ປາກະຊັງແພງຍ້ອນ ຈີນ ເຊົາລ້ຽງ

ອຸ່ນແກ້ວ ສຸກສະຫວັນ
2016-03-29
ອີແມວລ໌
ຄໍາເຫັນ
Share
ພິມ
ບ່ອນລ້ຽງປາກະຊັງ
ບ່ອນລ້ຽງປາກະຊັງ
RFA

ຣາຄາ ປາກະຊັງ ຢູ່ ນະຄອນຫຼວງ ວຽງຈັນ ມີຣາຄາ ສູງຂຶ້ນ ຂາຍໄດ້ ຣາຄາ ປະມານ 19,000 ກີບ ຕໍ່ນຶ່ງ ກິໂລກຣາມ ໃນຂນະ ທີ່ ປີກາຍ ຂາຍໄດ້ພຽງ 13,000 ກີບ ຕໍ່ນຶ່ງ ກິໂລກຣາມ ເທົ່ານັ້ນ. ຜູ້ລ້ຽງ ປາກະຊັງ ທ່ານນຶ່ງ ຢູ່ ນະຄອນຫຼວງ ວຽງຈັນ ໄດ້ກ່າວຕໍ່ ເອເຊັຽ ເສຣີ ໃນ ວັນທີ 28 ມິນາ 2016 ວ່າ:

"ຣາຄາ ກະດຽວນີ້ ໄຄແເດ່ 18-19 ພັນ ຕໍ່ກິໂລກຣາມ ຂຶ້ນ ມາຈາກໄດ້ 14-15 ພັນ, ປາ ມັນມີໜ້ອຍ ມັນອັ່ງ ລະກະລົງ ຊ່ວງວ່າງຫັ້ນ ແຫ່ງ 20 ພັນ 20 ພັນ ໄດ້ຈັກທິດ ລະ ຈີນ ມາຂາຍ 19 19 ລະມັນລົງ 18".

ຣາຄາ ປາກະຊັງ ໃນປີຜ່ານມາ ຕົກຕໍ່າ ເຫລືອພຽງແຕ່ 13,000 ກີບ ຕໍ່ນຶ່ງ ກິໂລກຣາມ ຈົນເຮັດໃຫ້ ຜູ້ລ້ຽງ ປາກະຊັງ ຕ້ອງຫລຸບທຶນ ແລະ ຜູ້ລ້ຽງ ປາກະຊັງ ຊາວຈີນ ຫຼາຍຄົນ ຕ້ອງປິດ ກິຈການ, ເມື່ອຈໍານວນ ຜູ້ລ້ຽງ ປາກະຊັງ ໜ້ອຍລົງ ຣາຄາປາ ຈຶ່ງແພງຂຶ້ນ. ອີງຕາມ ການບອກເລົ່າ ຂອງຜູ້ລ້ຽງ ປາກະຊັງ.

ນອກຈາກນີ້ ເຈົ້າຂອງ ປາກະຊັງ ທ່ານນີ້ ຍັງກັກ ປາກະຊັງ ທີ່ຄ້າງຈາກ ປີກາຍ ໄວ້ຖ້າຂາຍ ໃນລາຄາ 17,000 ກີບ ເພາະເຫັນວ່າ ໂຕໃຫຍ່, ດັ່ງນາງ ກ່າວວ່າ:

"ປີກາຍນີ້ ໜັກໜ່ວງ ເຮົາ ບໍ່ຂາຍອອກ ມາຂາຍປີນີ້ ຍັງ 7 ໜ່ວຍ ໂຕ 3 ໂລ ກະເກີນ ນ້ຳໜັກ ເຮົາຂາຍ 17 ພັນ ໂຕນ້ອຍ ເຂົາກະຂາຍ 18-19 ຫາກ ກະໄຄກວ່າ ຂາຍຕອນຖືກ ທີ່ໄດ້ 13-14-15 ພັນ ປາ ໃໝ່ເຮົາກະຂາຍ 18-19 ພັນ ປາໃໝ່ ເຮົາກໍພໍດີ ອອກຊ່ວງ ສົງການ ກະພໍດີໝົດ. ໝົດປາ ຊຸມເກົ່າ ເຮົາກໍອອກ ໃໝ່ເລີຍ ກະພໍດີ ປາ ຕລາດ".

ເຈົ້າຂອງ ປະກະຊັງ ທ່ານນີ້ ໃຫ້ ເຫດຜົນວ່າ ຣາຄາ ປາກະຊັງ ຈະຖືກລົງ ຫລື ແພງຂຶ້ນນັ້ນ ມັນຂຶ້ນຢູ່ກັບ ຈໍານວນ ປາກະຊັງ. ຖ້າວ່າ ປາກະຊັງ ມີຂາຍ ຢູ່ຕລາດຫຼາຍ ຣາຄາ ກໍຖືກລົງ. ແຕ່ ສະເພາະ ປີນີ້ ປາກະຊັງ ຂາດຕລາດ ຍ້ອນວ່າ ຜູ້ລ້ຽງ ຊາວຈີນ ຈໍານວນນຶ່ງ ຂາດທຶນ ແລະ ກັບບ້ານ, ຈຶ່ງເຮັດໃຫ້ ຣາຄາ ປາກະຊັງ ໃນຊ້ວງນີ້ ແພງຂຶ້ນ. ຢູ່ ນະຄອນຫຼວງ ວຽງຈັນ ການລ້ຽງ ປາກະຊັງ ແມ່ນຢູ່ ນໍ້າຂອງ ແລະ ນໍ້າງື່ມ.

ເຕັມຫນ້າ