ນາຍບ້ານເອົາດິນຊາວບ້ານ ຂາຍໃຫ້ ນາຍທຶນ

ຈໍາປາທອງ
2018-11-08
ອີແມວລ໌
ຄໍາເຫັນ
Share
ພິມ
ຊີວິດຂອງປະຊາຊົນ ຜູ້ຫາເຊົ້າກິນຄໍາ ໃນແຂວງຈໍາປາສັກ
ຊີວິດຂອງປະຊາຊົນ ຜູ້ຫາເຊົ້າກິນຄໍາ ໃນແຂວງຈໍາປາສັກ
RFA

ນາຍບ້ານ ບ້ານທົບສອກເມືອງປະທຸມພອນ ແຂວງຈໍາປາສັກ ປອມແປງເອກກະສານເອົາດິນຊາວບ້ານ 10 ຄອບຄົວ, 24 ເຮັກຕາ ແລ້ວ ຂາຍໃຫ້ນາຍທຶນ ໂດຍອ້າງວ່າເປັນໂຄງການລົງທຶນ ຂອງຣັຖບາລ, ເຮັດໃຫ້ປະຊາຊົນ ບໍ່ມີທີ່ດິນທໍາກິນ, ດັ່ງຊາວບ້ານ ທ່ານນຶ່ງກ່າວຕໍ່ ວິທຍຸເອເຊັຍເສຣີ ໃນວັນທີ 8 ພຶສຈິກາ ນີ້ວ່າ:

"ກໍບໍ່ຮູ້ວ່າດິນນັ້ນສິຖືກໂຄງການຫຍັງ ບ້ານມາແຈ້ງນະວ່າດິນຖືກໂຄງການ ບາດຖືກແລ້ວນະ ທີ່ຈິງເບື້ອງຕົ້ນເຂົາບອກມັນເປັນໂຄງການຣັຖ ເຂົາຕົວະ ເພື່ອວ່າຈະໃຫ້ທາງເຮົາເຊັນເອກກະສານ ຫລືວ່າຍອມເອົາເງິນຄ່າຊົດເຊີຍ ເຂົາແຈ້ງຄ່າຊົດເຊີຍມາ ຄືຖ້າບໍ່ເອົາ ເຂົາຈະບໍ່ໄລ່ ກໍຖິ້ມໄປຊື່ໆ."

ເມື່ອເດືອນມິຖຸນາ 2016 ມີນາຍທຶນຄົນນຶ່ງ ຈາກນະຄອນຫລວງວຽງຈັນ ໄປຫານາຍບ້ານທົບສອກ. ຫລັງຈາກນັ້ນບໍ່ດົນ ນາຍບ້ານກໍແຈ້ງໃຫ້ ລູກບ້ານ ຊາບວ່າ ດິນ ຂອງພວກເຂົາເຈົ້າ 24 ເຮັກຕາ ຈະຖືກນໍາໃຊ້ເຂົ້າໃນໂຄງການຂອງຣັຖ ແຕ່ຊາວບ້ານ ທ່ານນີ້ເວົ້າວ່າທີ່ແທ້ແລ້ວ ແມ່ນນາຍທຶນຄົນນັ້ນ ຮ່ວມກັນກັບນາຍບ້ານ ຕົວະໃຫ້ປະຊາຊົນ ເຊັນເອກກະສານໃບນໍາໃຊ້ທີ່ດິນ ຂາຍໃຫ້ນາຍທຶນ ເພື່ອສ້າງ ຟາມລ້ຽງໝູ ໂດຍຈະໄດ້ຄ່າຊົດເຊີຍປະມານ 5 ລ້ານກີບ ຕໍ່ເຮັກຕາ ແລະຈະບຸກເບີກທີ່ດິນ ຊົດເຊີຍ ໃຫ້ຕື່ມອີກ.

ແຕ່ບາງຄອບຄົວມາຮູ້ເຣຶ່ອງຕາມຫລັງວ່າ ໂຄງການນັ້ນບໍ່ແມ່ນຂອງຣັຖ ແຕ່ເປັນໂຄງການຂອງເອກກະຊົນ, ດັ່ງນັ້ນຈຶ່ງບໍ່ຍອມຮັບເງື່ອນໄຂ ດັ່ງກ່າວ ແລະຮຽກຮ້ອງເອົາດິນຄືນ ເນຶ່ອງຈາກເປັນດິນ ທີ່ໄດ້ທໍາກິນມາແຕ່ດົນນານແລ້ວ.

ແຕ່ປີກາຍມານີ້ ປະຊາຊົນຫລາຍຄອບຄົວ ບໍ່ໄດ້ທໍາການຜລິດໃນທີ່ດິນຂອງຕົນ ເຮັດໃຫ້ຂາດຣາຍໄດ້, ບາງຄົນກໍລົ້ມປ່ວຍຍ້ອນບັນຫາທີ່ດິນ, ສ່ວນທີ່ດິນຊຶ່ງນາຍທຶນມາບຸກເບີກ ເພື່ອຊົດເຊີຍໃຫ້ນັ້ນ ທາງການ ເມືອງປະທຸມພອນ ກໍບໍ່ສົນໃຈນໍາ ແລະ ບໍ່ມາ ວັດແທກເນື້ອທີ່ຫຍັງ ດັ່ງທີ່ທ່ານກ່າວວ່າ:

"ຕັ້ງບໍ່ດໍາເນີນພິສັງ ໃຫ້ເມືອງນັ້ນລົງໄປແທກເລີຍ ບໍ່ໃຫ້ຄວາມຮ່ວມມືເລີຍ ນຶ່ງບໍ່ຢູ່ ຕົວຢ່າງນາຍບ້ານປະສານນໍວ່າ ສິໄປລົງແທກຫຍັງ ບໍ່ມີຄົນນັ້ນ ຜູ້ນັ້ນ ຜູ້ນີ້ ບໍ່ຢູ່ ຄາຫັ້ນຄານີ້ຕລອດ ເຂົາກໍຈົນເໝື່ອຍ ເພາະວ່ານ້ອງປະສານກັບເຂົາຢູ່."

ກ່ຽວກັບບັນຫາທີ່ວ່ານີ້ ວິທຍຸເອເຊັຍເສຣີ ໄດ້ຕິດຕໍ່ໄປຍັງຫ້ອງວ່າການ ປົກຄອງເມືອງປະທຸມພອນ, ຜແນກຊັພຍາກອນ ທັມຊາດ ແລະ ສິ່ງແວດລ້ອມ ແລະຫ້ອງ ການປົກຄອງ ແຂວງຈໍາປາສັກ ແຕ່ເຈົ້າໜ້າທີ່ ບໍ່ສາມາດໃຫ້ຄວາມເຫັນໄດ້.

ບັນຫາຄວາມຂັດແຍ່ງໃນເຣຶ່ອງທີ່ດິນຢູ່ ສປປລາວ ປະຊາຊົນທົ່ວປະເທສ ໄດ້ຮ້ອງຮຽນ ຂໍຄວາມເປັນທັມ ຜ່ານທາງສາຍດ່ວນ ສະພາ ແຫ່ງຊາດ. ແຕ່ປີ 2012 ມາມີຫລາຍກວ່າ 280 ສາຍ, ຕາມຂໍ້ມູນຂອງ ສະພາແຫ່ງຊາດ.

ຄໍາເຫັນ (5)
Share

(

-Take land from poor people
Sell it to friends
Yes they do it ( Pathet Ku Mee )
-Steal money from flood victims
Then pay sis and bros to repair roads
Yes they do it ( Pathet Ku mee )
-Worship foreign blood sucking business
Turn Lao people to slaves
Yes they do it ( Pathet Ku Mee )
Lao commies you are not human, you are disgrace for mankind.




[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 15, 2018 04:36 AM

(

Soon 98% of Lao people will be just slaves to Lao party-state. 11 members of the politburo and their families will rule like mafia over the country. It's not really a very comfortable situation for you Lao people.Wake up, stand up and fight Lao people ! The world is waiting for you to take action. Fight, fight , fight. It's the only way to erase this blood-sucking regime from the face of the world.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 15, 2018 04:35 AM

ລາວ

ຈາກ ຈໍາປາສັກ

ເລື້ອງຍຶດທີ່ດິນຂອງຊາວບ້ານນັ້ນ ມີມາຕັ້ງແຕ່ເພີ່ນຂື້ນກໍາອໍານາດ ມາຈົນຮອດທຸກມື້ນີ້ ແລະ ທີ່ຊາວບ້ານເມືອງປະທຸມພອນ ແຂວງຈໍາປາສັກ ໄດ້ສະແດງອອກມານັ້ນ ມັນເປັນການດີທີ່ສຸດ ເພື່ອໄຫ້ພວກທີ່ໄຊ້ອໍານາດ ແລະພວກທີ່ປະພຶດບໍ່ດີໄຫ້ມີຈິດສໍານຶກ ແລະຫັນປ່ຽນທິດທາງໄໝ່ ແລະໄຫ້ເພີ່ນໄດ້ຮັບຮູ້ວ່າ ປະຈຸບັນນີ້ປະຊາຊົນຄົນທໍາມະດາ ຜູ້ບໍ່ມີອໍານາດນັ້ນດຽວນີ້ ພວກເຂົາເຈົ້າກໍມີອໍານາດ ໃນການປາກເວົ້າ, ແລະອອກຄວາມເຫັນໄດ້ຄືກັນ ຄັນຖ້າລັດທະບານ ຜູ້ມີອໍານາດຍັງຫາວ່າ ພວກປະຊາຊົນນັ້ນ ຕໍ່ຕ້ານ ຫຼືເຮັດຜິດນະໂຍບາຍຂອງລັດ ກໍຢາກໄຫ້ລັດ ເອົາກົດໝາຍຕາດີນ ທີ່ພວກເພີ່ນດັດແປງນັ້ນ ມາເປີດໄສ່ກັນເບີ່ງໂລດວ່າ ໄຜຈະເຂົ້າໃຈເນື້ອໃນ ແລະນັບຖືກົດໝາຍຫຼາຍກ່ວາກັນ ແລະຢ່າຄິດວ່າປະຊາຊົນ ເຂົາບໍ່ຮູ້ຫັຍງເລີຍ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 09, 2018 07:19 AM

(

Scum. How can you do that to Lao people? Do you still think deserve to live ?


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 09, 2018 07:11 AM

(

ຂະນະນາຍບ້ານຍັງມີອໍານາດສູງສຸດ ແລະສາມາດຍຶດເອົາທີ່ທໍາມາຫາກິນ ຂອງຊາວບ້ານໄດ້ແລ້ວຂັ້ນເມືອງ, ແຂວງແລະຜູ້ກໍາອໍານາດເດມັນຈະຂະນາດໄດ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 09, 2018 07:11 AM

ເບິ່ງຄວາມເຫັນທັງໝົດ.

ເຕັມຫນ້າ