 ເປີເຊັນ ຕໍ່ປີ ຊຶ່ງໄລຍະການພັກໜີ້ 5 ປີ. ຫຼັງຈາກ 5 ປີ ແລ້ວຣັບານລາວ ຈະຕ້ອງໄດ້ຈ່າຍໜີ້ຄືນໃຫ້ຈີນ ລວມທັງດອກເບັ້ຽ. ໃນເບື້ອງຕົ້ນ ຣັບານລາວ ຈະຕ້ອງຈ່າຍໜີ້ທີ່ຢືມມາເຮັດໂຄງການທາງຣົໄຟ ລາວ-ຈີນ  ໃນມູນຄ່າ 80 ປາຍລ້ານໂດລາ ຊຶ່ງລວມທັງຕົ້ນທີ່ຢືມມາ ແລະ ດອກເບັ້ຽທີ່ຈະຕ້ອງຈ່າຍ ຖ້າວ່າໄລຍະການຈ່າຍໜີ້ 30 ປີ.

ນັກ​ທຸກິຈທ່ານນຶ່ງ ລາວ ທ່ານນຶ່ງ ທີ່ບໍ່ສົງອອກຊື່ ໄດ້ກ່າວຕໍ່ເອເຊັຽເສຣີ ໃນວັນທີ 26 ມົກກະຣາ 2022 ວ່າ:

“[ດອກເບັ້ຽ] 34.5 ລ້ານ ໂດລາ ຕ່ຳສຸດ ລະມັນກະລົດລົງໄປເລື້ອຍໆ ໜີ້ 1.5 ຕື້ໂດລາ ກະ 50 ລ້ານ ຕໍ່ປີ ງວດທຳອິດ ສົມມຸດວ່າ ງວດທຳອິດ 1,500 ລ້ານ ໂດລາ [1.5 ຕື້ໂດລາ] ມາຫານໃຫ້ 30 ປີ ມັນກະອອກ 50 ລ້ານໂດລາ.  

ນັກ​ທຸຣະກິຈ ທ່ານນີ້ ກ່າວຕື່ມອີກວ່າ:

ສະເພາະດອກເບັ້ຽແຕ່ລະປີຈະຄ່ອຍຫຼຸດລົງ ໃນຂະນະ ຣັບານລາວ ຈະຕ້ອງຈ່າຍຕົ້ນທຶນທີ່ຢືມໄປນັ້ນຄືເກົ່າ.”

ແຕ່​ສິ່ງທີ່ຈະເກີດຂຶ້ນອີກກໍຄື ຖ້າຣັບານລາວ ຈ່າຍໜີ້ບໍ່ທັນຕາມກຳນົດເວລາ,  ຣັບານລາວຈະຕ້ອງຖືກປັບໃໝ.

ນັກ​ທຸຣະກິຈທ່ານນີ້ ກ່າວຕື່ມອີກວ່າ:

ມັນຢູ່ທີ່ວ່າ ປັບໃໝໃດບາດນີ້ ບໍ່ຈ່າຍ ບໍ່ຈ່າຍ ຈ່າຍບໍ່ຕົງ ຫຼືວ່າ ເລື່ອນໄປນີ້ ທະນາຄານມັນຕ້ອງມີປັບໃໝໃດ ຕາມສັນຍາເຂົາ ເຂົາຊິປັບໃໝຈັ່ງໃດ ເຂົາຊິປັບໃໝດອກເບາະ ຫຼືຊິປັບໃໝທັງຕົ້ນທັງດອກ ເຮົາວ່າ ມັນເປັນຫຼັກສາກົນໃດ ຄັນບໍ່ປັບໃໝເຈົ້າ ເຈົ້າຊິຈ່າຍຍາມໃດກະໄດ້ຕົ່ວ ຂ້ອຍກະມີພາລະຄືກັນ.”

ເຈົ້າ​ໜ້າທີ່ທາງການລາວ ມີແຜນການເອົາບໍ່ແຮ່ ຄ້ຳປະກັນ ໃນການຢືມເງິນມາເຮັດໂຄງການ ທາງຣົໄຟລາວ-ຈີນ.

ທ່ານ ສົມ​ສະຫວາດ ເລັ່ງສະຫວັດ ອາດີຮອງນາຍົກຣັຣີ ຂອງລາວ ເຄີຍກ່າວຢູ່ໃນກອງປະຊຸມ ສະພາແຫ່ງຊາດ ກ່ອນທີ່ຈະເຣີ່ມໂຄງການ ທາງຣົໄຟ ລາວ-ຈີນ ວ່າ:

ຫຼັງຈາກຄິດໄລ່ແລ້ວ, ພວກເຮົາເຫັນວ່າ ພວກເຮົາຈະສາມາດຈ່າຍໜີ້ໄດ້ ຍ້ອນວ່າ ພວກເຮົາມີບໍ່ແຮ່ Potash 5 ແຫ່ງ ແລະ ຖ້າພວກເຮົາຂຸດຄົ້ນບໍ່ແຮ່ນັ້ນ ແລະ ເອົາລາຍຮັບຈາກມັນ ພວກເຮົາຈະບໍ່ມີບັນຫາໃນການໃຊ້ໜີ້ຄືນພາຍໃນ 5 ປີ ແທນທີ່ຈະໃຊ້ເວລາ 30 ປີ.”

ນອກ​ຈາກນີ້, ທາງການລາວ ແລະ ຈີນ ກຳລັງປຶກສາຫາລືກັນ ເພື່ອທີ່ຈະສ້າງຕັ້ງກອງພັນຣົໄຟ ນັ້ນກໍຄື ການສ້າງຕັ້ງ ກອງທະຫານທີ່ຈະມາຮັກສາ ຄວາມປອດໄພທາງຣົໄຟ.

ບຸກ​ຄົນທີ່ໃກ້ຊິດ ເຈົ້າໜ້າທີ່ທະຫານລະດັບສູງ ກະຊວງປ້ອງກັນປະເທດ ໄດ້ກ່າວຕໍ່ເອເຊັຽເສຣີ ໃນວັນທີ 25 ມົກກະຣາ 2022 ວ່າ:

ເຈົ້າໜ້າທີ່ລາວ ແລະ ຈີນ ກຳລັງປຶກສາຫາລືກັນເຣື່ອງການສ້າງຕັ້ງກອງພັນທະຫານ ເພື່ອເອົາມາຮັກສາຄວາມປອດໄພຕາມທາງຣົໄຟ, ແຕ່ ກໍຍັງບໍ່ທັນມີຂໍ້ລຸບອອກມາ ຍ້ອນວ່າ ຍັງມີບັນຫາຢູ່ທີ່ງົປະມານທີ່ເອົາມາຈ່າຍເງິນເດືອນໃຫ້ພະນັກງານທະຫານ ທີ່ຈະມາເຮັດວຽກຮັກສາຄວາມປອດໄພຕາທາງຣົໄຟ.”

ບຸກ​ຄົນທີ່ໃກ້ຊິດເຈົ້າໜ້າ ທີ່ທະຫານລະດັບສູງ ໄດ້ກ່າວຕື່ມອີກວ່າ ວ່າ:

ຈຳນວນເຈົ້າໜ້າທີ່ທະຫານທີ່ຈະມາຮັກສາຄວາມປອດໄພຕາມທາງຣົໄຟ ຈະຕ້ອງມີຢ່າງໜ້ອຍ 1,000 ຄົນຂຶ້ນໄປ ໃນຂະນະທີ່ຣັບານບໍ່ມີງົບປະມານທີ່ຈະມາຈ່າຍສິ່ງເຫຼົ່ານີ້.”

ໃນ​ເດືອນທັນວາ 2021 ທີ່ຜ່ານມາ, ວິທະຍຸກະຈ່າຍສຽງແຫ່ງຊາດ ໄດ້ສະເໜີຂ່າວ ໄດ້ອ້າງ ຄຳເວົ້າ ທ່ານ ພັນຄຳ ວິພາວັນ ນາຍົກຣັມົນຣີ ທີ່ໄດ້ກ່າວວ່າ  ທາງຣົໄຟລາວ-ຈີນ ເປັນຄວາມມຸ້ງມາດປານາຂອງຄົນລາວ.

ທ່ານ ພັນ​ຄຳ ວິພາວັນ ນາຍົກຣັມົນຣີ ກ່າວ ໃນເດືອນທັນວາ 2021 ຕອນນຶ່ງວ່າ:

ກະຂ້ອຍມີລະມັນຜິດອີ່ຫຍັງ ທາງຣົໄຟ ກໍທາງຣົໄຟ ແມ່ນຮັບໃຊ້ມະນຸດ ຮັບໃຊ້ການຂົນສົ່ງສິນຄ້າ ຮັບໃຊ້ການຄ້າ ການທ່ອງທ່ຽວ ຂັ້ນມີຜູ່ມາໂຈມຕີ. ຂັ້ນມີຜູ່ມາໂຈມຕີ ເວົ້າລະວ່າ ລາວເຮົາເປັນໜີ້ສິນຂອງຈີນຫຼາຍ ຍ້ອນທາງຣົໄຟ ມັນບໍ່ແມ່ນ ຜູ້ທີ່ຕິດໜີ້ລະແມ່ນ ບໍຣິສັດ ທາງຣົໄຟລາວ-ຈີນ ກະໝາຍຄວາມວ່າ ແມ່ນບໍຣິສັດ ເປັນຜູ່ຕິດໜີ້ ບໍຣິສັດ ຈະເປັນຜູ່ຫາເງິນມາເພື່ອໃຊ້ໜີ້ ໂດຍການອູ້ມຊູ ຍູ້ໜູນຂອງຣັບານລາວ-ຈີນ.” 

ນອກ​ຈາກນີ້ ປະຊາຊົນຜູ້ທີ່ເສັຽທີ່ດິນໃຫ້ໂຄງການທາງຣົໄຟລາວ-ຈີນ ບໍ່ສາມາດໄປຊື້ທີ່ດິນຢູ່ບ່ອນໃໝ່ໄດ້.

ປະ​ຊາຊົນຊາວນະຄອນຫລວງວຽງຈັນ ທ່ານ ນຶ່ງ ຜູ້ທີ່ເສັຽທີ່ດິນໃຫ້ໂຄງການທາງຣົໄຟລາວ-ຈີນ ໄດ້ກ່າວຕໍ່ເອເຊັຽເສຣີ ໃນວັນທີ 26 ມົກກະຣາ 2022 ວ່າ:

ໂຄງການກວມເອົາທີ່ດິນ 1,000 ປາຍ ຕາລາງແມັດ ແລະ ໄດ້ຮັບຄ່າຊົດເຊີຍ 100,000 ປາຍ ກີບຕໍ່ຕາລາງແມັດ ແຕ່ ບໍ່ສາມາດໄປຊື້ທີ່ດິນບ່ອນໃໝ່ໄດ້ ຍ້ອນວ່າ ລາຄາທີ່ດິນດຽວນີ້ແພງກວ່າຄ່າຊົເຊີຍ.”

ບາງ​ຄົນກໍມີຊີວິດການເປັນຢູ່ປ່ຽນແປງໄປຫຼັງຈາກທີ່ເຂົາເຈົ້າເສັຽທີ່ດິນໃຫ້ໂຄງການທາງຣົໄຟລາວ-ຈີນ.ບາງຄົນ ຈາກທີ່ເຄີຍເຮັດນາໄດ້ເຂົ້າກິນປີລະ ​90 ເປົ໋າປ່ານ ຄິດເປັນມູນຄ່າ ເກືອບ 30 ລ້ານ ກີບ ຕໍ່ປີ, ແຕ່ຫຼັງຈາກເສັຽທີ່ດິນໄປແລ້ວ ເຂົາເຈົ້າກໍບໍ່ສາມາດຫາລາຍຮັບຫຍັງໄດ້ເລີຍ.

ຊາວ​ນະຄອນຫລວງວຽງຈັນ ອີກທ່ານນຶ່ງທີ່ເສັຽດິນໃຫ້ທາງຣົໄຟລາວ-ຈີນ ໄດ້ກ່າວຕໍ່ເອເຊັຽເສຣີ ໃນວັນທີ 26 ມົກກະຣາ 2022 ວ່າ:

ແຕ່ກີ້ດິນເຮົາກະລ້ຽງປູລ້ຽງປາ ເຮັດໄຮ່ເຮັດນາກິນ ດຳໄຮ່ດຳນາກິນ ຄືວ່າເຮັດນາສອງຣະດູ ນາປີນາແຊງຈັ່ງຊີ້ນ່າ ນາປີ ນາແຊງ ເຮົາໄດ້ຂາຍເຂົ້າຂາຍນ້ຳ ເສກິຈ ພໍພຽງເຮົາກະມີພໍຢູ່ ພໍກິນເນາະ ນາແຊງເຮົາກະເຮັດ ນາປີ ເຮົາກະເຮັດ ດິນດຳນ້ຳຊຸ່ມ ດິນທີ່ວ່າ ໂຕເຮົາຖືກໂຄງການຫັ້ນນ່າ ນາປີເຮົາກະໄດ້ 50 ເປົ໋າປ່ານ ນາແຊງເຮົາກະໄດ້ຢູ່ 40 ເປົ໋າປ່ານ ເຮົາກະໄດ້ພໍຢູ່ພໍກິນ ເຮົາບໍ່ໄດ້ເຮັດນາກິນ ເຮົາກະໄປຊື້ເຂົ້າກະໂລມາກິນດຽວນີ້.”

ຊາວ​ນະຄອນຫລວງວຽງຈັນ ທ່ານນີ້ ໄດ້ກ່າວຕໍ່ເອເຊັຽເສຣີ ອີກວ່າ:

ຍ້ອນຫຍັງຫວະຕິ ທີ່ເຮົາໄປຖືກໂຄງການ ເຮົາກໍເລີຍເປັນທຸກດຽວນີ້ ເຮົາຢືມເງິນນອກລະບົບມາຊື້ຢູ່ຊື້ດິນດຽວນີ້ນະ ລະປະຊາຊົນກະເປັນທຸກ ແຕ່ກີ້ນີ້ບໍ່ຖືກໂຄງການປະຊາຊົນກະເກັບຜັກເກັບມື່ ຂາຍປູຂາຍປາ ເກັບໝາກບວບຂາຍເຮົາກະມີກິນ ເສກິພໍພຽງ ແຕ່ວ່າ ດິນຖືກໂຄງການປະຊາຊົນນີ້ທຸກເພາະວ່າ ເພິ່ນວ່າ ຊິຈ່າຍເງິນແຕ່ວັນຊາດທີ 2 ທັນວາ ເພິ່ນກະຍັງບໍ່​​ຈ່າຍເງິນໃຫ້ປະຊາຊົນ.”

ເຖິງ​ວ່າ ທາງການລາວ ແລະ ຈີນ ໄດ້ເປີດນຳໃຊ້ ໂຄງການທາງຣົໄຟລາວ-ຈີນຄວາມຍາວ 400 ປາຍ ກິໂລແມັດ ຢ່າງເປັນທາງການແລ້ວກໍຕາມ, ແຕ່ ກຳຍັງມີປະຊາຊົນອີກຫຼາຍຄອບຄົວ ຍັງບໍ່ທັນໄດ້ຮັບຄ່າຊົດເຊີຍ ທີ່ເຂົາເຈົ້າໄດ້ເສັຽທີ່ດິນໃຫ້ໂຄງການ ຫຼື ບໍ່ໄດ້ຮັບຄ່າເວນຄືນທີ່ດິນ. ເຖິງຢ່າງໃດກໍຕາມ, ເຈົ້າໜ້າທີ່ທາງການລາວ ກໍບໍ່ໄດ້ອອກມາເປີດເຜີຍເຖິງສາເຫດຄວາມຊັກຊ້າການຈ່າຍຄ່າຊົດເຊີຍທີ່ດິນໃຫ້ແກ່ປະຊາຊົນທີ່ໄດ້ຮັບຜົກະທົບຈາກໂຄງການທາງຣົໄຟລາວ-ຈີນ ແຕ່ຢ່າງໃດ. ແຕ່ ມີຄົນປຽບທຽບໂຄງການຣົໄຟລາວ-ຈີນ ໃນປັດຈຸບັນຄ້າຍຄືກັບ ການແຂ່ງຂັນກິລາຊີເກສ ໃນປີ 2009 ທີ່ປະເທດລາວເປັນເຈົ້າພາບ. ມັນເປັນຄັ້ງທຳອິດທີ່ລາວ ສາມາດເປັນເຈົ້າພາບໃນການຈັດການແຂ່ງຂັນມະຫະກັມກິລາໃນເຂດເອເຊັຽຕາເວັນອອກສ່ຽງໃຕ້.

ການ​ຈັດງານດັ່ງກ່າວ, ຣັບານລາວ ຕ້ອງໄດ້ຢືມເງິນຈີນປະມານ 100 ລ້ານ ໂດລາ ມາສ້າງສະໜາມກິລາແຫ່ງຊາດ ຢູ່ ຫຼັກ 16 ເມືອງໄຊທານີ ນະຄອນຫລວງວຽງຈັນ ເພື່ອຮອງຮັບພິທີເປີດການແຂ່ງຂັນກະລາຊິເກມ, ແຕ່ ຣັບານລາວ ຕ້ອງເອົາທີ່ດິນເຂດບຶທາດຫລວງປະມານ 300 ເຮັກຕາ ໃຫ້ຈີນມາສຳປະທານເຮັດເຂດເສກິພິເສດ. ຈົນໃນເວລານັ້ນ ບາງສຳນັກຂ່າວຂອງລາວ ໄດ້ລາຍງານຂ່າວ ໂດຍເນີຫົວຂໍ້ວ່າ: ລາວໃຫ້ດິນ ຈີນໃຫ້ເດີ່ນ [ເດີ່ນໝາຍເຖິງນາມກິລາແຫ່ງຊາດ].”

ນອກ​ຈາກນີ້ ບໍຣິສັດ ຮ່ວງແອ່ງຍາລາຍຂອງວຽດນາມ ກໍຮັບສ້າງບ້ານພັກນັກກິລາ ຢູ່ໃນມະຫາວິທະຍາໄລແຫງຊາດ ເຂດດົງໂດກ ມູນຄ່າປະມານ 19 ລ້ານໂດລາ, ແຕ່ລາວຕ້ອງໃຫ້ ບໍຣິສັດ ດັ່ງກ່າວສຳປະຕັດໄມ້  ແລະ ທານທີ່ດິນຫຼາຍກວ່າ 10,000 ເຮັກຕາຢູ່ເມືອງພູວົງແຂວງອັດຕະປື ເປັນເວລາບໍ່ຕໍ່າກວ່າ 50 ປີ ອີຕາມຂໍ້ມູນຈາກນັກທຸຣະກິຈຢູ່ແຂວງອັດຕະປື.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ