NGO ລາວຮຽກຮ້ອງເຣື້ອງ ການສຶກສາເດັກນ້ອຍ

2013-06-25
ອີແມວລ໌
ຄໍາເຫັນ
Share
ພິມ
ເດັກນ້ອຍ ຕ້ອງການ ປື້ມແລະສໍ ອຸປກອນ ການຮຽນ ທີ່ຈໍາເປັນ ເພື່ອ ຄວາມກ້າວໜ້າ ໃນການຮຽນ ແລະ ຈະກາຍເປັນ ຊັພຍາກອນ ທີ່ມີຄຸນຄ່າ ຂອງ ປະເທດຊາດ.
ເດັກນ້ອຍ ຕ້ອງການ ປື້ມແລະສໍ ອຸປກອນ ການຮຽນ ທີ່ຈໍາເປັນ ເພື່ອ ຄວາມກ້າວໜ້າ ໃນການຮຽນ ແລະ ຈະກາຍເປັນ ຊັພຍາກອນ ທີ່ມີຄຸນຄ່າ ຂອງ ປະເທດຊາດ.
legacies of war

 

ອົງການ ທີ່ ບໍ່ສັງກັດ ຣັຖບາລ ຮຽກຮ້ອງ ໃຫ້ ຣັຖບາລ ລາວ ຊ່ວຍເຫລືອ ດ້ານວັດຖຸ ເພື່ອຊຸກຍູ້ ການສຶກສາ ຂອງ ເດັກນ້ອຍ ໃນ ຊົນນະບົດ ເພີ່ມຂຶ້ນ ຍ້ອນເຫັນວ່າ ມີເດັກນ້ອຍ ຈໍານວນ ຫລວງຫລາຍ ພາກັນ ຊອກຫາ ຂຸດຣະເບີດ ຝັງດິນ ຫລື ຊອກຫາ ເສດ ຣະເບີດ ໄປຂາຍ ພໍໄດ້ເງິນ ໄປຊື້ ອຸປກອນ ການຮຽນ ແລະ ກໍມີຜູ້ ທີ່ ຖືກ ຣະເບີດ ແຕກໃສ່. ຕາມຄໍາເວົ້າ ຂອງ ເຈົ້າໜ້າທີ່ ອົງການ ນາງນຶ່ງ ຕໍ່ ເອເຊັຍ ເສຣີ ໃນວັນທີ 24 ມິຖຸນາ 2013.

"ນາງວ່າ ສ່ວນຫລາຍ ເດັກນ້ອຍ ຢູ່ ຊຸມຊົນ ທີ່ໄປ ເກັບເສດເຫລັກ ສ່ວນຫລາຍ ຂະເຈົ້າ ທຸກຍາກ ພໍ່ແມ່ ກະບໍ່ສາມາດ ຊ່ວຍສົ່ງເສີມ ເຣື່ອງ ການສຶກສາ ບໍ່ສາມາດ ຊື້ປຶ້ມ ເພາະສະນັ້ນ ຂະເຈົ້າ ກໍຕ້ອງໄດ້ ໄປຫາ ເຫລັກເສດ ເພື່ອຂາຍ ສ່ວນ ຫລາຍ ຜູ້ທີ່ຖືກ ລະເບີດ ຫັ້ນ ເປັນ ເດັກນ້ອຍ 4-5 ປີ ເຖິງ 10 ຫາ 12 ປີ".

ນາງເວົ້າ ຕໍ່ໄປວ່າ ຫລາຍໆ ຄອບຄົວ ໃນເຂດ ຊົນນະບົດ ຢູ່ ຫລາຍແຂວງ ຍັງຢູ່ໃນ ຄວາມທຸກຍາກ, ບໍ່ມີເງິນ ສົ່ງເສີມ ໃຫ້ລູກ ໄດ້ຮຽນ ໜັງສື. ດັ່ງນັ້ນ ພວກ ເດັກນ້ອຍ ຈຶ່ງ ພາກັນໄປ ຊອກຫາ ເຫລັກເສດ, ໄປຊອກ ຂຸດ ຣະເບີດ ໂດຍ ບໍ່ຮູ້ເຖິງ ອັນຕະລາຍ ທີ່ ຈະເກີດຂຶ້ນ ຊຶ່ງ ແຕ່ຕົ້ນປີ 2013 ມານີ້ ມີຣະເບີດ ແຕກໃສ່ 3 ຄົນ ແລ້ວ. ແລະ ໃນປີ 2012 ມີເດັກນ້ອຍ 90 ກວ່າຄົນ ຖືກຣະເບີດ ແຕກໃສ່ ສ່ວນຫລາຍ ເສັຽຊີວິດ ແລະ ຈໍານວນ ນຶ່ງ ເສັຽອົງຄະ. ເຈົ້າໜ້າທີ່ ເວົ້າຕື່ມ ອີກວ່າ ຢາກ ໃຫ້ ຣັຖບາລ ລາວ ຊ່ວຍເຫລືອ ພວກເດັກນ້ອຍ ທີ່ໄດ້ຮັບ ເຄາະຮ້າຍ ຈາກ ຣະເບີດ ແຕກໃສ່ ເປັນຕົ້ນ ໃຫ້ຄວາມຮູ້ ແລະ ຫາວຽກງານໃຫ້ພວກເຂົາເຈົ້າເຮັດ.

ຄໍາເຫັນ (3)
Share

kp

ຈາກ jp

ເລື້ອງແບບນີ້ 20 ປິ ກ່ອນ ໄດ້ເຫັນກັບຕາ ວ່າແມ່ນ ຄວາມຈີງ ປັດຈຸບັນ ກໍ່ຍັງມີຢູ່ ບໍ່ໜ້າເຊືອ ເພາະນັກສືກສາ ທີ່ມີໂອກາດ ໄດ້ໄປຮຽນ ຢູ່ຕ່າງປະເທດ ເອົາໂທ ເອົາເອກ ກໍ່ມີຈຳນວນ ຫຼາຍ ເຂົາເຈົ້າ ໄປໄດ້ ແນວໃດ. ຫຼືວ່າ ເຂົາເຈົ້າ ເປັນລູກເຈົ້າ ຫຼານນາຍ ຈື່ງໄດ້ໄປ ຖ້າເປັນແບບນັ້ນ ບໍ່ແມ່ນ ລະບອບໄໝ່ ເປັນລະບອບ ສັກດີນາ 150 ປີ ກ່ອນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 26, 2013 10:56 AM

W Go

ຈາກ o

ເກີດເປັນຄົນລາວ ຢູ່ໃຕ້ຮົມທົງ ປະຕິວັດ ຕ້ອງໄດ້ ດີ້ນລົນ ຕໍ່ສູ້ ດ້ວຍຕົນເອງ ແບບນີ້ລະ ຊາເຈົ້ານາຍ ເພິ່ນຢູ່ຫ້ອງແອ ນອນຂະລຶຫາດ ຫຼັງໆງາມ ຂີ່ລົດຫຼູ ລາຄາແພງໆ ຈ່າຍເງິນດອນລາ ເພິ່ນບໍ່ເຂົ້າໃຈ ຄວາມທຸກຍາກ ລ້ຳບາກ ຂອງເຮົາດອກ. ເຖິງຢ່າງໃດ ກໍ່ຕາມ ເຖິງເຮົາ ທຸກຍາກ ບໍ່ມີຮອດ ເງິນຊື້ປື້ມ ເພື່ອ ເຂົ້າໂຮງຮຽນ ແຕ່ເຮົາ ກໍ່ຍັງມີກຽດ ສະຫງ່າກ່ວາ ພວກທີ່ຮັ່ງມີ ດ້ວຍການ ຂາຍສົມບັດ ຂອງຊາດກິນ! ອົດທົນ ເອົາເດີ ນ້ອງໆເອີຍ!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 26, 2013 10:54 AM

ເຜົ່າລາວ

ຈາກ ແຜ່ນດີນລ້ານຊ້າງ

ເກີດມາເປັນ ເດັກນ້ອຍລາວ ກໍຕ້ອງຜະຈົນ ຊະຕາກັມ ແບບນີ້ແຫລະ ເພາະຣັຖບານ ພັດແມ່ນ ຣັຖບານແກວ ຣັຖບານເຈັກ, ແມ້ວ່າ ຈະຮຽກຮ້ອງ ປານໃດ ພວກມັນ ກໍຊິບໍ່ໃຫ້ ການຊ່ວຍເຫລືອ. ພວກມັນ ຕ້ອງການ ໃຫ້ລູກຫລານ ລາວ ເປັນຢູ່ຢ່າງ ໃນສະພາບນີ້ ຕລອດໄປ ກີດກັນ ບໍ່ໃຫ້ຫູຕາ ສວ່າງ ເພື່ອຈະໄດ້ ກົດຂີ່ ຂົ່ມເຫັງ ງ່າຍຂື້ນ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 25, 2013 03:20 PM

ເຕັມຫນ້າ